Засгийг газар НӨАТ-ын босгыг 50 сая болгохыг дэмжив

2012-3-29

Засгийн газрын хуралдаанаар аж ахуйн нэгжийн нэмэгдсэн өртгийн албан татварын хуульд өөрчлөлт оруулах тухай асуудлыг хэлэлцлээ. Албан татварын хуучин хуульд НӨАТ-ийн татвар төлөгч аж ахуйн нэгж 10 сая төгрөг хүртэл орлоготой бол НӨАТ төлөгч болдог байсан. Үүний босгыг өндөрсгөж 50 сая болгохоор болсон байна. Өнөөдөр Монголд НӨАТ төлдөг 16 мянга гаруй аж ахуйн нэгж байна. Харин энэ босгыг 50 сая болгосноор 10 орчим мянган аж ахуйн нэгж нэмэгдсэн өртгийн албан татвараас чөлөөлөгдөх юм. Түүнчлэн орлогыг тодорхойлох боломжгүй иргэдийн татварыг тодорхой болгож, тэдэнд аль болох чирэгдэл учруулахгүй үүднээс орон нутагт эрхийг нь шилжүүлж байгаа юм. Аж ахуйн нэгжүүдэд хөнгөлөлт үзүүлэх зорилгоор 50 хүртэл сая төгрөгийн орлоготой байгууллагаас жилдээ нэг удаа татвар авч байхаар, ингэхдээ нэг хувь байхаар тооцжээ. Улирал болгон тооцоо тайлан гаргаж өгдгийг болиулж, орлогоос нь нэг хувийг авах тогтолцоог бий болгохыг зорьж байгаа аж. Засгийн газар уг асуудлыг УИХ-д өргөн барьж хэлэлцүүлэхээр болжээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

----- (202.131.225.147)

Үнэн амьдралгүй юм хийцгээх юм даа. Жилийн 50 сая чинь сарын 4.2 сая, өдрийн 139,000 төгрөг гэсэн үг. Өдрийн 139,000 төгрөгийн орлогыг наад захын түц хүртэл хийнэ шдээ. Тэгэхээр ямар ч ялгаа байхгүй шдээ. Бухимдмаар юм аа, Бодлого тодорхойлж байгаа хүмүүс маш муу байна. Ер нь ямар үндэслэлээр 50 сая гэж гаргасын бол

2016 оны 03 сарын 14 | Хариулах
Зочин (202.9.47.5)

сонгууль дөхөөд ирэхлээр гоё гоё юм санаанд нь орох юм даа болоош дээ

2012 оны 03 сарын 29 | Хариулах