Завхан аймаг 2012 оныг “Мэдээллийн технологийг хөгжүүлэх” жил болгон зарлаад байна. 2009 оноос хойш “Эрин зууны хөтөч” аяныг гурван тулгуурт бодлогын нэг болгон хэрэгжүүлж ирсэн. Энэ жилийн хүрээнд Эрин зууны хөтөч аянаа улам өргөжүүлж аймгийнхаа хэмжээнд 5000 ширхэг нетбүүкийг Ерөнхий боловсролын сургуулийн хүүхдүүдэд өгөх зорилт тавьж, өгч эхлээд байна. Цагаан сарын өмнө 2000 ширхэг компьютер хүүхдүүдийн гар дээр очсон бол хоёр дахь ээлжний 1500 ширхэг компьютер өчигдрөөс эхлэн хүүхдүүддээ очиж эхлээд байна. Эдгээр нетбүүкийн нэг бүрийг 160 000 төгрөгөөр зарж байгаа юм.