“Суруга Монгол” корпорацийн захирал Цүнэяки Хара гэх 67 настай эрэгтэйг хар тамхины хэргээр саатуулан шалгаж буй талаар манай сайт мэдээлсэн билээ. Тэрхүү нийтлэлд бисэн уншигчдийн сэтгэгдлийг харгалзан 24tsag.mn сайт японы “Суруга” корпарацийн талаар нийтэлж байна.

“Японы арслан Суруга”

    Японы “Суруга” корпораци нь олон улсын стандарт, чанарын баталгааны ISO 9001-ын гэрчилгээтэй, тус улсын үнэт цаасны зах зээлд хоёрдугаарт жагсдаг, барилгын салбарын магнат компани байсан аж.

    1972 оны 3 сарын 24-нд дархны үйлдвэрлэл эрхлэх зорилгоор байгуулагдсан ч 30 гаруй жилийн турш барилгын чиглэлээр дагнасан байна.
    Дараахан нь үл хөдлөх хөрөнгийн бизнесрүү хүрээгээ тэлжээ. Төлөвлөгөөний дагуу үйл ажиллагаагаа эрхэлсний эцэст корпораци бизнесийн салбартаа хэнийг ч ойртуулахааргүй “арслан” болсон юм.  

   
    “Суруга” групп 32 жилийн хугацаанд нийт 7324 орон сууц, 157 хувийн хаус, 53 оффиссийн барилга, 36 сургууль, эмнэлэг барьсан гэжээ.

    Үл хөдлөх хөрөнгө, барилгын чиглэлээрээ байгуулах, худалдах, зарах, зээлдүүлэх, сэргээх гээд төрөл бүрийн үйл ажиллагаа явуулдаг олон салбар, охин компанитай юм байна. Албан ёсоор хичнээн компани Суруга группт харьяалагддаг байсан нь тодорхойгүй байна.

    Зөвхөн нэг салбар болох “Суруга Сэйки” компани л гэхэд Kansai factory, Saigon precision, Suruga USA, Ads technology Korea, Iwaki fine technology, Suruga Thailand, Suruga Seiki Guangzhou, Suruga Polska sp. z o.o, Mishima Seiki, Suruga Korea гээд 11 салбар компанитай байх юм.

   Тус компани 4000 гаруй гишүүнтэй якузо нарын байгууллага “Yamaguchi-gumi Goto-gumi”-тэй холбогдон, асуудал гарсан тохиолдолд якузо нарыг хөлсөлж “саад”-ыг зайлуулдаг байсан нь мэдэгдсэнээр дампуурахад хүрсэн юм. Японд энэ тухай мэдээлэл цацагдангуут банкууд "Суруга" группээс хөрөнгөө татаж, хувьцааны үнэ нь унаж, барилгыг нь худалдан авахаа больжээ. Суруга “арслан” сүр хүчгүй болж 2008 оны сүүлээр дампуурсан байна.

    Тухайн үед группын захирал хэвлэлд: “2008 оны гуравдугаар сард якузотай холбоотой гэдэг нь баригдсаны дараа банкуудаас санхүүжилт авна гэдэг бүтэхгүй зүйл болсон” хэмээн ярьж байжээ.

    Суруга корпораци 13543 хувьцаа эзэмшигчтэй байв. Хувьцаа эзэмшигчдээс сонирхол татсан зүйл нь монголын “Худалдаа хөгжлийн банк”-ны 4,8 хувийг эзэмших болсон “Голден Сачс” компани тус группын хувьцааны 2,881,355 буюу 7,3 хувийг эзэмшдэг байсан байна.

Суруга Монголд
    2003 оны нэгдүгээр сарын 24-нд “Суруга” групп монголд салбараа нээж “Mongol Corporation” компанийг байгуулсан байна. “Mongol Corporation”-ы “Суруга Монгол” компани нь Туул голын хөвөөнд “Дөрвөн улирлын цэцэрлэг” нэртэй хотхон барьж байгаа юм байна.

    2005 оноос баригдаж эхэлсэн хорооллыг барьж дуусгахад 10 жил шаардана хэмээн Суруга корпараци бичиж байв. 880 мянган метр кв талбайтай, хувийн орон сууц, оффис, сургууль, эмнэлэг, дэлгүүр, амралтын төв, спортын төв багтсан энэ хороолол монголын хамгийн том хороолол болох аж.
 
"Суруга" яагаад Монголыг сонирхох болов? Энэ тухай бид удахгүй нийтлэх болно.