Нийслэлийн агаарын чанарын албанаас гаргасан хамгийн сүүлийн мэдээгээр Улаанбаатар хотын 100 айл орчмын тоосонцорын агууламж агаарын чанарын стандартаас 3,4 дахин их буюу аюултай хэмжээнд хүрсэн байна.  Мөн “Монгол газар” ХХК-ны орчимд ч байх ёстой хэмжээнээсээ 3.08 дахин их тоосонцор үүсчээ. Хотын төвд буюу 13-р хороолол орчимд том ширхэглэгт тоосонцорын агууламж 2.2 дахин их /маш муу/, Баруун  дөрвөн замын ойр хавьд 1,8 дахин их /муу/ гэсэн дүгнэлт гарчээ. Харин хотын төвөөс зайдуу “Мишээл экспо” төвийн орчмын агаарын тоосоноцор стандартаас 1,4 дахин их буюу дундаж хэмжээтэй байна.