Цагдан хорих төвд саатуулагдаад байгаа генерал Ч.Амарболд болон хурандаа нарыг шүүх хурал эхлэх гэж байна. Уг хуралд хохирогч, хохирогчийн ар гэр, өмгөөлөгч гээд ихэнх хүн ирсэн байгаа ч шүүгч нар саяхан ирсэн юм. Шүүх хурал болох цагдан хорих төвийн гадна 13 хүн хамгаалалтад гарсан байгаа бөгөөд 40-50 машин ирсэн байна. Тэдний дунд цувран ирсэн гурван хар өнгийн том жийп/Land Cruiser/-ээр заларсан хүмүүс нь гэрчүүд бололтой. Тэд цагдан хорихын хамгаалалтаар шууд нэвтрэн орж ирлээ. Уг шүүх хурлын гэрчээр МАХН-ын дарга Н.Энхбаяр, УИХ-ын гишүүн Ц.Мөнх-Оргил, Д.Лүндээжанцан нарын хүн оролцох ёстой.

     Шүүх хурлын үйл ажиллагааг хаалттай явуулах шинжтэй байгаа бөгөөд сэтгүүлч, хохирогч, ар гэрийн цөөнгүй хүн танхимын үүдэнд бөөгнөрөн зогсож байна.