“Энержи ресурс” компани болон түүнтэй холбоотой хүмүүсийн авлига, хууль зөрчсөн үйлдлүүдийн тухай шинэ баримтуудыг энэ долоо хоногт дэлгэнэ гэж МоАХ-ны тэргүүн, УИХ-ын гишүүн Х.Баттулга “ам гарсан” билээ. Чухам ямар баримтуудыг дэлгэх гэж буй нь олон нийт хийгээд Х.Баттулгын “ачаар” АТГ-т шалгуулах болсон сайд нарт хамгийн сонин мэдээ болоод байна. Манай эх сурвалжийн мэдээлж байгаагаар “Женко” Х.Баттулга дараах баримтуудыг дэлгэхээр төлөвлөж буй аж.
1. “MCS”-ийн тогтвортой байдлын 70 жилийн гэрээ
Ардчилсан нам Засгийн газраас гарах мэдэгдлээ албан ёсоор хийж, АН-ын сайд нар ам асуулгасан 1-р сарын 11-нд ЗТБХБ-ын сайдын суудлаасаа бууж байсан Х.Баттулга “MCS” компани Засгийн газартай тогтвортой байдлын 70 жилийн гэрээ хийх гэж байгаа тухай мэдэгдсэн. АН-ын дарга Н.Алтанхуяг үүнийг үгүйсгэж, “MCS” компани бараг л “утгагүй” зүйл гэж үгүйсгэж байсан ч ийм гэрээ хийгдэхээр яригдаж байсан нь үнэн болохыг манай сайт баримттайгаар нийтэлж байсан билээ. Тэгвэл УИХ-ын гишүүн Х.Баттулга 70 гаруй хувь нь хятадуудын эзэмшилд байдаг гэх "MCS" компаний Засгийн газартай хийх гэж байгаад гэрэл цохисон гэрээний талаар дахин хөндөх бололтой.
2. Ц.Нямдорж сайдын түрээсийн байр
Дээрх тогтвортой байдлын гэрээний тухай ам нээх үедээ Х.Баттулга гишүүн Ц.Нямдорж сайдын нэрийг хэд хэдэн удаа дурдсан нь өнгөрсөн долоо хоногт түүнийг АТГ-т шалгуулсан “их хэрэг”-ийн эхлэл байжээ. Тэрбээр Яармагт эхлээд байсан зуун мянган айлын орон сууцны барилгын ажлыг Ц.Нямдорж зогсоосон тухай “хальт” яриад өнгөрсөн юм. Гэхдээ ХЗДХ-ийн сайд Ц.Нямдоржийн АТГ-т шалгагдах болсон нь “Энержи ресурс” компаний байранд түрээс төлөхгүй, зөвхөн урсгал зардал болох 300-400 мянган төгрөг өгдөг гэсэн баримт юм. Х.Баттулга сайд энэ түрээсийн байрны тухай илүү нарийн мэдээлэл өгөхөөр зэхэж байгаа аж.
3. Цөмийн хаягдлыг Монголд булахаар зэхэж байсан гэрээ
Японы “Майничи” сонинд Япон болон Монголын Засгийн газрын хооронд цөмийн хаягдал булах тухай гэрээ хийх гэж байгаа тухай нийтлэл гарсан нь туулай жилээс луу жил дамнан шуугиан тарьсан. Ийм гэрээ хийгээгүй гэж Засгийн газрын гишүүд, ялангуяа Гадаад хэргийн сайд Г.Занданшатар мэлзэж байгаа ч энэ нь үнэний ортой гэдгийг Японы “Майничи” сонины сэтгүүлч эмэгтэй нийтлэлээрээ дахин нотолсон. Засгийн газрын тэргүүн С.Батболд ч Японд айлчилж Монголд цөмийн цахилгаан станц байгуулах тухай нухацтай бөгөөд амжилттай ярилцаад ирсэн билээ. Монголд цөмийн хаягдал булах гэрээ хийх гэж байсан нь үнэн эсэх талаар Х.Баттулга сайд Засгийн газрын гишүүний хувьд тодорхой мэдээлэлтэй байгаа бололтой. Хэрэв гэрээний талаар дэлгэвэл үнэхээр том тэсрэлт болох юм.
4. Өмнөговийн дулааны цахилгаан станц
Өмнөговь аймгийг эрчим хүч, дулаанаар хангах Дулааны цахилгаан станцын асуудал энэ долоо хоногт сөхөгдөх магадлалтай байгаа юм. Энд ерөнхий сайд С.Батболд, Эрдэс баялаг, эрчим хүчний сайд Д.Зоригт нарын улс төр, бизнесийн эрх ашиг цухалзаж байгаа гэж “Женко” Х.Баттулга үзэж байгаа аж. Энэ дулааны цахилгаан станцын эрчим хүч, цахилгааныг Засгийн газар Хятадаас авах сонирхолтой байгаа тул ажил нь удаашралтай байгаа гэсэн мэдээллийг Х.Баттулга гишүүн нарийн баримтаар нотолж магадгүй байна.
1. “MCS”-ийн тогтвортой байдлын 70 жилийн гэрээАрдчилсан нам Засгийн газраас гарах мэдэгдлээ албан ёсоор хийж, АН-ын сайд нар ам асуулгасан 1-р сарын 11-нд ЗТБХБ-ын сайдын суудлаасаа бууж байсан Х.Баттулга “MCS” компани Засгийн газартай тогтвортой байдлын 70 жилийн гэрээ хийх гэж байгаа тухай мэдэгдсэн. АН-ын дарга Н.Алтанхуяг үүнийг үгүйсгэж, “MCS” компани бараг л “утгагүй” зүйл гэж үгүйсгэж байсан ч ийм гэрээ хийгдэхээр яригдаж байсан нь үнэн болохыг манай сайт баримттайгаар нийтэлж байсан билээ. Тэгвэл УИХ-ын гишүүн Х.Баттулга 70 гаруй хувь нь хятадуудын эзэмшилд байдаг гэх "MCS" компаний Засгийн газартай хийх гэж байгаад гэрэл цохисон гэрээний талаар дахин хөндөх бололтой.
2. Ц.Нямдорж сайдын түрээсийн байр
Дээрх тогтвортой байдлын гэрээний тухай ам нээх үедээ Х.Баттулга гишүүн Ц.Нямдорж сайдын нэрийг хэд хэдэн удаа дурдсан нь өнгөрсөн долоо хоногт түүнийг АТГ-т шалгуулсан “их хэрэг”-ийн эхлэл байжээ. Тэрбээр Яармагт эхлээд байсан зуун мянган айлын орон сууцны барилгын ажлыг Ц.Нямдорж зогсоосон тухай “хальт” яриад өнгөрсөн юм. Гэхдээ ХЗДХ-ийн сайд Ц.Нямдоржийн АТГ-т шалгагдах болсон нь “Энержи ресурс” компаний байранд түрээс төлөхгүй, зөвхөн урсгал зардал болох 300-400 мянган төгрөг өгдөг гэсэн баримт юм. Х.Баттулга сайд энэ түрээсийн байрны тухай илүү нарийн мэдээлэл өгөхөөр зэхэж байгаа аж. 
3. Цөмийн хаягдлыг Монголд булахаар зэхэж байсан гэрээЯпоны “Майничи” сонинд Япон болон Монголын Засгийн газрын хооронд цөмийн хаягдал булах тухай гэрээ хийх гэж байгаа тухай нийтлэл гарсан нь туулай жилээс луу жил дамнан шуугиан тарьсан. Ийм гэрээ хийгээгүй гэж Засгийн газрын гишүүд, ялангуяа Гадаад хэргийн сайд Г.Занданшатар мэлзэж байгаа ч энэ нь үнэний ортой гэдгийг Японы “Майничи” сонины сэтгүүлч эмэгтэй нийтлэлээрээ дахин нотолсон. Засгийн газрын тэргүүн С.Батболд ч Японд айлчилж Монголд цөмийн цахилгаан станц байгуулах тухай нухацтай бөгөөд амжилттай ярилцаад ирсэн билээ. Монголд цөмийн хаягдал булах гэрээ хийх гэж байсан нь үнэн эсэх талаар Х.Баттулга сайд Засгийн газрын гишүүний хувьд тодорхой мэдээлэлтэй байгаа бололтой. Хэрэв гэрээний талаар дэлгэвэл үнэхээр том тэсрэлт болох юм.
4. Өмнөговийн дулааны цахилгаан станц
Өмнөговь аймгийг эрчим хүч, дулаанаар хангах Дулааны цахилгаан станцын асуудал энэ долоо хоногт сөхөгдөх магадлалтай байгаа юм. Энд ерөнхий сайд С.Батболд, Эрдэс баялаг, эрчим хүчний сайд Д.Зоригт нарын улс төр, бизнесийн эрх ашиг цухалзаж байгаа гэж “Женко” Х.Баттулга үзэж байгаа аж. Энэ дулааны цахилгаан станцын эрчим хүч, цахилгааныг Засгийн газар Хятадаас авах сонирхолтой байгаа тул ажил нь удаашралтай байгаа гэсэн мэдээллийг Х.Баттулга гишүүн нарийн баримтаар нотолж магадгүй байна.
