УИХ-ын гишүүн Ц.Цэнгэл шударга хүн болж харагдах гэсэн биш өөрийгөө ороочихов бололтой. Тэрээр саяхан хэвлэлд өгсөн ярилцлагадаа “Би уул нь Таван толгойн стратегийн орд газрын хувьцааны дөрвөн хувийг эзэмшдэг байсан юм. Хэрвээ тэрийгээ одоо ч гэсэн эзэмшээд явж байсан бол над шиг баян хүн байхгүй байх байсан. Гэвч би Таван толгойн хувьцаанаас эзэмшчихээд жишимгүй сууж байх жудаггүй эр биш болохоороо улсдаа тэр хувьцаагаа 2007 онд буцааж өгсөн” гэж ярив.Түүний ярилцлагыг уншсан иргэд “6,4 тэрбум тонн нүүрсний нөөцтэй дэлхийд тэргүүлэх ордын дөрвөн хувийг ямарч шударга хүн байлаа гэсэн зүгээр л улсдаа хандивлана гэж байхгүй. Мөн “Таван толгой”-н хувьцааг луйвардаж авчихаад улсад буцааж үнэгүй өгөөгүй нь лавтай. Ер нь тэгээд Таван толгойн ордын дөрвөн хувийг яаж эзэмшсэн юм бол” хэмээн ярилцах болов.
Улсад Таван толгойн дөрвөн хувийг буцааж өгснийхөө дараа жил буюу 2008 онд Ц.Цэнгэл гишүүн АТГ-д өгсөн хөрөнгө орлогын мэдүүлэгтээ би жилдээ 3220000 төгрөгийн орлого олдог. Гэр бүлийн маань хүн 4030000 төгрөгийн орлоготой байдаг. Би нэг машин, нэг орон сууцтай. Хадгаламжиндаа 8700000 төгрөгтэй хэмээн өгсөн нь баримттайгаа байдаг. Тэгэхээр мань хүн АТГ-т мэдүүлээгүй нууц, хөрөнгөө хаана хэний нэр дээр хадгалдаг болж таарах нь вэ?
Б.Чимэг
