Өнөөдөр болсон Засгийн газрын хуралдаанаар 55-аас дээш настай эмэгтэйчүүд, 60-аас дээш настай эрэгэтэйчүүд болон хөгжлийн бэрхшээлтэй иргэдэд олгох нэг сая төгрөгийг гурав хувааж өгөхөөр шийдвэрлэсэн байна. Дөрөвдүгээр сараас зургаадугаар сар хүртэл эдгээр иргэдэд сар бүр 330 000 төгрөг өгөх аж. Энэ мөнгийг 2012 оны улсын төсөвт суулгаж, баталсан байгаа. Гэсэн ч инфляци, үнийн хөөрөгдлийг нэмэгдүүлэхгүйн тулд ингэж гурав хувааж өгөх нь зүйтэй гэж Засгийн газрын гишүүд үзсэн талаар Сангийн сайд Д.Хаянхярваа хэллээ.