Засгийн газар өнөөдөр ээлжит хуралдаанаа хийж байна. Энэ хурлаар нийт 20 асуудал хэлэлцэхээр болсноос зургаан асуудлыг танилцуулахаар оруулж ирж байгаа аж. Хэлэлцэх асуудлын жагсаалтад Ц.Нямдорж сайд хоёр асуудал оруулсан бол Ё.Отгонбаяр, Т.Бадамжунай, Д.Хаянхярваа нар тус тус хоёр асуудал хэлэлцүүлэх гэнэ. Харин ЗГХЭГ-ын дарга Ч.Хүрэлбаатар "Стратегийн ач холбогдол бүхий зарим аюултай бараа, бүтээгдэхүүнд тавих хяналтын тухай хуулийн төслийн тухай" асуудал оруулж ирж байна. Мөн Д.Зоригт, Ч.Хүрэлбаатар, Т.Бадамжунай нар тус бүр нэг нууц асуудал хэлэлцүүлэхээр болжээ.