Өнөөдөр МАН-ын дэргэдэх Нийгмийн Ардчилал Монголын Залуучуудын Холбооны 15 жилийн ой тохиож байна.  Тусгаар тогтнолын ордонд дөрвөн үеийн төлөөлол оролцсон ёслолын арга хэмжээ болох бөгөөд орой залууст зориулан шоу зохион байгуулахаар болжээ. Мөн Тусгаар тогтнолын ордны нэгдүгээр давхарт “Залуус хөгжлийн төв”-ийг нээсэн байна. Дотроо залууст сэтгэл зүйн зөвлөгөө өгөх төв, үнэ төлбөргүй интернэт, кофе shop, брэнд shop, сур­галтын заалтай болсон аж.

 Монголын анхны намын дэргэдэх залуучуудын байгууллага болох НАМЗХ 1997 оны дөрөвдүгээр сарын тавны өдөр тухайн үеийн МАХН /МАН/-ын Залуу гишүүд дэмжигчдийн III чуулган хуралдаж, “Залуус хөгжил” төвийг бүтэц зохион байгуулалт, үйл ажиллагааны хувьд шинэчлэн МАСЗХ байгуулагдаж байжээ. Харин энэ байгууллагын анхны ерөнхийлөгчөөр одоогийн МАН-ын ерөн­хий нарийн бичгийн дарга У.Хүрэлсүх сонгогдож байсан. Мөн  2010 оны есдүгээр сарын 15-18-ны хоо­ронд МАСЗХ-ны IV Их хурал “Шинэ бод­лого, Шинэ үе” уриан дор зохион бай­гуулагдаж, нэрээ өөрчлөн Нийгмийн Ардчилал Монголын Залуучуудын Хол­боо болгосон байна.