Өнөөдрөөс хэвлэгдэж эхэлж байгаа иргэний цахим үнэмлэх тараасны дараа иргэд ямар нэг байдлаар гээж, үрэгдүүлбэл сонгуулиас өмнө дахин үнэм­лэх авах боломжгүй юм байна.  Харин УИХ-ын сон­гу­у­лийн дараа УБЕГ-ын дэр­гэд цахим үнэмлэх хэвлэх үйлд­вэр байгуулж гээсэн үнэмлэхийг дахин хэвлэхээр болжээ. Иргэний цахим үнэмлэхийг зургадугаар сарын 11-нд хэвлэж дуусах бөгөөд тухайн сарын 15-н гэхэд орон нутгийн, 16 гэхэд нийслэлийн иргэдэд тарааж дуусах юм байна. Ц.Нямдорж “Гэхдээ энэ судалгааг хамгийн гол нь ажлаа эхлээгүй байхад хийсэн гэдгийг ойлгох хэрэгтэй. Үйлдвэрлээд эхэлсний дараа хоёр машин нь яаж ажиллах нь оньсого мэт байгаа. Үнэмлэхээ хэвлээд хамгийн түрүүн Дорнод аймгаас эхэлж тараахаар төлөвлөсөн. Үүний дараа баруун таван аймагт үнэмлэхээ тарааж, дараа нь нийслэлийн иргэд бусад аймгийн иргэдийн цахим үнэмлэхийг хоёр машинд зэрэг үйлдвэрлээд явахаар төлөвлөж байна” гэв. Хэрэв цахим үнэмлэх тарааж амжихгүй юм уу, машинд ямар нэг саатал гарвал хуучин үнэмлэхээрээ сонгууль өгч, саналыг гараар тоолж магадгүй аж.