Энэ сарын эхээр Норд бенз маркийн автомашинд нийт 650 ширхэг нойтон палк модыг Сэлэнгэ аймгийн Сүхбаатар сумын харьяат Т ачиж явсныг ЭЦГ-ын Эдийн засгийн гэмт хэрэгтэй тэмцэх хэлтсийн алба хаагчид Төв аймгийн Баянчандмань суманд саатуулан шалгасан байна.
    Энэ сарын эхээр Норд бенз маркийн автомашинд нийт 650 ширхэг нойтон палк модыг Сэлэнгэ аймгийн Сүхбаатар сумын харьяат Т ачиж явсныг ЭЦГ-ын Эдийн засгийн гэмт хэрэгтэй тэмцэх хэлтсийн алба хаагчид Төв аймгийн Баянчандмань суманд саатуулан шалгасан байна.
    Шалгалтаар Зүүнбүрэн суманд хуваарилагдсан гарал үүслийн гэрчилгээг байгаль орчны хяналтын улсын байцаагч Б, байгаль хамгаалагч М нараар хуурамч бичилт хийлгүүлэн Хүдэр сумаас хууль бусаар тээвэрлэсэн нь тогтоогдсон ба хууль бусаар тээвэрлэж явсан 58,5 м3 нарсан палкны экологи-эдийн засгийн үнэлгээ 20.358.000 төгрөг болсон байна.
    Одоо иргэн Т, байгаль орчны хяналтын улсын байцаагч Б, байгаль хамгаалагч М нарт холбогдох үйлдэлд Эрүүгийн хуулийн 211 дүгээр зүйлийн 211.2 дахь хэсэгт зааснаар Сэлэнгэ аймгийн Цагдаагийн газрын Мөрдөн байцаах тасагт эрүүгийн хэрэг үүсэн шалгагдаж байгаа юм байна.
    Иргэн М нар бүлэглэн 2012.03.19-нд "Уаз фургон" маркын автомашинд 19 шуудай буюу 4000ш орчим тарваганы арьс, 4 шуудай буюу 2000ш андотрын арьс, 925 гр алт зэрэг 100 орчим сая төгрөгийн үнэ бүхий эд зүйлийг Өмнөговь аймгийн             Гашуунсухайт боомтоор БНХАУ руу хууль бусаар нэвтрүүлэхээр авч явж байсныг ЭЦГ-ын Эдийн засгийн гэмт хэрэгтэй тэмцэх хэлтсийн алба хаагчид илрүүлэн УМБГ-т шилжүүлэн ажиллаж байна.
    Мөн Улаанбаатар хотын Эмээлт зах болон Баянхонгор аймгийн түүхий эдийн захаас түүхий эдийг худалдан авч 40-50 ширхэгээр багцлан боож гадуур нь скочдсон байжээ.