Ирэх жилээс эхлээд Герман руу зорчих нэг жилийн визийг таван жилийнх болгож уртасгах, дипломат паспорттой иргэдийг харилцан визнээс чөлөөлөх талаар судлах зэргээр ажил хэрэгжинэ. Монгол улсын талаас монгол иргэдийг Герман руу зорчиход визийн хөнгөлөлт үзүүлдэг болох хүсэлтийг шаргуу манай талаас тавьж байгаагийн дээр Германы талаас ч өөрийн орны иргэдийн визэд хөнгөлөлт хүсдэг байна.  Хоёр улсад харилцан зорчих асуудлыг хөнгөвчлөх талаар анхны алхмуудыг энэ удаагийн ерөнхийлөгчийн айлчлалын хүрээнд шийдээд байгаа аж. Мөн энэ айлчлалын хүрээнд "Монгол Германы хамтарсан технологийн их сургууль" байгуулах санаачилга гарган, дэмжжээ. Уг асуудлыг энэ сард багтаан Германы төлөөлөгч ирж ажил хэрэг эхлүүлэхээр болсон байна.