Нийслэл хотын төв Д.Сүхбаатарын талбайн урд сүндэрлэх "Blue Sky Tower"-ийн "ах" нь Испани улсын Барселона хотын далайн эрэгт сүндэрлэн байдаг аж. Энэхүү хоёр барилгын талаарх зарим мэдээллийг харьцуулан хүргэе.
1. Барселон хотын хаанаас ч харагдах барилгыг далайд хөвж буй завьны дарвуул мэт хэмээн хүмүүс үздэг байна. Улаанбаатар хотын захаас үзэгдэхгүй барилгыг “Цэнхэр тэнгэр” гэдэг ч хүмүүс төрийн ордон руу харсан “заазуур” барилга хэмээх нь бий.
2. "W Hotel Barcelona" буюу Вела зочид буудал хэмээн танигдсан уг барилгыг Каталан архитектийн төслөөр байгуулжээ. "Blue Sky Tower" барилгыг “Чоно” корпорацийн захиалгаар барьж, босгосон юм байна.
3. Газрын гадаргаас дээш 168 метр өндөртэйгөөр төлөвлөж байсан ч 26 давхар буюу 99 метр болгохыг засгийн газраас шаардсан аж. Харин манай улсын барилга 105 метр өндөр бөгөөд дээшээ 25 давхар, газрын гүнд хоёр давхар байгаа юм.
4. "W Hotel" нь олон үйлчилгээг агуулсан таван одтой зочид буудал юм. "Blue sky" нь пентхаус орон сууц, зочид буудал, албан өрөө, үйлчилгээний байгууллагатай. Пентхаус сууцанд Асашёорюү, Н.Энхбаяр, Г.Өсөхбаяр тэргүүтэй хүмүүс захиалга өгсөн гэх мэдээлэл бий.
5. Барселоны барилгын нийт талбайг 20 000 метр.кв гэж тооцоолсон. Монгол дахь барилгын нийт талбайг 40 000 метр.кв гэж тооцоолжээ.
6. "W Hotel"-ийн зураг төслийг 2000 онд гаргаж, 2009 онд барьж дуусгасан. "Blue Sky"-ын барилгын ажил 2006 оны долдугаар сард эхэлсэн бөгөөд 2011-2012 онд ажил дууссан.
W Hotel
Blue Sky
W Hotel
Blue Sky
W Hotel
Blue Sky
W Hotel
Blue Sky
Blue Sky
