“Apple” компани “iPad-3”-аа татаж, Австралийн хэрэглэгчдэд мөнгийг нь буцааж олгох болжээ. Учир нь шинэ бүтээгдэхүүн “iPad-3” Австралийн мэдээлэл харилцаа холбооны сүлжээнд нийцэхгүй байгаа аж.

    4G сүлжээ нь Австралид барихгүй байгаа нь батлагдмагц “Apple” компани энэ шийдвэрийг гаргасан байна.

    Австралийн шудрага өрсөлдөөн, хэрэглэгчдийн эрх ашгийг хамгаалах холбоо “Apple" компанийг шинэ гарсан iPad-аа WiFi болон 4G сүлжээтэй хэмээн сурталчилж хэрэглэгчдийг төөрөгдөлд оруулсан” хэмээн буруутгажээ.

    Мөн тус байгууллага “Apple” компанийг шинэ бүтээгдэхүүнээ вэб сайт, сонин, телевизээр сурталчлахдаа зөв мэдээлэл өгөх хэрэгтэйг анхааруулсан байна. Хэт их халдаг, сүлжээ барьдаггүй гээд л шинэ iPad олон ч асуудал дагуулж байна даа.