Ашигт малтмалын газрын даргыг шинэчлэхээр Засгийн газраас Төрийн албаны зөвлөлд хүсэлт ирүүлсэн тул сонгон шалгаруулалт зарлажээ. Сонгон шалгаруулалтад оролцохыг хүссэн хүн нь эрх зүйч, төрийн удирдлагын менежер, геологи уул уурхайн инженер мэргэжилтэй байж болно. Мөн эзэмшсэн мэргэжлээрээ мэргэшсэн байхаас гадна төрийн албанд 15-аас доошгүй жил ажилласан байх шаардлага тавьжээ. Төрд ажилласан жилийнхээ 10-аас доошгүйд нь төрийн байгууллагын удирдах алба хашсан байх ёстой гэнэ. Мөн гадаадын болон төрийн, олон улсын байгууллагатай харилцах туршлагатай бол сайн гэдгийг дурджээ.

    1997 онд байгуулагдсан АМГ-ын анхны дарга нь Д.Жаргалсайхан ажиллаж байсан юм. Хамгийн сүүлийн дарга Д.Батхуягийг 2009 онд Засгийн газрын 54 дүгээр тогтоолоор томилж байсан. Гэвч өнгөрсөн жилээс эхлэн хууль бус 192 лицензийг олгосон гэх хэргээр АТГ-т шалгуулж эхэлсэн. Энэ хэргээс болж түүнийг огцруулж, орны хүнийг олох шаардлагатай гарчээ.