Ирэх долоо хоногт УИХ-ын хаврын нэгдсэн чуулган эхэлнэ. Тиймээс өнөөдөр 14.30 цагаас УИХ-ын даргын дэргэдэх зөвлөл хуралдаж, УИХ-ын хаврын ээлжит чуулганы бэлтгэл ажлын талаар хэлэлцэхээр болжээ. Хэдэн асуудлыг чуулганы хурлаар оруулж, эхний ээлжинд ямар асуудлыг хэлэлцэх тухай журмыг гаргах юм байна. Чуулганы эхэнд УИХ болон Орон нутгийн сонгуулийн тухай хуулийг хэлэлцэж, ерөнхий сайдад тавьсан махны үнийн өсөлт, Батлан хамгаалахын сайд Ж.Энхбаяр улсын нууц задруулсан эсэх талаарх асуулгыг сонсох урьдчилсан төлөвлөгөө байгаа юм.
