Энэ онд нийслэлийн гэр хорооллын доторх авто замын засвар хийх гүйцэтгэгчийг тодруулах тендер зарлагджээ. Энэ удаагийн тендерт Баянгол дүүрэгт хоёр зам, БЗД-т нэг засвар байгаа бол Чингэлтэй дүүргийн таван хорооллын доторх замыг засварлах аж. Сонгинохайрхан, Сүхбаатар, Хан-Уул дүүрэгт тус бүр хоёр хоёр зам засварын тендер зарлагдсан бол Баганхангай дүүрэгт нэг зам засварлах шаардлагатай байгаа гэнэ. Тендерт оролцогчдын саналыг ирэх сарын 16-ны өдрийг хүртэл авах юм байна. Нийслэлийн авто замын газраас зарлаж буй эдгээр тендерт журмын дагуу гадаадын иргэн ирүүлэхгүй, дотоодын оролцогчид давуу эрх олгохгүй гэжээ.