Монгол Улсын Ерөнхий прокурор Д.Дорлигжав тэргүүтэй төлөөлөгчид өнөөдрөөс 29-н хүртэл ОХУ-ын Ерөнхий прокурор Ю.Я.Чайкагийн урилгаар тус улсад ажлын айчлал хийж байна. Төлөөлөгчдийн бүрэлдэхүүнд улсын ерөнхий прокурорын туслах Л.Болд, Улсын ерөнхий прокурорын туслах Г.Ганзориг, Сэлэнгэ аймгийн прокурор Ц.Нямдорж, улсын ерөнхий прокурорын референт-нарийн бичгийн дарга Э.Болор-Эрдэнэ нар оролцож байна.Айлчлалын хүрээнд Улсын Ерөнхий Прокурор Д.Дорлигжав, ОХУ-ын ерөнхий прокурор Ю.Я.Чайкатай уулзаж, ОХУ-ын ерөнхий прокурорын газарт зочилж, үйл ажиллагаатай нь танилцахын зэрэгцээ хоёр улсын ерөнхий прокурорын 1997 оны хэлэлцээрийг шинэчлэх, ОХУ-ын Ерөнхий Прокурорын дэргэдэх “Прокурорын Академи ” дээр уулзалт хийж залуу прокурор, мэргэжилтнийг сургах, чадваржуулах, давтан сургах, ур чадварыг нэмэгдүүлэх ажлын талаар харилцан санал солилцох юм.
