Өнөөдөр Улсын дээд шүүхийн мэдээллийн төвд 12.00 цагаас Нийслэлийн шүүхийн Ерөнхий шүүгч Б.Сарантуяа цагдаагийн экс дарга нарын шүүх хуралтай холбоотойгоор үүсээд байгаа нөхцөл байдлын талаар мэдээлэл хийнэ.
    Өнөөдөр Улсын дээд шүүхийн мэдээллийн төвд 12.00 цагаас Нийслэлийн шүүхийн Ерөнхий шүүгч Б.Сарантуяа цагдаагийн экс дарга нарын шүүх хуралтай холбоотойгоор үүсээд байгаа нөхцөл байдлын талаар мэдээлэл хийнэ. Цагдаагийн хуучин удирдлагууд болох Ч.Амарболд, Ш.Батсүх, О.Зоригт, Г.Ганбаатар нарын өмгөөлөгч О.Алтангэрэл, Ц.Итгэлт, Л.Өлзийхүү, Д.Энхтунгалаг шүүх уржигдар болсон шүүх хурлын үеэр шүүгдэгчдийг зүйлчилсэн зүйл анги нь Үндсэн хууль болоод холбогдох хууль тогтоомж зөрчсөн гээд үйлчлүүлэгчдээсээ татгалзсан юм. Тэдний энэ үйлдэл хууль зөрчсөн болохыг Шүүхийн үндэсний зөвлөлөөс мэдэгдэж, захиргааны арга хэмжээ авах үндэслэлтэй гэж үзэж буйгаа илэрхийлэн, өмгөөлөгчдийг 7-14 хоногоор саатуулан баривчлах буюу мөнгөн торгууль ногдуулах үндэслэлтэй гэсэн юм. Мөн уг асуудлаар өмгөөлөгчдийг хүрэлцэн ирэхийг албан ёсоор хүссэн боловч хуралтай гэх шалтгаанаар очоогүй юм. харин Монголын өмгөөлөгчдийн холбооноос өмгөөлөгчийг хорих хууль зүйн үндэслэл байхгүй. Үүсээд байгаа нөхцөл байдлыг судлахаар ажлын хэсэг гарган ажиллахаа мэдэгдсэн. Тиймээс энэ бүх хэргийн талаар Нийслэлийн шүүхээс мэдээлэл хийхээр болсон байна.