Өнгөрсөн долоо хоногт болсон онцлох үйл явдлыг 24tsag.mn уншигч та
бүхэндээ тоймлон хүргэж байна. Хууль зүй дотоод хэргийн яамны сайд
Ц.Нямдорж, УИХ-гишүүн Х.Баттулга нар баримтаар бамбаа хийн бие бие рүү
гээ дайралт хийснээс эхлээд 7 сарын 1-ний хэрэгт буруутгагдаад буй
цагдаагийн экс дарга Г.Ганбаатарыг цагдан хорих төврүү авч явсан,
Бээжингийн олимпийн аварга, боксчин Э.Бадар-Ууган ирэх 2012 оны олимпт
бэртлийн улмаас оролцож чадахгүй болсон гэдгээ өөрийн биеэр мэдэгдсэн
гээд улс төр, урлаг спорт, гэмт хэргийн ертөнцөд хурц үйл явдлаар дүүрэн
долоо хоног өнгөрлөө.
Долоо хоногийн тойм 
Өнгөрсөн долоо хоногт болсон онцлох үйл явдлыг 24tsag.mn уншигч та бүхэндээ тоймлон хүргэж байна. Хууль зүй дотоод хэргийн яамны сайд Ц.Нямдорж, УИХ-гишүүн Х.Баттулга нар баримтаар бамбаа хийн бие бие рүү гээ дайралт хийснээс эхлээд 7 сарын 1-ний хэрэгт буруутгагдаад буй цагдаагийн экс дарга Г.Ганбаатарыг цагдан хорих төврүү авч явсан, Бээжингийн олимпийн аварга, боксчин Э.Бадар-Ууган ирэх 2012 оны олимпт бэртлийн улмаас оролцож чадахгүй болсон гэдгээ өөрийн биеэр мэдэгдсэн гээд улс төр, урлаг спорт, гэмт хэргийн ертөнцөд хурц үйл явдлаар дүүрэн долоо хоног өнгөрлөө.
Өнгөрсөн долоо хоногт болсон онцлох үйл явдлыг 24tsag.mn уншигч та бүхэндээ тоймлон хүргэж байна. Хууль зүй дотоод хэргийн яамны сайд Ц.Нямдорж, УИХ-гишүүн Х.Баттулга нар баримтаар бамбаа хийн бие бие рүү гээ дайралт хийснээс эхлээд 7 сарын 1-ний хэрэгт буруутгагдаад буй цагдаагийн экс дарга Г.Ганбаатарыг цагдан хорих төврүү авч явсан, Бээжингийн олимпийн аварга, боксчин Э.Бадар-Ууган ирэх 2012 оны олимпт бэртлийн улмаас оролцож чадахгүй болсон гэдгээ өөрийн биеэр мэдэгдсэн гээд улс төр, урлаг спорт, гэмт хэргийн ертөнцөд хурц үйл явдлаар дүүрэн долоо хоног өнгөрлөө.
Өнгөрсөн долоо хоногийн онцлох шүүх хурал:
Г.Ганбаатарыг цагдан хорих төв рүү авч явлаа. Долдугаар сарын 1-ний хэрэгт буруутгагдаад буй цагдаагийн экс дарга нарыг цагдан хорих шийдвэр гарсан. Хэдийгээр тэдний биеийн байдал муудаж, Сүхбаатар дүүргийн нэгдсэн эмнэлэгт хэвтэн эмчлүүлж байсан ч Сүхбаатар дүүргийн шүүхийн шүүгч Ч.Хосбаяр хорих шийдвэрийг дахин гаргаснаар тэднийг цагдан хорих төв рүү ачин явсан юм. Харин өнгөрсөн лхагва гаригт Сүхбаатар дүүргийн шүүхэд Нийслэлийн цагдаагийн газрын Хэв журам хэлтсийн даргаар ажиллаж байсан дэд хурандаа Г.Ганбаатарт холбогдох шүүх хурал болж, түүнийг мөн цагдан хорих шийдвэр гаргасан юм. Түүний хэргийг өмнөх долоо хоногийн лхагва гаригт Ч.Амарболд нартай шүүх байсан ч өмгөөлөгч ирээгүй гэх шалтгаанаар тусгаарласан. Гэтэл өнгөрсөн лхагва гаригт болсон шүүх хурлаар тэдний хэргийг дахин нэгтгэх шийдвэр гаргасан юм. Ингэснээр түүнийг ШШГЕГ-ын харъяа цагдан хорих 461 дүгээр анги руу авч явсан. Тэрээр “Шүүхийн шийдвэр хууль бус гарсанд гомдолтой байна” гэсээр ачигдан явсан юм. Сая болсон шүүх хурлаар Г.Ганбаатарын хэргийг бусад цагдаа нарынхаас салгачихаад эргээд нийлүүлж шүүсэн нь хүмүүст янз бүрийн хардалтыг төрүүлээд байгаа юм. Сонгууль ойртох тусам 7 сарын 1-ний хэрэгтэй холбоотой нууц баримтууд ар араасаа дэлгэгдэн гарч ирж байгаа нь уг хэргийг улс төржүүлж байна гэсэн хардалтыг олон нийтэд төрүүлээд байгаа юм. Долоо хоногийн онцлох дайралтууд:
УИХ-ын гишүүн, “Женко” группын захирал Х.Баттулга, Хууль зүй, дотоод хэргийн сайд Ц.Нямдорж нар өнгөрсөн долоо хоногт ашиг сонирхлын зөрчил, авлига, хээл хахуультай холбоотой ноцтой баримтуудыг дэлгэв. УИХ-гишүүн Х.Баттулга “Энержи ресурс” компанитай холбоотой хүмүүсийг АТГ-т өгсөн. Түүнд С.Батболд, ЗГХЭГ-ын дарга Ч.Хүрэлбаатар, ЭБЭХ-ний сайд Д.Зоригт, ХЗДХ-ийн сайд Ц.Нямдорж нарын авлигатай холбоотой баримт байгаа аж. Үүний хариуд ЗГХЭГ-ын дарга Ч.Хүрэлбаатар болон ЗТБХБ-ын дэд сайд Т.Пүрэвдорж нар Женко Х.Баттулгыг Солонгос, Хятадуудтай хийсэн гэх түүний гарын үсэгтэй нууц гэрээг сэтгүүлчдэд харуулсан. Эдгээр хүмүүс Х.Баттулгыг төмөр замын асуудлаар нууц гэрээ хийсэн гэж байгаа юм. Ирэх долоо хоногт УИХ-ын гишүүн Х.Баттулга эдгээр хүмүүстэй холбоотой баримтыг дэлгэнэ гэсэн нь хүмүүсийн сонирхолыг татаад байгаа юм. Сонгууль дөхсөнтэй холбоотой улс төрчдийн өрсөлдөөн ХЗДХ-ийн Ц.Нямдорж, МАХН-ын дарга Н.Энхбаяр нарын хэргээр эхэлсэн бол Ц.Нямдорж, УИХ-ын гишүүн Х.Баттулга нарынхаар үргэлжилж байна. Долоо хоногийн онцлох маргаан:
Өнгөрсөн долоо хоногт АН-ын УИХ дахь бүлгийн дарга Ч.Сайханбилэг гацаанд ороод байгаа орон нутгийн сонгуулийн талаар сэтгүүлчдэд мэдээлэл хийсэн. Орон нутгийн сонгуулийн тухайд АН буулт хийж, аймаг дүүрэг болон сум, хороодын сонгуулийг салгаж хийе гэсэн санал гаргасан. Гэсэн ч МАН өөрсдийн байр суурь дээр хатуу зогсох хандлагатай байгаа. Анх 2008 онд хоёр сонгуулийг хамтад нь хийнэ гэж тохиролцоод хуулинд оруулчихсан хэрнээ тусад нь явуулж, будлиан тарих гэж байгаад санаа зовж байгаа гэж Ч.Сайханбилэг гишүүн мэдэгдсэн. Ялангуяа ухаалаг үнэмлэх, санал тоолох машиныг хариуцан ажиллаж байгаа МАН-ын хүмүүс ажлыг удаашруулж, Ж.Энхбаяр сайд байлдааны бэлэн байдалд бэлтгэнэ гэж ярьж байгаа нь МАН-ын хандлагыг харуулж байгаа гэж гишүүд үзжээ. АН-ынхан хоёр сонгуулийг хамтад нь хийе гэсэн саналтай байгаа бөгөөд энэ ажлыг засгийн газрын тэргүүн С.Батболд ахлаж ажиллах ёстой гэсэн ч ерөнхий сайд энэ саналыг хүлээж авалгүй татгалзсан юм. Учир нь хоёр сонгуулийг хамтад нь явуулах нь цаг хугацаа болон хүчин чадлын хувьд бололцоогүй гэж тэрээр үзэж байгаа аж. Байр суурийн зөрүүтэй байгаа уг асуудал хэрхэн шийдэгдэх нь цаг хугацааны явцад тодорхой болох юм.Долоо хоногийн онцлох сануулга: МАН-ын ёс зүйн хорооноос намын бодлогоос зөрчилдсөн зүйл хэвлэл мэдээллийн хэрэгслээр ярихгүй байхыг хүссэн бичгийг зарим нэр бүхий гишүүдэд хүргүүлсэн. Тодруулбал тус бичиг нь УИХ-ын гишүүн Д.Балдан-Очир, Р.Раш, Д.Тэрбишдагва нарт хандсан бичиг байжээ. Учир нь Д.Балдан-Очир, Р.Раш, Д.Тэрбишдагва нарт ирэх сонгуульд өөрийн намаас тойрог олдохгүй байгаа болохоор МАХН-руу орох гэж байна гэсэн хардлага байгаа юм. Тэр нь ч бага багаар батлагдаж байгаа.
Долоо хоногийн онцлох мэдэгдэл:
Бээжингийн олимпийн аварга боксчин Э.Бадар-Ууган ирэх 2012 оны Лондонгийн олимпид оролцохгүй гэдгээ албан ёсоор мэдэгдсэн нь монголчуудад гутрал төрүүлсэн юм. Хамгийн сүүлийн олимпийн аварга ирж байгаа наадмыг өнжинө гэдэг дэлхийн хэмжээний онцлох мэдээ байлаа. Тэр тусмаа цэл залуухан, ид эрч хүчтэй үедээ яваа Э.Бадар-Ууган аваргын хувьд 2012 оны олимпод оролцохгүй байх шийдвэр гаргана гэдэг маш хэцүү байсан тухай тэр өөрөө ярьсан юм. Тэрээр 2006 онд Германы “Химийн цом” болон Чех, Туркийн цом, Европын цуврал тэмцээнд оролцож байхдаа чихэндээ хүчтэй цохиулснаас болоод хэнгэрэг нь хагарч, энэ гэмтэл нь аажим аажмаар мэдрэлд буюу тэнцвэрийн эрхтэнд, цаашлаад бүр нугасанд нөлөөлж, нурууны мэдрэлийн судсууд нь дарагдахад хүрчээ. Тиймээс аварга маань хоёр жилийн туршид гам барьж бэртлээ эмчлэх шаардлагтай аж. Тэрээр бүрэн эдгэтлээ ямар ч тэмцээн уралдаанд оролцохгүй гэж хэлсэн юм. 
Долоо хоногийн онцлох дарамт: МАН-хан “Big line студи”-ийн “Бурхан өршөөг” киног АН-ын захиалгат кино гэж үзэн “Өргөө” кино театрт гаргахгүй болсон талаарх мэдээ урлагийн салбарт гарсан анхаарал татам үйл явдал байлаа. Энэ сарын 23-наас "Бурхан өршөөг" киног өөрийн театраар гаргахгүй гэдгээ "Өргөө" кино театрынхан мэдэгдсэн. "Өргөө" кино театрт тус киног гаргахгүй байхыг анхааруулсан шахалт дарамт ирсэн учраас ийнхүү "Бурхан өршөөг" киног гаргахаа больсон гэнэ. Эмгэнэлт инээдмийн "Бурхан өршөөг" кино нь энэ сарын 1-нд нээлтээ хийсэн бөгөөд төрийн албан тушаалтнуудын хүнд суртал, нийгэмд бугшсан шударга бус үйл явдлыг шүүмжлэн харуулахыг зорьсон ажээ. Киноны ерөнхий найруулагч З.Батболд ардчилсан намаас "Өргөө" кино театрын удирдлагуудад "Бид Ардчилсан намд энэ кино захиалгынх биш гэдгийг нотлох бичиг хийж өгөхийг хүссэн. Өнөөдөр энэхүү нотлох баримтаа авлаа. Үүнд “Бурхан өршөөг” киног Ардчилсан нам захиалж хийлгээгүй бөгөөд энэ кинотой холбоотойгоор уран бүтээлчидтэй холбогдсон зүйл байхгүй хэмээн тусгасан байгаа хэмээн ярьж байсан юм. Киноны уран бүтээлчид улс төрийн үзэл суртлаар уран бүтээлчдийг цензурдэж байгаад харамсаж байгаагаа илэрхийлсэн мэдэгдэл хийсэн юм. Юм юм давхацсан өдөр: Өнгөрсөн долоо хоногийн пүрэв гаригт монгол хүн сансарт ниссэний 31 жилийн ой, мөн Казак түмний Наурызын баяр, өдөр шөнө тэнцсэн өдөр тохиосон юм. Энэ өдөр телевизийн дэлгэц, сонин сэтгүүлийн нүүр баярт мэдээгээр дүүрч байлаа.
