Нийслэлийн шүүхээс өнөөдөр 14.00 цагт  цагдаагийн хуучин удирдлагууд болох Ч.Амарболд, Ш.Батсүх, О.Зоригт, Г.Ганбаатар нарын өмгөөлөгчдийг хүрэлцэн ирэхийг албан ёсоор хүсчээ. Гэвч тэд хуралтай гэх шалтгаанаар очоогүй байна.
    Нийслэлийн шүүхээс өнөөдөр 14.00 цагт  цагдаагийн хуучин удирдлагууд болох Ч.Амарболд, Ш.Батсүх, О.Зоригт, Г.Ганбаатар нарын өмгөөлөгчдийг хүрэлцэн ирэхийг албан ёсоор хүсчээ. Гэвч тэд хуралтай гэх шалтгаанаар очоогүй байна. Иймээс энэ талаар маргааш Нийслэлийн шүүхээс мэдээлэл хийхээр болжээ. Тэднийг дуудах болсон шалтгаан нь өчигдөр болсон цагдаагийн экс дарга нарын хуралд өмгөөлөгч О.Алтангэрэл, Ц.Итгэлт, Л.Өлзийхүү, Д.Энхтунгалаг нар шүүгдэгчдийг зүйлчилсэн зүйл анги нь Үндсэн хууль болоод холбогдох хууль тогтоомж зөрчсөн гээд үйлчлүүлэгчдээсээ татгалзсан юм. Тэдний энэ үйлдэл хууль зөрчсөн болохыг Шүүхийн үндэсний зөвлөлөөс мэдэгдэж, захиргааны арга хэмжээ авах үндэслэлтэй гэж үзэж буйгаа өчигдөр илэрхийлсэн билээ. Энэ үеэр Шүүхийн ерөнхий зөвлөлөөс тэднийг 7-14 хоногоор саатуулан баривчлах буюу мөнгөн торгууль ногдуулах үндэслэлтэй гэсэн юм.