Энэ сарын 29-нд өндөрлөсөн Польшийн нийслэл Варшав хотод болсон Феликс Штаммын нэрэмжит 29 дэх удаагийн олон улсын тэмцээнд манай улсын тамирчин У.Мөнх-Эрдэнэ 64 кг жинд түрүүллээ. Өнгөрсөн онд болсон ДАШТ-ээс олимпт оролцох эрхээ өвөртөлсөн тэрбээр Польш, Беларусийн тамирчдыг дараалан ялж алтан медалийн төлөө турк боксчин Цетин Оздемиртэй тоглож, ялсан байна. Жил бүрийн хавар болдог уг тэмцээний зургаа дахь нь 1983 онд болж байсан бөгөөд манай улсаас Ц.Амаржаргал оролцон түрүүлж, шилдэг тамирчнаар шалгарч байсан түүхтэй. Тэрбээр энэ удаагийн тэмцээний аваргыг дасгалжуулан ажилласан гэнэ. Зургаа дахь удаагийн аварга тэрбээр энэ сард өөрийн алтан медалийн хосыг авчирч чадлаа.