Шатахууны нийлүүлэлт эдийн засагт хүчтэй нөлөөтэй байдаг Монгол дахин нэг импортлогчтой боллоо. Эрдэс баялаг, эрчим хүчний яам БНСУ-ын “SK energi” компанитай шатахуун нийлүүлэх урт хугацааны гэрээ байгуулжээ. Энэ Евро 4 стандартын  шатахууныг БНСУ-ын Улсан боомтоос БНХАУ-ын Далиан, Эрээн боомтоор дамжин Монголд нийлүүлж байгаа тул үнэ нь бага зэрэг өндөр байх гэнэ. Эхний ээлжинд 1000 тонн шатахуун импортлох бөгөөд хүхрийн исэл багатай, агаарын бохирдолд бага нөлөөлдөг аж. Өмнө нь ОХУ-ын “Роснефть”-ээс  Монгол улс дотоодынхоо хэрэглээний 90 хувийг хангадаг байсан бол өнөөдөр  ОХУ-ын “ТНК” болон “Газпром“, “Уралнефть”-ээс шатахуун худалдан авахаар болсон байна. БНСУ-ын "S oil", "JC Caltex" "Hyundai oil bank",  "SK energy" зэрэг компаниудаас мөн шатахуун импортлохоор хэлэлцэж байгаа аж.