Буриад улсын соёлын салбар сүүлийн хэдэн жилд улам дэвжиж байгаа билээ. Нийслэл хотноо театраа шинэчлэн барьж, хөшөөнүүдийг сайжруулж,  олон улсын тэмцээн уралдаан, фестиваль хэд хэдийг зохион байгуулаад амжсан. 
   “Нүүдэлчдийн дуу хоолой” Олон улсын хөгжмийн фестивалийн захирал Наталя Уланова “Соёлын яамны дэмжсэн олон төсөл сүүлийн гурван жилд нэлээд амжилттай хэрэгжлээ”  хэмээн ярьж байна.
  
     Буриадын Соёлын яам орон нутгийн хөгжлийн салбарт илүү анхаарах болсноо мэдэгдсэн юм.

2011 онд Үндэсний номын санд хэрэгжүүлсэн үйл ажиллагаа үндэсний хэмжээнд танигдсан. Тэгвэл одоогоос түүх болон соёлын өвийг хадгалан үлдэх олон шинэ төсөл Буриадад хэрэгжүүлэхээр болсон байна.

   Бичурскын номын сангийн ажилтан Евгений Слепнев “Бид тэтгэлэг авсан. Бид хуучны ховор номнуудыг дижитал хэлбэрээр ашиглаж болдог болгох болно” гэж ярьж байна.

    “Зөвхөн номын сан төдийгүй хөдөө орон нутагт тогтмол хэвлэл, урлагийн ном, хангалттай цалин байдаггүй. Тэнд албан хаагчдын хомсдолд орж байна. Ажилчдын бараг хагас нь соёл урлагийн мэргэжлийн боловсрол эзэмшээгүй байна” хэмээн яамныхан мэдээлж байв.

    Буриадын Соёлын сайд Тимур Цыбиков “Бүжиг дэглээч, балетын багш, найрал дууны багш, дагалдан хөгжимчин гээд олон албан хаагчдын тоо хангалттай биш байна. Энэ асуудал үнэхээр ярвигтай. Гэсэн ч бид үүнийг засахыг хичээнэ” гэв.

   Өнгөрсөн онд соёлын салбарын ажилчдын цалинг 40 хувиар нэмснээр илүү их амжилт гаргасан байна. Энэ арга хэмжээ нь мэргэжлийн ажилчдыг Буриадын нийслэл болон орон нутгуудад тодорхой хэмжээгээр сууршуулж чадсан аж.

Д.Идэр