Монголын боксчин Ч.Цэвээнпүрэв өдгөө дөчин насыг хүрч яваа ч дахин олныг шуугиулж чадлаа. WBC олон улсын мөнгөн бүсийн төлөөх тулаанд тэрээр францын боксчин Бастиен Розиокс (28 настай)-ийг босч чадахгүй болтол нь цохиж унагав. Ч.Цэвээнпүрэв энэ удаа Бразилийн боксчин Жозенилсон Дос Сантостай хүч үзэх байсан боловч уг тамирчин ирээгүй тул энэхүү франц тамирчинтай учраа таарчээ. Тулаан эхэндээ өгөө аваатай явж байв. Гэхдээ Розиокс тулааны дунд үе хүртэл оноо алдан барин тоглосон нь манай Ч.Цэвээнпүрэвийн ядрахыг хүлээж байсан аж. Тулаан дунд үеэсээ өнгөрмөгц Розеокс ширүүн дайрч эхэлжээ. Ч.Цэвээнпүрэв ч хэд хэд хүндэвтэр цохилт авав.

Франц залуугийн дайралтыг тогтоох гэж тэрээр хамаг хүчээ шавхан дайчилж байсан ч Розиаокс бүр улайран дайрч, үхэлдэн тэмцэлдсээр байсан аж. Тэмцээний найм дахь раундад өнөөх Франц боксчин Ч.Цэвээнпүрэвийн баруун гарын хүчтэй, шулуун цохилтонд өртөж унаад тоолж дуустал босч ирж чадсангүй байна.