Саяхан Богдхан уулын Залаатын аман дахь “River beach” амралтын газарт шоудаж явсан америкийн хоёр сагсчин монгол залуустай зодолдож танхайрчээ. Тодруулбал уг залуус нь монголын “Пэпси лигт” тоглохоор ирсэн залуус гэнэ. Энэ жилийн “Пэпси хөгжлийн лигт” нийт 22 баг хоёр хэсэгт хуваагдан өрсөлдөж байгаа бөгөөд хэсэг тус бүрээс найман баг плей-оффын шатанд шалгаран өрсөлдөх юм. Эх сурвалжийн мэдээлснээр зодоонд оролцсон хоёр залуугийн нэрийг Raphael Walter Harris, Dean Hadley гэдэг бөгөөд Монголын “Баянзүрх буллс” багт тоглодог тамирчид юм байна. Эдгээр залуус “River beach” амралтын газарт шоудаж яваад монгол залуусыг өдөж зодоон үүсгэсэн гэнэ. Зодоонд оролцсон монголчууд маш хүнд гэмтэл авсан байна. Одоо уг хэргийг  цагдаагийн байгууллагаас шалгаж байгаа аж.

Raphael Walter Harris, Dean Hadley гэх залуусын талаар товчхон танилцуулбал:

Дэн Хадли нь 1987 оны 2 сарын 12-ны өдөр Калифорни мужийн Лос Анжелес хотноо төрсөн ба хүүхэд байхаасаа сагс тоглож эхэлсэн гэнэ. Тэрээр Westchester Park хүүхдийн багаас спортынхоо гарааг эхэлжээ. Хадли өмнө нь Австрали улсад Kalamunda Eastern Suns багт тоглож байжээ. Монголд тоглох 2 сарын хугацаандаа тэрээр 29 оноо дунджилж одоогийн байдлаар дээд лигийн бүх тоглогчдийг тэргүүлж байгаа гэнэ. Тэрээр одоогийн байдлаар МСБХ-ны Пэпси лигийн үнэ цэнэтэй тоглогчдийн жагсаалтын тэргүүн эгнээнд явж байгаа юм байна. Дэн Хадли нь 25 настай бөгөөд 192см өндөртэй, 88 кг жинтэй монголын Пэпси лигт 24 дугаартай тоглож байна.

Рафаэл Волтер Харрис нь Пэпси лигт 22 дугаартай тоглодог аж.  2011 онд  албан ёсоор Монголд ирж тоглосон уг тамирчин Америкийн Калифорниагаас иржээ. Тэрээр Бридж группын харьяат  Баянзүрх буллс багийн тоглогч юм.

“Пэпси лигт” тоглож байгаа уг багуудаас “Баянзүрх буллс” баг Ryan Nelson, Rapheal Walter Harris, Dean Hadley гэсэн гадаадын  тоглогчдоор хүч нэмэгдүүлсэн ганц баг юм байна.

Гадаадынхан ирж Монголын шөнийн цэнгээний газруудаар хэсч монгол охидуудтай зугаацаж байгаа нь хэрээс хэтэрч байгааг дээрх зодооны хэрэг харууллаа. Өмнө нь ч мөн ийм хэргүүд сонсогдож байсан. Манай хууль цагдаагийхан ч гадныханы өмнө сулхан ажиллаж байгаа нь энэ мэт олон хэргээс харагдаад байгаа. Өнгөрсөн намар NBA–ийн од Америкийн “Орландо Мэжик” багийн төвийн тоглогч Дувайт Ховард Монголд ирээд буцахдаа монгол бүсгүйчүүдийг "Дажгүй хөөрхөн юм" хэмээн хэлж байсан удаатай.