Өнгөрсөн нэгдүгээр сард АНУ-ын иргэн Жон Мартин Кийн гэгч иргэн манай улсад ирээд сураггүй болсон талаар манай сайт мэдээлсэн. Мөн түүний цогцсыг Төв аймгийн Эрдэнэ сумын нутаг, Цонжин болдгийн орчмоос олсон, хэрэгт 24 настай эмэгтэй сэжиглэгдэж байгаа, Жон Мартин Кийны ээж нь Монгол Улсад ирсэн гээд уг хэрэгтэй холбоотой бүх мэдээллийг цаг тухайд нь хүргэж байгаа.
Түүнчлэн Жон Мартин Кийны эхнэр Нэнситэй хийсэн ярилцлагыг нийтэлсэн. Хэргийн талаар УМБГ-ын Онц хүнд зохион байгуулалттай гэмт хэргийн тасгийн дарга Н.Цогтбаяраас тодруулахад “Шүүх эмнэлгийн хариу бүрэн гараагүй байна. Гэтэл сэжигтэн эмэгтэйг шууд гэмт хэрэгтэн мэтээр ойлгож болохгүй. Түүнчлэн тухайн цогцос нь Жон Мартин Кийнийх мөн болохыг ч бүрэн тогтоогоогүй байна” гэв.
Ер нь сүүлийн үед гадаадын иргэн Монгол улсад ирээд гэмт хэрэгт, гэмт халдлагад өртөх нь ихэссэн. Энэ талаар ЦЕГ-ын хэвлэл мэдээллийн төвийн ажилтан, цагдаагийн дэслэгч Б.Саруултуяагаас зарим зүйлийг тодруулсан юм.
-АНУ-ын иргэн Жон Мартин Кийны амийг монгол эмэгтэй хөнөөсөн хэрэг гарлаа. Ер нь сүүлийн үед гадаадын иргэд гэмт халдлагад өртөөд байх шиг?
-Цагдаагийн газраас жуулчны байгууллагад байнга сануулга өгч ажилладаг. Гэвч гадаадын иргэд хэнэггүй байдлаасаа гэмт хэргийн халдлагад өртөөд байна. Мөн жуулчинг авчирч буй байгууллага, хувь хүмүүсээс хамаарч гадны иргэд манай улсад байх үедээ гэмт хэрэгт холбогдох тохиолдол бий.
-Он гарсаар гадаадын хэчнээн иргэн гэмт халдлагад өртөөд байна?
-Энэ оны хоёрдугаар сарын байдлаар гадаадын 18 иргэн гэмт хэргийн халдлагад өртсөн байна. Тодруулбал, БНХАУ-ын долоо, Орос улсын хоёр, Солонгос улсын долоо, АНУ-ын нэг иргэн тус тус өртсөн байна.
-Тэгвэл гадны улсын иргэд манай улсад байх үедээ гэмт хэрэг үйлдэх, сэжиглэгддэг тохиолдол бий юу?
-Энэ оны хоёрдугаар сарын байдлаар гэмт хэрэг үйлдэх үедээ захиргааны зөрчилтэй байсан 14 гадны иргэн бүртгэгдсэн. Өөрөөр хэлбэл, дээрх иргэд урьд нь ямар нэгэн байдлаар хэрэгт холбогдсон байсан гэсэн үг. Тодруулбал, Хятад улсын найм, Солонгос улсын хоёр иргэн гэмт хэрэгт холбогдсон байх жишээтэй.
-Ихэвчлэн ямар төрлийн гэмт хэрэгт холбогдож байна вэ?
-Янз бүр. Тухайлбал, Япон улсын эмэгтэй хар тамхины хэрэгт сэжиглэгдэн саатуулагдаж байгаа. Гэхдээ хэргийг шалгаж байгаа учраас Япон эмэгтэй манайд хар тамхи тээвэрлэж, хадгалж, худалдаалж байсан гэж хэлэх боломжгүй.
-АНУ-ын иргэн Жон Мартин Кийны амийг хөнөөсөн хэргийн талаар тодорхой мэдээлэл өгөх боломж байна уу?
-Тийм хэрэг үйлдэгдсэн нь тодорхой байгаа. Гэхдээ энэ хэргийн мөрдөн байцаалт дуусаагүй байгаа. Тэгэхээр өөр мэдээлэл өгөх боломж алга.
Түүнчлэн Жон Мартин Кийны эхнэр Нэнситэй хийсэн ярилцлагыг нийтэлсэн. Хэргийн талаар УМБГ-ын Онц хүнд зохион байгуулалттай гэмт хэргийн тасгийн дарга Н.Цогтбаяраас тодруулахад “Шүүх эмнэлгийн хариу бүрэн гараагүй байна. Гэтэл сэжигтэн эмэгтэйг шууд гэмт хэрэгтэн мэтээр ойлгож болохгүй. Түүнчлэн тухайн цогцос нь Жон Мартин Кийнийх мөн болохыг ч бүрэн тогтоогоогүй байна” гэв. Ер нь сүүлийн үед гадаадын иргэн Монгол улсад ирээд гэмт хэрэгт, гэмт халдлагад өртөх нь ихэссэн. Энэ талаар ЦЕГ-ын хэвлэл мэдээллийн төвийн ажилтан, цагдаагийн дэслэгч Б.Саруултуяагаас зарим зүйлийг тодруулсан юм.
-АНУ-ын иргэн Жон Мартин Кийны амийг монгол эмэгтэй хөнөөсөн хэрэг гарлаа. Ер нь сүүлийн үед гадаадын иргэд гэмт халдлагад өртөөд байх шиг?
-Цагдаагийн газраас жуулчны байгууллагад байнга сануулга өгч ажилладаг. Гэвч гадаадын иргэд хэнэггүй байдлаасаа гэмт хэргийн халдлагад өртөөд байна. Мөн жуулчинг авчирч буй байгууллага, хувь хүмүүсээс хамаарч гадны иргэд манай улсад байх үедээ гэмт хэрэгт холбогдох тохиолдол бий.
-Он гарсаар гадаадын хэчнээн иргэн гэмт халдлагад өртөөд байна?
-Энэ оны хоёрдугаар сарын байдлаар гадаадын 18 иргэн гэмт хэргийн халдлагад өртсөн байна. Тодруулбал, БНХАУ-ын долоо, Орос улсын хоёр, Солонгос улсын долоо, АНУ-ын нэг иргэн тус тус өртсөн байна.
-Тэгвэл гадны улсын иргэд манай улсад байх үедээ гэмт хэрэг үйлдэх, сэжиглэгддэг тохиолдол бий юу?
-Энэ оны хоёрдугаар сарын байдлаар гэмт хэрэг үйлдэх үедээ захиргааны зөрчилтэй байсан 14 гадны иргэн бүртгэгдсэн. Өөрөөр хэлбэл, дээрх иргэд урьд нь ямар нэгэн байдлаар хэрэгт холбогдсон байсан гэсэн үг. Тодруулбал, Хятад улсын найм, Солонгос улсын хоёр иргэн гэмт хэрэгт холбогдсон байх жишээтэй.
-Ихэвчлэн ямар төрлийн гэмт хэрэгт холбогдож байна вэ?
-Янз бүр. Тухайлбал, Япон улсын эмэгтэй хар тамхины хэрэгт сэжиглэгдэн саатуулагдаж байгаа. Гэхдээ хэргийг шалгаж байгаа учраас Япон эмэгтэй манайд хар тамхи тээвэрлэж, хадгалж, худалдаалж байсан гэж хэлэх боломжгүй.
-АНУ-ын иргэн Жон Мартин Кийны амийг хөнөөсөн хэргийн талаар тодорхой мэдээлэл өгөх боломж байна уу?
-Тийм хэрэг үйлдэгдсэн нь тодорхой байгаа. Гэхдээ энэ хэргийн мөрдөн байцаалт дуусаагүй байгаа. Тэгэхээр өөр мэдээлэл өгөх боломж алга.
Б.Чимэг
