Хүнсний болон ахуйн бараагаа дэлгүүрт орохгүйгээр сонгох боломжтой цахим сүпермаркетыг Өмнөд Солонгост анх удаа нэвтрүүллээ. Солонгосчууд метро хүлээж зогсохдоо, эсвэл олон нийтийн газраар явж байхдаа хүссэн бараагаа сонгож, захиалдаг бөгөөд кассанд очиход сонгосон бараа чинь бэлэн байх аж. Эсвэл байгаа газрын тань хаягаар хүргэж өгч болдог байна. “HomePlus” хэмээх уг сүлжээ дэлгүүрт нийтдээ өргөн хэрэглээний 500 гаруй бараа байгаа. Үүнд хүнсний, ахуйн, бичиг хэрэг, оффисын болон цахилгаан бараа ч багтсан аж.

   Бараагаа худалдан авахын тулд ухаалаг гар утастай байх шаардлагатай бөгөөд барааны бар-кодын зургийг авснаар сонголтод нэмэгдэнэ. Үйлчилгээнд бүртгүүлэхийн тулд ухаалаг гар утасны апликэйшнийг татаж суулгах ёстой ч iPhone утастай хэрэглэгчид хараахан боломжтой болоогүй байна. Учир нь Стив Жобсын компанийнхан уг апликэйшнийг хараахан хүлээн зөвшөөрөөгүй байгаа аж. Гэхдээ андройд үйлдлийн системтэй гар утсанд өнгөрсөн долоо хоногоос эхлэн нэвтэрчээ. Видеог энд дарж үзээрэй.