Цагдаагийн хурандаа нарыг шүүж буй хурлын танхимын гадна бүх хэвлэл мэдээллийн хэрэгслээс ирсэн байгаа ч зөвхөн МҮОНТВ, "Ньюс" телевиз, "С1" гурвыг танхим дотогш орууллаа. Харин бусад сэтгүүлч, сурвалжлагчийг гадаа нь хашаад байна. "Дандаа цагдаа нарыг буруутгадаг телевизүүдийг оруулчихаад дэмждэг телевиз, сэтгүүлчдийг гадаа нь үлдээлээ" гэж энд цугласан иргэд, дэмжигч, жагсагчид орилолдож байна. Энэ мэтээр шүүх хурлыг цаанаас нь зохион байгуулалтай явуулж байгаа гэх таамаглал өөрийн эрхгүй төрлөө. Учир нь өнөөдрийн шүүх хурал хаалттай явагдаж байгаа боловч телевизийн сэтгүүлчдийг ийнхүү оруулаад байгаа юм.