Ардчилсан намд шинэ фракци хэтэрхий олноороо төрж, хоорондоо учир зүйгээ олохоо байсан нь Монголын улс төр, хэрүүл тулааны сүүлийн үеийн үйл явдлуудын үндэс болж байна. Ардчилсан нам сонгууль бүхний өмнө сонгуульд ялчихлаа хэмээн мөрөөддөг. Сонгуульд ялахынхаа төлөө ажиллах биш сонгуульд ялчихлаа гэсэн утопи итгэлдээ хөтлөгдөн сонгуулийн дараах “бялуугаа” хувааж эхэлдэг. Хуучнаар бол УИХ-ын 76 мандатаас аль фракци нь хүнээрээ дамжуулж,олон суудал авах, тэр олонхиороо эрх хэрэгжүүлэхээ тодорхойлдог шкоолтой нам.Төрөөгүй хүүхдэд төмөр өлгий гэгчээр ялаагүй сонгуулийн өмнө яадгаа алдан эрх мэдлээ булаацалддаг оргилдоо хүрэх давтамж нь өдгөө таарч байна. Энэ удаа Женко Х.Баттулга, МCS-ийн буюу С.Баярцогт нарын тулаан Ц.Элбэгдоржийн долдугаар сарын 1-ний хэрэгт ялтан олохоор улайрч буйг ч нийтийн сэтгэл зүйгээс мартагнуулж мэдэхээр хүчтэй өрнөж байна.Энэ хэмжээгээр Ардчилсан намасуудалтай, хагаралтай, амьдарч тогтох боломжгүй болсноо илчилж байна. Ардчилсан намын фракциудын хэд нь хаана “хуваарилагдах”, аль фракцийн хүч илүүгээрээ ирэх дөрвөн жилд хэний улстөрийн тоглолт зонхилохыг тодорхойлох гэсэн “зодоон” явагдаж байна. Дороосоо эхэлсэнөрсөлдөөн оройдоо хүрсэн “зодоонд” Х.Баттулга, С.Баярцогт хоёрын хэн нь ялах вэ? Ийм л асуултад хариулт гаргах ёстой, биесийнхээ нүдний булайг дэлгэсэн тоглолт түрүү долоо хоногийн сүүлчээр өрнөлөө.
   Үнэхээр айх юмгүй учраас Ц.Нямдорж гарч ирж, Х.Баттулгыг илчилчихлээ л дээ. Х.Баттулгын багийг С.Баярцогт хуулах гэхээр дийлдэшгүй олон асуудлаар тэр барьцаалагдчихсан байгаа. Х.Баттулгын алдаа, хуйвалдааныг хадгалж явж чадахгүйдээ Хуульзүйн сайд түрүүлээд хашгирчихсан нь С.Баярцогт гэгч хар хүний өмнөөс гүйсэн шар хүний үлгэр болов. Тэртээ 1998-99 оны хавьцаа С.Баярцогт, Ч.Сайханбилэг нар тухайн үеийн ерөнхий сайд Ц.Элбэгдоржоор дамжууланМСS-д “Спирт бал бурам”-ыг авч өгсөн. С.Баярцогт өөрөө Цагаан нуурын Сангийн аж ахуйг аваад, өдгөө “Спирт бал бурам”-ын буудайг хангадаг.Ганцхан энэ холбоосоор биш өөр олон утга агуулгаар МСS бол С.Баярцогтийн хэтэвч мөн үү гэвэл мөн. Тиймээс л ерөөсөө гол асуудал нь хаа хамаагүй Ц.Нямдорж биш Ардчилсан намын хагарал. МоАХ-ны санхүүгийн эх үүсвэр “Женко” Х.Баттулга “Алтан гадас”-ийн санхүүгийн эх үүсвэр МCS-ийннүүр болж явдаг С.Баярцогт хоёрын хэн нь хүчтэйгээ үзэлцэж байгаа “зодоон” эхэлжээ.
   Ц.Нямдорж “Маккейнзи”-тай холбоотой хэд хэдэн баримт дэлгэлээ.Таван толгойн ордын лицензийг оросуудад өгч хамтарсан Төмөр зам барих хэлэлцээр нууцаар хийж байсныг илчлэв.Засгийн газрын хуралдаанаар гурван удаа оруулж ирэхэд нь зогсоосон гэж байгаа. Гэтэл Х.Баттулга Солонгос, Хятадын хамтарсан “Мон Кореа” гэдэг компанитай дахин нууц гэрээ хийсэн.2011 оны гуравдугаар сарын 19-нд англи хэл дээр хийгдсэн 20 хуудас гэрээний тухай мэдээллийг БНСУ-ын тал интернетэд тавьж орхисноос л Монголын Засгийн газар, ард түмэнд мэдэгдээгүй байсан гэрээ сая илэрсэн.Тэр цагт Засгийн газрын хуралдаанаар холбогдох хүмүүсийг байлцуулан гэрээний талаар хэлэлцэхэд ЗТХБЯ-ныхан,Төмөр замынхны хэн нь ч мэдэхгүй,маш нууц байдалд Х.Баттулга хийсэн нь илэрхий болсон тухай хангалттай их яригдлаа.Энэ гэрээнд эхлээд Чойбалсан хүртэл 1100 км зам тавина.Нэг км замын өртөг 2,5 сая ам.доллар гэхээр нийт өртөг нь 2,5 тэрбум ам.доллар зарцуулагдана гэсэн тооцоо тусгажээ.Ийм өндөр зардалтай ажлыг тендер зарлахгүйгээр тэр тусмаа Засгийн газартаа мэдэгдэхгүй нууцаар хийж таарахгүйг Ц.Нямдорж илэрхийлсний хүчинд Монгол Улс аюулаас мултарчээ. Энэ бүхнээс Төмөр замын ажил хойшлогдсон. Энэ талаар Хөгжлийн банкны Төлөөлөн удирдах зөвлөлийн дарга Сангийн яамны Төсвийн газрын дарга Батжаргал С.Баярцогтод бичсэн захидалдаа “...тодорхойгүй асуудал их байгаа учраас бид санхүүжүүлэх боломжгүй...”хэмээн илэрхийлсэн нь бий. Тэгэхээр төмөр замын асуудал бол Ц.Нямдоржоос биш Х.Баттулгаас болсон нь тодорхой болж байна.
   Зэ тэгэж байтал Х.Баттулга зургаан хувийн хүүтэй орон сууцны зээлийн сайн нэр Ардчилсан намд ирэх байсан учираас Ерөнхий сайд дарсаар байгаад одоо сонгуулийн өмнө нийтийн сэтгэлзүйг МАН-даа дагуулах гэж хөтөлбөрийг зарлууллаа гэх болов. “Тэгээд ч МАН хөтөлбөрийг хэрэгжүүлж, хөдөлгөж чадахгүй. Үүнийг ажил хэрэг болгох үндсэн санаа, гаргалгаа нь Ардчилсан намынх...” гэж тайлбарлаж байна. Тиймээ, үнэхээр зургаан хувийн хүүтэй зээлийг хөтөлбөрийг түрүү жил зарлаад эхлүүлж болох байсыгЕрөнхий сайд хэлж байгаа. Гэтэл үнэндээ бол хөшигний ард дахиад л Ардчилсан намын дотоод дахьМоАХ, “Алтан гадас”-ийн зодооноос болоод зургаан хувийн хүүтэй энэ зээл яваагүй юм. Учир нь зээлийг хэрэгжүүлэх Хөгжлийн банкны ТУЗ-ын дарга Батжаргал бол С.Баярцогтын гарын хүн. Хөгжлийн банкаар дамжиххөрөнгө оруулалтуудад Женко эрх мэдэлгүй болхэрхэхийг өширхөж тооцсонучраас л Х.Баттулга өөрөө гөжөөд байсан юм. Хөгжлийн банкнаас санхүүжих бүх төсөлдшингэсэн Х.Баттулгын аливаа санхүүгийн эрх ашигтөнөөх л С.Баярцогтын хүн Батжаргал гэгч чагталчихаарбайгаа биз дээ. Тиймээс л Х.Баттулга нам дотроо нөлөөгөө алдахгүйн тулд С.Баярцогттой дайтсаар задрахын даваан дээр өнөөдөр Ц.Нямдорж илрүүлж орхисон явдал.
   Сүүлийн үед Ц.Элбэгдорж Ерөнхийлөгч ч МCS рүү харайгаад Х.Баттулгыгаа тоохоо байсан. УИХ-ын сонгуулийн дараа л олимпийн аварга төрөхөд “Амин найзын минь хүсэл амьдарч Азийн цээжинд монголчууд олимпийн алтан медальтай боллоо...” хэмээн Ц.Элбэгдорж бараг шүлэг бичээд хашгирч байв шүү. Ц.Элбэгдорж, Х.Баттулга хоёрыг нэг эхээс төрсөн амин холбоогүйг бүгд л мэднэ. Ц.Элбэгдоржийн амин эрх ашгийг хангах хүн бол харин тэр үед Х.Баттулга байсан нь үнэн. Дараа жил нь Ерөнхийлөгчийн сонгуульд ч Х.Баттулгын мөнгөөр Ц.Элбэгдорж “Толгойгоороо тоглож, Тоосноосоо бусгадаг...” унага болж унгалдсан нь үнэн. Харин өнөөдөр MCS-ийнхнийг шагналаар булж, Оджаргалтай орой бүхэн улаан дарс ууж суугаа манай Ерөнхийлөгч үнэхээр гомдмоор уйдамхай хүн шүү.Х.Баттулга ч ийм их хилэнтэй, С.Баярцогт гээд ил цагаан хэлж чадахгүй хүн хүн рүү үсчиж буй нь Ц.Элбэгдоржид л гомдож явааг илтгэнэ. Орой бүхэн вино уух цагтай Ерөнхийлөгч шигээ тийм сайхан зав зайтай амьдрах юмсан гэж бас бодогдож байх чинь. Х.Баттулгын амин найз байсан Ц.Элбэгдорж одоо МCS-ийн халаасанд орчихоод С.Баярцогтын нөлөө өсч бойжиж байгаа дүр зураг харагдаад байхад Х.Баттулга өнөөдрийнх шиг агсамналгүй ч яахав.Намаасаа ялсан Ерөнхийлөгч хүртэл нэгнээс урваж, нөгөө рүү шарван талцаж долдойдсон Ардчилсан намын доторх эрх нөлөөллийн тулааныг өнөөдрийн С.Баярцогт, Х.Баттулга нарын “зодоон” хангалттай баталж байна.