Туркын засгийн газар боловсролын хуулиндаа шинэчлэл хийсэн байна.
   
    Шинээр батлагдсан хуулийн төслөөр эцэг эхчүүд хүүхдээ Исламын сургуульд бага насанд нь шилжүүлж болохыг зөвшөөрсөн нь Турк ихээхэн зөрчлийг авчирсан байна.  

    Тус хуулиар ЕБС-д сурах жилийг 8-аас 12 жил болгож өөрчилснөөс гадна сурагчдыг 10 наснаас нь тусгай сургуульд /ислам шашинт лам нар бэлтгэдэг/ шилжүүлэхийг зөвшөөрсөн аж.

   


    Боловсролын хуулийн төсөл өнгөрсөн Баасан гаригт Туркын парламентын 550 гишүүний 295 нь дэмжиж, 91 нь татгалзсанаар батлагдсан аж.

    Тус хууль батлагдсанаар 1997 онд баталсан 15-аас доош насны хүүхдийг лалын шашинт сургуульд орохыг хориглосон хуулийг цуцалж байгаа юм.
   
    Хуулийн төслийг эсэргүүцэн олон тооны туркчууд жагссан байна. Өнгөрсөн Пүрэв гаригт цагдаа нар усан буу болон нулимс асгаруулагч хий ашиглан жагсагчдыг тараасан байна.

    Мөн энэ хуулийн төслийг батлах нь зөв буруу эсэх тал дээр мэтгэлцсэн парламентын гишүүд зодолдсон байна.

    Хуулийн төслийг санаачлагч “Шудрага ёс, хөгжлийн нам” хуулийн төсөл сурагчдыг олон жилийн хугацаанд сурах боломж олгосон. Харин шашингүй Туркчууд үүнийг шашны нөлөөг ихэсгэх зорилготой явдал хэмээн харж байна гэв.
   
    Харин туркын шашингүй гол сөрөг хүчин болох “Хувьсгалт нам” нь улсынхаа ерөнхий сайд Рекеп Тайяип Эрдоганыг хуулийг өс хонзон авах хэрэгсэл болгож, залуу лалын шашинтнуудыг олноор төрүүлөхийг санаархаж байна хэмээн буруутгасан аж.

    Харин ерөнхий сайд Эрдоган эх орондоо Исламын шашны үнэт зүйлийг нутагшуулахыг хүсэхгүй байгаа хэмээн няцаажээ. Тэрбээр “Би өөрөө ч ямар нэгэн шашинтан биш. Турк хүмүүсийг зөвхөн итгэдэг шашнаа илүү нээлттэй илэрхийлдэг болоосой гэж хүссэн” гэв. Мөн тэрээр “Энэ хууль батлагдсан Туркын ардчилал хэрхэн хөгжсөнийг харуулж байна” гэж хэлжээ.