Хорин дөрвөн настай Холливудын жүжигчин, дуучин Хиллари Дафф мягмар гарагт амаржиж, хүүтэй болжээ. Түүний нөхөр Майк Комри долоон фунтын жинтэй, эрүүл чийрэг төрсөн хүүдээ Luca Cruz Comrie гэдэг нэр өгчээ. Хосууд 2010 онд хуримаа хийсэн бөгөөд хүүхдээ тэсэн ядан хүлээж байсан юм. Одоогоор Хиллари Дафф хүүхдийнхээ зургийг олон нийтэд дэлгээгүй байна.
   “Үнсгэлжингийн түүх”, “Тагнуулч Коди Банкс” зэрэг кинонд тоглож танигдсан Хиллари Дафф нийт хорь гаруй кинонд дүр бүтээж, дууны цомог нь дэлхий даяар 13 сая хувь борлогджээ.