Бүсгүй таны хажуугаар зөрөн өнгөрөх ажигч гярхай эрчүүдийн харц
гуя, өгзөг, бэлхүүс хавьд тань тусахгүй өнгөрнө гэж бараг үгүй болов уу.
Эрчүүдийн дур хүслийг сэргээдэг эмэгтэй хүний гоо бие эрхтний нилээд
нандин хэсэг нь энэ орчим яах аргагүй мөн. Халууныг мэдрэхүй
Боломж байгаад долоо хоногт тогтмол саунд суугаад байвал гуя, өгзөг, бэлхүүсний илүүдэл өөхнөөс амархан хагацдаг. Гэвч та амьсгалын замын эсвэл зүрхний гажиг өвчтэй бол саун тохирох эсэхийг эхлээд мэргэжлийн эмчтэй зөвлөөрэй. Ууранд завсарлагагүйгээр таван минутаас илүү сууж болохгүй. Саунд орсныхоо дараа бие махбодио тасалгааны ердийн хэмд дасгахын тулд хагас цаг хэртэй тайван гэгч нь амрах хэрэгтэй.
Иллэгийн увдис
Иллэг массаж нь биеийн тухайн хэсгийн цусны эргэлтийг идэвхжүүлснээр илүүдэл өөхний ялгаруулалтыг сулруулж, арьсыг бэржүүтэхээс сэргийлдэг. Өөхлөхөөс хамгаалдаг тос, түрхлэг хэрэглэхдээ ч хөнгөн иллэг маягийн хөдөлгөөн хийгээд байх нь зохимжтой. Ингэхдээ тухайн цэгийнхээ нэг захаас зүрх рүүгээ чиглэсэн иллэг хийвэл цусны эргэлт сайжрах сайн талтай.
Yүний дараа нь иллэг хийсэн гол цэгүүд дээр гарынхаа алга, хуруунуудаар нэг хэмээр хүчтэйхэн дарж өг. Иллэгээ нэгээс хоёр минут үргэлжлүүлсний эцэст хуруунуудынхаа үзүүрээр мөнөөх цэгүүд дээрээ тойрог хөдөлгөөн хий. Энэ иллэг 3-4 минутаас хэтрэхгүй байвал илүү үр дүнтэй байдаг.
