Цөмийн зэвсгийн талаарх ээлжит Олон улсын хурал өнөөдөр БНСУ-ын Сөүл хотод эхэлж байна. Олон улсын төдийгүй дэлхийн дахинд анхаарал татаад байгаа цөмийн эрчим хүч, зэвсгийн талаарх асуудал хамгийн эмзэг сэдэв болоод байгаа.

Харин энэхүү олон улсын хуралд Монгол Улсаас төлөөлөгч оролцохгүй талаар зарим эх сурвалж мэдээлж байна. Манай улсын хувьд өнгөрсөн жил цөмийн хаягдал булшлах талаар олон эх сурьалжийн дуулиан дэгдсэнээс хойш энэ асуудал илүү эмзэг хандах болсон.

Мөн цөмийн зэвсэггүй статустай улс орны хувьд  төдийлөн энэ асуудалд оролцох сонирхолгүй байгаа бололтой. Сөүлийн анхаарал тавьж ингэтлээ хичээж байгаагын учир хоёр солонгосын асуудал тийм сайнгүй байгаа.

БНСУ-д дэлхийн томоохон гүрнүүд цуглаж цөмийн зэвсгийн талаар хэлэлцэх нь Хойд Солонгосын асуудлыг шийдэхэд дөхөмтэй гэж үзэж байгаа  хэмээн дэлхийн зарим эх сурвалжууд тайлбарлаж байна.

Энэхүү   хуралд тив болгоны төлөөлөгч орнуудын төрийн тэргүүнүүд, дэд ерөнхийлөгч, ерөнхий сайдууд бусад  төлөөлөгчид оролцож байна.

Ази тивээс Өмнөд Солонгос, Вьетнам,Казахстан, Индонези зэрэг 10 орон оролцож байгаа.

Нийт 53 орны тэргүүн, дагалдагч 5000 мянган төлөөлөгч, 3700 сурвалжлагч, төрийн тэргүүний хувийн автомашин 44 ширхэг, тэдэнд үйлчлэх 360 автомашин,  хувийн тогооч , туслах 600 ажилтан , 18 хэлний 50 орчуулагч зэрэг 10 мянган төлөөлөгч ирэх болсон  байна. Тэгвэл төлөөлөгчдийн дунд АНУ-ын ерөнхийлөгч Барак Обама, ОХУ-ын ерөнхийлөгч Д.Медведев гээд нөлөө бүхий томоохон гүрний төрийн тэргүүнүүд цуглаад байна.