Нийслэлийн засаг даргын захирамжаар худалдааны байгууллагуудын ажиллах цагийн хуваарьт өөрчлөлт оруулжээ. Тус захирамжад "Сандэй" плаза худалдааны төвийг өглөөний 08:00 цагаас 17 цаг хүртэл ажиллуухаар заасан байна. 3 сарын 26-н гэхэд дагаж мөрдөх ёстой уг захирамжийг "Сандэй" плазагийн худалдаа эрхлэгчид эсэргүүцэж байгаа гэнэ. Учир нь өглөөний 8 цагт дэлгүүр хэсэх хүн байхгүй, иргэд ажлаа тараад худалдаа хийхээр худалдааны төвд ирдэг гэж тэд хэлж байна. Нийслэлийн засаг дарга хотын машины түгжрэлийг багасгах зорилгоор ийм захирамж гаргасан гэнэ. Өглөө  8 цагт дэлгүүрийг нээж 17 цагт хаах нь түгжрэлийг бууруулах биш улам нэмэх магадлалтай тиймээс хуучин хуваарийнх нь дагуу ажиллуулахыг шаардаж, хүсэлт гаргасан бичгээ зохих газарт нь хүргэжээ. Өнөөдрийн байдлаар тус худалдааны төвд  800 орчим түрээслэгчид ажилладаг. Худалдаа эрхлэгчдийн эрх ашиг сонирхолыг хөндсөн ийм шийдвэрээ цуцлаж өгөхийг тэд хүслээ.