100 буудалт даамын 2012 оны өсвөрий Улсын аварга шалгаруулах тэмцээн гуравдугаар сарын 30-аас дөрөв дүгээр сарын 3-ны өдрүүдэд Улаанбаатар хотноо болно.

    Энэ тэмцээнийг “Гацуурт” ХХК жил уламжлал болгон жил бүр ивээн тэтгэдэг билээ.

    Тэмцээнийг 2 үе шаттай зохион байгуулах бөгөөд хоёрдугаар шат буюу шигшээ тоглолтод нийслэлийн аварга, аймгийн аварга болон эхний шатнаас шалгарсан тамирчид оролцоно.

    Тэмцээний гурван насны ангилалд (7-10, 11-13, 14-16 насны охид, хөвгүүд) оролцохоор нийслэлийн 7 дүүрэг болон 15 аймгийн багийн 350 гаруй тамирчин сурагчид мэдүүлгээ ирүүлээд байна.

    Уг тэмцээн нь энэ оны долдугаар сард ОХУ-ын Саха улсад болох “Дети Азии” хүүхдийн спортын  тавдугаар их наадам болон 9-р сард Малайзын Куала Лумпур хотод зохиогдох “Ази тивийн аварга шалгаруулах тэмцээн”-д оролцох тамирчдыг тодруулах урьдчилсан шатны шалгаруулалт болж байгаа онцлогтой аж.