<iframe width=”560” height=”315” src=”https://www.youtube.com/embed/6C7M1UMl5yw” frameborder=”0” allowfullscreen></iframe>

Усны нөөц: Манай улс эмзэг байдалд байна

<iframe width=”560” height=”315” src=”https://www.youtube.com/embed/moED7--O3sY” frameborder=”0” allowfullscreen></iframe>

Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр, АН-ын Намын байгуулалтын газрын дарга Л.Уртнасан, Ерөнхий нарийн бичгийн даргын зөвлөх Б.Цолмонбаяр нар өнөөдөр хэвлэлийнхэнд хандаж мэдээлэл өглөө.
Ардчилсан намын генсек Л.Эрхэмбаяр, “Ардчилсан нам 2015 оны найм, есдүгээр сард “Монгол хүн 2020 өнөөдөр, маргааш...” бүсийн чуулганыг баруун, зүүн, хангай, төвийн бүсэд намынхаа гишүүд дэмжигчдийн хүрээнд амжилттай зохион байгууллаа. Энэ чуулганыг хийх явцад гишүүдийн зүгээс “Ардчилсан нам хийсэн ажилтай, хэлэх үгтэй байна. Үүнийгээ ард түмэндээ тайлагнах хэрэгтэй” гэсэн үүрэг даалгаврыг өгсөн. Тиймээс Ардчилсан нам аравдугаар сарын 10-аас аравхоёрдугаар сарын 10-ны хооронд орон даяар Ардчилсан намын мөрийн хөтөлбөрийг тайлагнах өдрүүдийг эхлүүлж байгаагаа мэдэгдэж байна” гэв. Бүсийн чуулганыг зохион байгуулахад явцад чуулганд оролцсон Ардчилсан намын 5000 гаруй гишүүд дэмжигчид, иргэдийн хэлсэн санал санаачлагуудыг нэгтгэж дүгнэжээ. “Монгол хүн 2020” мөрийн хөтөлбөрийн таван сайн ажлыг нэрлэсэн байна. Нэгдүгээрт, Бүтээн байгуулалт-Чингис бондийг сайн ажлаар нэрлэжээ. Энэ ажлын хүрээнд зам, барилга, үйлдвэржилт, шинэ сумын төв, Улаанбаатар хотын замын шинэчлэл зэрэг ажлуудыг иргэд онцлон нэрлэсэн байна.
Хоёрдугаарт, Үнэ тогтворжуулах хөтөлбөр иргэдийн амьдралд тус болсон сайн ажлын нэг гэдгийг нэрлэсэн байна. Энэ ажлын хүрээнд Монгол банкнаас 4 тэрбум төгрөгийг аж ахуй нэгжүүдэд зээлээр өгсөнөөс эргэн төлөлт хэвийн байгааг Монголбанкнаас мэдэгджээ.
Гуравдугаарт, боловсролын салбарт хийгдэж байгаа ажил буюу Зөв Монгол хүн хөтөлбөрийг сайн хэрэгжсэн ажлын нэгээд тодруулжээ. Эл хөтөлбөр хэрэгжсэнээр хүүхэд болгон өөрт байгаа авъяасаа хөгжүүлэх боломжийг нээж өгч байгаа нь хүүхэд багачууд гэлтгүй эцэг, эхчүүдийн талархлыг хүлээсэн ажил болсон байна.
Харин дараагийн сайн хэрэгжсэн ажлаар 1990-1995 оны хооронд ажилласан жил нь тасарсан хүмүүсийг ажилласанд тооцох хууль батлагдсанаар 586 мянган хүн ажилласан жилээ нөхөн бүртгүүлсэн нь Ардчилсан намын гол ажлын нэг гэж дүгнэсэн байна.
Улсын төсвөөс УИХ-ын гишүүдийн багц гэж тус бүр нэг тэрбум төгрөг өгдөг байсныг зогсоож, Орон нутгийн хөгжлийн сангийн хөрөнгө болгосон нь 273 тэрбум төгрөгийг орон нутаг өөрсдөө мэдэж зарцуулдаг болсон нь сайн хэрэгжиж байгаа ажлын нэг гэж дүгнэжээ.
Ийнхүү Ардчилсан нам энэ удаа “Монгол хүн 2020 өнөөдөр, маргааш...” чуулганыг Монгол Улсын 330 сум, 157 хороонд хийж, өнгөрсөн хугацаанд хийсэн ажлуудаа ард иргэддээ тайлагнах юм. Ардчилсан нам 2012 оны УИХ-ын сонгуульд орохдоо “Монгол хүн 2020” мөрийн хөтөлбөрийг ард иргэдээрээ хэлэлцүүлж боловсруулсан. Ингэхдээ “Ажилтай орлоготой-Монгол хүн”, “Аюулгүй орчинтой-Монгол хүн”, “Эрүүл чийрэг-Монгол хүн”, “Эрдэм боловсролтой-Монгол хүн”, “Эрх чөлөөтэй-Монгол хүн” гэсэн таван дэд хөтөлбөрийн хүрээнд боловсруулсан юм. Өнгөрсөн гурван жилийн хугацаанд дээрх таван дэд хөтөлбөрийн хүрээнд олон ажлыг хийж, өнөөдөр ард иргэд үр шимийг нь хүртэж байгаа билээ. Тэгвэл 2020 он хүртэл үргэлжлэх “Монгол хүн 2020” мөрийн хөтөлбөрийнхөө хүрээнд эхлүүлсэн ажлаа гүйцээхийн тулд ард иргэдийнхээ дуу хоолойг дахин сонсож, тэдний санал бодлыг тусгахаар энэхүү ажлыг эхлүүлээд байгаа аж.
Ард иргэдэд ажлаа тайлагнах энэ ажлыг 2015 оны аравдугаар сарын 10-аас арванхоёрдугаар сарын 10-ны хооронд орон даяар зохион байгуулах юм.

Засгийн газрын ээлжит хуралдаанаар дараах асуудлуудыг хэлэлцэн шийдвэрлэлээ

Монгол Улсад шинэ цагийн барилгын салбар үүсч хөгжсөний түүхт 90 жилийн ой ирэх онд тохионо. Уг ойг угтан “Өндөр бүтээл, урлаг, спортын аян”-ыг Төрийн орон сууцны корпорациас нийслэлийн хэмжээнд эхлүүллээ. Аяны хүрээнд өнөөдөр Барилга, урлаг, спортын салбарынхны нэгдсэн туг мандуулах ёслолын арга хэмжээ боллоо.



Арга хэмжээнд ТОСК-ийн ерөнхий захирал А.Гантулга, Монголын барилгын хөгжлийн төвийн захирал Б.Баярсайхан, Монголын барилгачдын холбооны ерөнхийлөгч М.Батбаатар, БХБЯ-ны Барилга, дэд бүтэц хариуцсан албаны дарга Н.Энхтуяа болон ТОСК-ийн төсөл хөтөлбөрийг гүйцэтгэгч 30 орчим барилгын компаний удирдлагууд, инженер, техникийн ажилчид урлаг, спортын салбарын төлөөлөл оролцсон юм.



Тугийг Төрийн орон сууцны корпорацийн ерөнхий захирал А.Гантулга, МУГЖ Л.Болдбаатар, Монгол улсын арслан П.Бүрэнтөгс нар өргөлөө. Төрийн орон сууцны корпорацийн ерөнхий захирал А.Гантулга “Төрийн орон сууцны корпорациас эхэлж буй “Өндөр бүтээл, урлаг, спортын аян”-ы туг нэг жилийн хугацаанд арвин их бүтээн байгуулалт, ололт амжилтыг авчирна гэдэгт итгэлтэй байна. Энэхүү тугийг мандуулж байгаагийн гол зорилго бол Монголын барилгын компаниуд маань нэгдэж, нэг зүгрүү зорилго нэгтэйгээр харж, улмаар хамтдаа зорилтоо тодорхойлон их хотынхоо хөгжил цэцэглэлт, бүтээн байгуулалтад дуу нэгтэйгээр оролцоход оршиж байгаа юм.



Манай байгууллага дээр туг аялах нэг сарын хугацаанд хамт олон маань 14 багц ажлыг хийхээр төлөвлөөд байна.” Гэсэн юм. Мөн “Өндөр бүтээл, урлаг, спортын аян”-ы хүрээнд Төрийн орон сууцны корпораци Шастины нэрэмжилт Улсын 3-р төв эмнэлгийн Зүрх судлалын тасагт иж бүрэн засвар хийх санаачлагыг гаргажээ. Уг тасгийг олон улсын жишигт нийцүүлэн засаж, тохижуулахад зарцуулагдах хөрөнгийг ТОСК-ийн төсөл хөтөлбөрийг гүйцэтгэгч 30 орчим барилгын компани нэгдэж, хандив туслалцаа өгч бүрдүүлсэн юм.

Өршөөлийн хуульд улстөрийн шийдвэр гаргах ёстой
УИХ-ын Хууль зүйн байнгын хорооны хуралдаанаар Өршөөл үзүүлэх тухай хуульд нэмэлт өөрчлөлт оруулах тухай хуулийн төслийг хэлэлцлээ. Хэлэлцэж байгаа асуудалтай холбогдуулан гишүүд асуулт тавьж, саналаа хэлсэн юм. УИХ-ын гишүүн Р.Гончигдорж:
-Өршөөлийн хууль наймдугаар 11-нд батлагдсан. Батлагдсан өдрөөсөө дагаж мөрдөхөөр байгаа. Харин Ерөнхийлөгч энэ хуульд наймдугаар сарын 17-нд хориг тавьсан. Тэгэхээр хэрэгжиж байсан наймдугаар сарын 11-16-ны хооронд шийдвэрлэгдсэн асуудал хоригт хамаарах уу. Энэ хугацаанд Өршөөлийн үзүүлэх ажлыг зохион байгуулах комисс авлига, албан тушаалын хэргийг өршөөлд хамруулахаар шийдвэрлэсэн байвал яах вэ. Аль хуулийг нь дагаж мөрдөх гэсэн гэсэн асуулт тавьсан юм. Гишүүний асуултад ажлын хэсгийнхэн “Өршөөлийн хуульд Ерөнхийлөгч хориг тавьсан тул авлига, албан тушаалын хэрэг өршөөгдөхгүй гэсэн хариулт өгсөн. Гишүүн Ц.Оюунбаатар “Өршөөлийн хуулиар бид улс төрийн шийдвэр гаргах ёстой. Манайд хүний эрх зөрчигдөж ирсэн. Иргэний шүүхээр шийдвэрлэгдэж байгаа хэрэгт эрүүгийн хэрэг оноодог. Тиймээс бид энэ хуулиар хүний эрхийг хамгаалах ёстой” гэж балаа.
УИХ-ын Хууль зүйн байнгын хороо аравдугаар сарын 2-ний өдөр хуралдаж Өршөөл үзүүлэх тухай хуулийн төслийг хэлэлцэх шатанд уг хуулийн төсөлтэй холбогдуулан гаргасан 11 зүйл заалт бүрээр санал хураасан ч олонхийн дэмжлэг авч чадаагүй саналуудыг чуулганы хуралдаан руу оруулахгүйгээр зөвхөн 6 саналын томъёоллыг багцлан оруулж ирсэн нь МАН-ын бүлгийн хувьд завсарлага авах шалтгаан нь болсон юм.
Олонхийн дэмжлэг хүлээлгүй, цөөнх болсон энэхүү саналд албан тушаалын гэмт хэрэг, хууль бусаар хөрөнгөжсөн хэргүүдийг өршөөлд хамруулж болохгүй гэсэн санал багтаж байжээ. Эдгээр саналыг УИХ-ын гишүүн С.Бямбацогт, Ц.Нямдорж, Д.Лүндээжанцан нар гаргасан байсан нь өнөөдрийн хуралдаанаас гишүүдийн 90 гаруй хувийн дэмжлэг хүлээж, чуулганы хуралдаанаар хэлэлцэгдэх болж байна. Ийнхүү Өршөөлийн хуулийн төсөл 11 зүйл заалт бүрээр санал хураалгахаар болж, энэхүү томъёоллоо чуулганы хуралдаан руу оруулахаар боллоо.

ХБНГУ-ын Холбооны Ерөнхийлөгч Иоахим Гаук маргааш манай улсад айлчилна. Тэрбээр Монгол Улсын Ерөнхийлөгч Ц.Элбэгдоржийн урилгаар энэ сарын 14-16-ны өдрүүдэд Монгол Улсад төрийн айлчлал хийх юм. Төрийн айлчлалын үеэр Энхтайваны өргөн чөлөө, Чингисийн талбай, Чингисийн өргөн чөлөөн автозамуудыг тодорхой хугацаанд хаана. Тиймээс энэ хоёр өдрийн хугацаанд хувийн автомашинаас татгалзаж, нийтийн тээврийн хэрэгслийг сонгон үйлчлүүлэхийг Замын цагдаагийн газраас анхааруулж байна.

Засгийн газар МАК компанитай гэрээ байгуулна

Өчигдөр Баянзүрх дүүргийн 8 дугаар хороо, Харуул Алтай хотхоны 108 дугаар байрны 4 давхарт айлын тагтан дээр бага насны 3 хүүхэд унах гээд байна, хаалгыг онгойлгож өгнө үү гэсэн дуудлагыг оройн 20:20 цагт ирүүлж дуудлагын дагуу Гал түймэр унтраах, аврах 63 дугаар ангийн албан хаагчид 5 давхраас аврах олс ашиглан тагтаар нь ороход харгалзах хүнгүй өглөөнөөс хойш юм идээгүй, ам нь цангасан байдалтай 2-5 насны эрэгтэй 3 хүүхэд байсныг аюулгүй болгосон байна.
Эцэг эхчүүдэд хүүхдээ харгалзах хүнгүй гэрт нь үлдээхгүй байх, гэр орон сууцныхаа галын аюулгүй байдлаа хангахыг нийслэлийн Онцгой байдлын газраас онцгойлон сэрэмжлүүлж байна.

Хууль зүйн сайд асан Х.Тэмүүжинтэй холбоотой ноцтой гэмээр мэдээллүүд өнөөдөр хэвлэл мэдээллийн хэрэгслээр цацагдлаа.

Өршөөл үзүүлэх тухай хуульд нэмэлт өөрчлөлт оруулах тухай хуулийн төслийг хэлэлцэн, 11 зүйл заалт бүрээр санал хураалгахаар болж, энэхүү томъёоллоо чуулганы хуралдаан руу оруулахаар тогтлоо.

УИХ-ын Хууль зүйн байнгын хороо аравдугаар сарын 2-ний өдөр хуралдаж Өршөөл үзүүлэх тухай хуулийн төслийг хэлэлцэх шатанд уг хуулийн төсөлтэй холбогдуулан гаргасан 11 зүйл заалт бүрээр санал хураасан ч олонхийн дэмжлэг авч чадаагүй саналуудыг чуулганы хуралдаан руу оруулахгүйгээр зөвхөн 6 саналын томъёоллыг багцлан оруулж ирсэн нь МАН-ын бүлгийн хувьд завсарлага авах шалтгаан нь болсон юм.

Олонхийн дэмжлэг хүлээлгүй, цөөнх болсон энэхүү саналд албан тушаалын гэмт хэрэг, хууль бусаар хөрөнгөжсөн хэргүүдийг өршөөлд хамруулж болохгүй гэсэн санал багтаж байжээ. Эдгээр саналыг УИХ-ын гишүүн С.Бямбацогт, Ц.Нямдорж, Д.Лүндээжанцан нар гаргасан байсан нь өнөөдрийн хуралдаанаас гишүүдийн 90 гаруй хувийн дэмжлэг хүлээж, чуулганы хуралдаанаар хэлэлцэгдэх болж байна.

УИХ-ын Хууль зүйн байнгын хорооны хуралдаан үргэлжилж байна.

Авто тээврийн тухай хуулийг шинэчилнэ

Улсын Их Хурлын гишүүн Ц.Даваасүрэн, Б.Бат-Эрдэнэ, Х.Болорчулуун, С.Ганбаатар, Г.Уянга, Л.Цог нараас Оюутолгой төслийн хэрэгжилтийн өнөөгийн явц, татвар төлөлтийн байдал болон “Эвлэрлийн гэрээ”-ний талаар Монгол Улсын Ерөнхий сайд Ч.Сайханбилэгт тавьсан асуулгын хариуг сонсов.

Сүүлийн жилүүдэд Улаанбаатар хотын захын гэр хороолол өргөжин тэлж, цахилгаан эрчим хүчний хэрэглээ огцом өссөнөөс “Улаанбаатар цахилгаан түгээх сүлжээ” ТӨХК-ийн эзэмшлийн 35 кВ-ын дэд станц, цахилгаан дамжуулах шугам, тоноглолууд хэт ачааллаж тухайн бүсэд суурьшсан хэрэглэгчдийн цахилгаан хангамжийн найдвартай байдал алдагдах болсон. Мөн цахилгаан эрчим хүчний чадлын дутагдалтай байдлаас болж ийм бүсэд шинээр суурьшсан айл өрх, үйлдвэр, аж ахуйн нэгжүүдийг түгээх сүлжээнд шинээр холбох боломж хязгаарлагдмал байна.

УБЦТС ТӨХК-иас энэ асуудлыг шийдвэрлэхээр эхний ээлжинд хэт ачаалагдсан станцууд болох Сонгинохайрхан дүүргийн 7, 9, 24, 25, Чингэлтэй дүүргийн 19, Сүхбаатар дүүргийн 15, 17, 19, 20-р хорооны айл өрх, аж ахуйн нэгжүүдийг цахилгаан эрчим хүчээр хангадаг 35 кВ-ын Баянхошуу, Дашчойнхор дэд станцуудын хүчин чадлыг нэмэгдүүлж, иж бүрэн шинэчлэл хийхээр төлөвлөж, шаардагдах хөрөнгө оруулалтыг 2014 оны улсын төсөвт оруулж, шийдүүлсэн.

2014 оноос 35/6 кВ-ын Баянхошуу дэд станцын хүчин чадлыг 2*10 МВА болгож, 2.4 км-ийн урттай хоёр хэлхээ цахилгаан дамжуулах агаарын шугам татах, хуваарилах байгууламжийн тоноглолыг шинэчлэх, 35/10 кВ-ын Дашчойнхор дэд станцын хүчин чадлыг 2*6.3 МВА, ил хуваарилах байгууламжийг хаалттай болгох, тоноглолыг шинэчлэх ажлууд хийгдэж эхэлсэн бөгөөд барилга угсралтын ажлыг “Да хот”, “Илч хангай” ХХК-иуд тус тус төлөвлөгөөт хугацаанд нь гүйцэтгэж дуусгаад улсын комисст хүлээлгэн өгөхөд бэлэн болоод байна.

Өнгөрсөн жилүүдэд 94.6 хувь хүртэл ачааллагдсанаас бага чадлын эх үүсвэр нэмж тавих аргаар түр арга хэмжээ авч, их ачааллыг давж байсан Баянхошуу дэд станц ийнхүү шинэчлэгдсэнээр 29.5 хувьтай хэвийн ачааллаж, шинээр 7000 орчим айл өрхийг нэмж холбох боломжтой 11.9 мВА-ын нөөц үүсч байна. Түүнчлэн өмнө нь холбогдсон 7714 айл өрх, 187 аж ахуйн нэгжийн цахилгаан хангамж сайжирсны зэрэгцээ 2300 орчим айл өрх нь цахилгаан халаагуур ашиглах эх үүсвэрийн нөхцөл бүрдлээ.

Харин Дашчойнхор дэд станц шинэчлэгдсэнээр өвлийн их ачааллын хэмжилтээр 103 хувь хүртэл ачаалж, хэрэглэгчдийн хэрэглээнд хязгаарлалт хийх хүртэл арга хэмжээ авдаг байсан бол хэвийн ачаалж эхэлнэ. Шинээр хэрэглэгчдийг нэмж холбох 10.1 мВА-ын нөөц үүсч байгаа тул 5900 гаруй айл өрхийг цахилгаан эрчим хүчинд холбох боломж бий болж, өмнө нь холбогдсон 3014 айл өрх, 49 аж ахуйн нэгжийн цахилгаан хангамж найдвартай боллоо.

Мөн Баянхошуу, Дашчойнхор станцуудад өмнө нь гэмтэл гарсан тохиолдолд нөөц эх үүсвэр, шугамгүйгээс сэлгэн залгалт, шилжүүлэг хийх зэрэгт бүх хэрэглэгчдийнх нь хэрэглээ хязгаарлагддаг байсан бол хүчин чадлыг нэмж, техник шинэчилснээр энэ асуудал бүрэн шийдэгдэж байгаа юм гэж “УЛААНБААТАР ЦАХИЛГААН ТҮГЭЭХ СҮЛЖЭЭ” ТӨХК-иас мэдээллээ.

Улсад сард 40-50 сая төгрөгний татвар төлдөг “Жем Хужирт” компаниас ээлжит сурвалжлагаа хүргэж байна. Тус газар жилдээ 2-3 тэрбум төгрөгний орлоготой байдаг төдийгүй татвараас гадна хандивийн олон арга хэмжээнд оролцдог аж. Усны шугамнуудыг цэвэрлэдэг гол машинууд нь бүгд автомат төдийгүй хүний гар ордоггүйгээрээ онцогтой аж. Үүгээр зогсохгүй үйлдвэрийн өрөө буюу усандаа Алтангэрэлийн шившлэг уншуулж сайн энергийг усандаа шингээж өгч чаддаг өвөрмөц онцлогтой газар юм байна. Ус өөрөө муу, сайн энергийг хуримтлуулдаг. Тиймээс уг үйлдвэр хамгийн цэвэр орчинд, шилдэг технологитойгоор үйл ажиллагаагаа явуулдаг гэдгийг энэ дашрамд дуулгах нь зүйтэй биз ээ.
Өвөрхангай аймгийн Хужирт суманд үйл ажиллагаагаа явуулж байсан “Хужирт байгалийн эрдэст ус”-ны үйлдвэрт менежмент, технологийн шинэчлэлийг иж бүрэн хийхэд 2008 оноос хамтран, шинэ бүтээгдэхүүн боловсруулах, брэндийг таниулах тал дээр онцгой анхааран ажилласны үр дүнд өнөөдөр “Хужирт байгалийн эрдэст ус” зах зээлдээ борлуулалтаараа тэргүүлж буй Монголын шилдэг брэндүүдийн нэг болсон. Хужирт эрдэст усыг үйлдвэрлэхдээ олон давхар шүүлтүүрээр шүүгээгүй, цэвэршүүлэх зорилгоор хлоржуулаагүй, бүтцийг нь алдагдуулалгүйгээр савладаг тул хүнд хэрэгтэй хамгийн зөв бүтэцтэй ус бөгөөд хүний бие дэх эрдэсийн хэмжээг зохистой түвшинд байлгаж, эрдэсийн дутагдлаас хамгаалдаг гэдгээрээ хэрэглэгчдэд хэзээний танил болж талархалыг хүлээгээд байгаа юм.

Ингээд “Жем Хужирт” компанийн хими технологич В.Жадамбаагаас зарим зүйлийг тодрууллаа.

-Үйлдвэрийнхээ талаар товч танилцуулахгүй юу?
-Манай Хужирт ус анх 2009 онд ус ундааны чиглэлээр үйл ажиллагаагааг явуулж эхэлсэн байгаа. 2013 онд “Жем интернэшл”-ийн хөрөнгө оруулалттайгаар шинэ савлагаа, шинэ үйлвэр маань ашиглалтанд орсон. Ингэхдээ Монголын анхны шилэн савлагааг нэвтрүүлсэн онцлогтой.
Манайх анх 24 ажилчинтай үйл ажиллагаагаа эхэлж байсан бол өдгөө 90 гаруй ажилчинтай болж өргөжин тэлсэн.
-Анхны шилэн савлагаанаасаа эхлээд бүтээгдэхүүнийхээ нэр төрлөөс уншигчдад маань сонирхуулахгүй юу?
-Шилэн савлагаа маань жимсний амт, оргилуун, натурал гэсэн гурван төрлийн савлагаатайгаар хэрэглэгчдийн гарт очдог. Савлагааны хэмжээний хувьд 0.7 болон 0.33-тайгаар үйлдвэрлэгддэг. Харин хуванцар савлагааны шугам маань дотроо дөрвөн төрлөөр савлагддаг.
Усны үйлвэр маань хоногт 20 тонн ус савлах хүчин чадалтай.
Техник тоног төхөөрөмжийн хувьд Болгар улсын савлагааны шугам, Германы тоног төхөөрөмжтэй.
-Эрүүл мэндийн хувьд ямар эерэг нөлөөтэй вэ?
-Хужирт ус маань эрдэст ус учир хүмүүсийг эрдэсийн дутагдлаас нөхөж өгнө. Эрдэсүүд маань ионы хэлбэрээр байдаг учир хүний биед шингэхдээ хамгийн тохиромжтой. Ерөнхийдөө байгалийн эрдэсийг хүний биед тохиромжтой хэмжээгээр савладаг. Яг байгалиар нь эрдэсийг нь шүүхгүйгээр савладаг онцлогтой. Цэвэр ус хэт эрдэсийг нь шүүчихсэн байдаг бол эрдэст ус болохоор хүний биед хэрэгтэй эрдэсийн хэмжээг нь агуулж өгсөн байдгаараа онцлогтой.
-Эрүүл аюулгүй байдал талаасаа?
-Өглөө бүр манай ажилчид хөдөлмөр аюулгүй байдлын зааварчилгаагаа аваад ажилдаа ордог. Хөдөлмөр хамгааллын инженерийн зааварчилгааны дагуу ажилладаг.
-Хужирт ус сайн үйлсийн аянд идэвхтэй оролцож харагддаг. Энэ талаар?
-Борлуулсан 1 ширхэг “Хужирт байгалийн эрдэст ус”бүрийн 1 төгрөгийг сум орон нутгийн хөгжил, хүүхдийн сайн сайхны төлөө хандивлах болсон зэрэг нь биднийг нийгмийн хариуцлагынхаа хүрээнд үлгэр жишээ компани байхаар хичээн ажиллаж байгаагийн нэг илрэл юм. Тухайлбал, Хужирт суманд л гэхэд хоёр ч сургуулийн тоглоом, танхимыг тохижуулж өгсөн. Улаанбаатар хотод сургуулийн гүүр зэргийг барьж өгөх ажилд хувь нэмрээ оруулсан.
Дашрамд хэлэхэд, Хужирт усын хамт олон сав угааж ашигладаг бохир усаа нөөцөлж хэрэглээний усанд эргүүлэн ашигладаг. Өөрөөр хэлбэл, угаалгын болоод нойлын өрөөний усанд ашигладаг байна. Ийм тохиолдолд усны алдагдалд орохгүй гэдгийг үйлдвэрийн ажилчид онцолсон юм.
Мөн Хужирт усын хэрэглэж заншсан нутгийн иргэдтэй уулзаж сэтгэгдлийг нь сонсоход “Хужирт ус хоолны шингэцийг сайжруулж, цээж хорсохыг намдааж, үе хоорондын шингэнийг баяжуулдаг гэдгийг ахмадууд мэддэг. Тиймээс ч тогтмол хэрэглэхийг эрмэлздэг” гэсэн юм.
“Монгол хүн бүр эрүүл байг” уриатай “Жем Хужирт” ХХК-иар ийн зочиллоо.

УИХ-ын Хууль зүйн байнгын хорооны өнөөдрийн хуралдаан 9 цаг 51 минутад 57.9 хувийн ирцтэйгээр эхэллээ.

Хуралдааны эхэнд тус байнгын хорооны дарга Д.Ганбат хэлэлцэх асуудлын дарааллыг танилцуулахад гишүүдээс ямар нэг санал гараагүй тул байнгын хорооны даргыг сонгох чөлөөлөх тухай асуудлын хэлэлцүүлгийг эхлүүлэв.

УИХ дахь АН-ын бүлгийн дарга Б.Гарамгайбаатар хэлэлцүүлгийн эхэнд байнгын хорооны даргын томилгооноос УИХ-ын гишүүн Ш.Түвдэндорж нэрээ татсан тухай тайлбарыг хийлээ. Үүний дараагаар УИХ-ын зарим гишүүд үг хэлсэн бөгөөд тэд “Хууль бүрэн бүтэн гарахын өмнөх шүүлтүүр бол Хууль зүйн байнгын хороо. Энэ хороо зарим тохиолдолд хангалттай ажиллахгүй байна” гэсэн байр суурьтай байгаагаа илэрхийлж байв. Тухайлбал, УИХ-ын гишүүн Б.Бат-Эрдэнэ, “Хууль зүйн байнгын хорооны даргыг сонгох асуудлыг харахад төрийн дээр нам гарсныг харж болох байна. Өнөөдөр хуулийн байгууллагын нэр хүнд олон нийтийн дунд тааруу байна. Үүнтэй Хууль зүйн байнгын хорооны нэр хүнд ч мөн холбогдоно. УИХ сүүлийн үед цэцийн дүгнэлтийг өчнөөн олон удаа хэлэлцэж байна. Ер нь нам юу гэнэ, тэр зарчмаар яваад байвал хуулийн систем нуран унана шүү” гэсэн асуудлыг дэвшүүлж байсан юм. Гишүүд үгээ хэлсний дараагаар санал хураалт явуулахад Д.Ганбатыг Хууль зүйн байнгын хорооны даргад томилохыг гишүүдийн олонх дэмжлээ.

Архангай аймгийн Прокурорын газраас санаачлан Боловсролын Их Сургуулийн харъяа Архангай аймаг дахь Багшийн сургуулийн I-IV курсийн оюутнуудад 2015 оны 10 дугаар сарын 09-ний өдөр Прокурорын байгууллагын тухай ойлголт, 2015 оны эхний 3 дугаар улирлын байдлаар аймгийн хэмжээнд үйлдэгдсэн гэмт хэргийн шалтгаан нөхцөл, гэмт хэргээс урьдчилан сэргийлэх арга замын талаар яриа, таниулга, сургалт зохион байгуулжээ.

Тус арга хэмжээнд нийт 730 оюутан хамрагдаж мэдээлэл авсан байна. Мөн олон нийтэд хүргэх зорилгоор Архангай аймгийн “АВ” телевизээр нэвтрүүлжээ.

Цагаан суваргын ордын хөрөнгө оруулалтын гэрээг байгуулсантай холбоотой Уул уурхайн сайд Р.Жигжид, Аж үйлдвэрийн сайд Д.Эрдэнэбат нар 14.00 цагт Төрийн ордны А танхимд мэдээлэл хийнэ

Дөрөвхөн настай охиноо хөнөөсөн хэрэгт буруутгагдаад буй Т.Цогт, талийгаач охины хойд эх Г.Маралмаа нарт холбогдох шүүх хурал өнөөдөр боллоо. Шүүх хурал 9 цаг үргэлжилсэний эцэст шүүх бүрэлдэхүүн Т.Цогтод 24 жил, Г.Маралмаад 24 жилийн хорих ял оноох шийдвэр гаргав.



Т.Цогт, Г.Маралмаа нар чанга дэглэмтэй хорих ангид ялаа эдэлнэ

Т.Цогтын 5 жилийн хорих ялыг гянданд, үлдсэн 19 жилийн хорих ялыг чанга дэглэмтэй хорих ангид эдлүүлэх шийдвэр гаргасан бол Г.Маралмаагийн 24 жилийн чанга дэглэмтэй хорих ангид эдлүүлэхээр шийдвэрлэжээ.

Г.Маралмаа нь өдгөө 9 сартай жирэмсэн ба түүний төрөх сүүлийн хугацаа энэ сарын 20-ний өдөр. Тэгсэн ч ялыг эдлүүлж, хүүхдийг нь хорих ангид хамт байлгаж байгаад 1 нас хүрэхээр нь асран хамгаалагч нарт нь өгөх аж.

Шүүх хурал дуусмагц тэднийг ШШГЕГ-ын харьяа цагдан хорих 461 дүгээр анги руу ачлаа.

Т.Цогт, Г.Маралмаа нарыг Эрүүгийн хуулийн тусгай ангийн 91.2.11 /бүлэглэж, урьдчилан үгсэж тохиролцсон бүлэг, зохион байгуулалттай бүлэг, гэмт бүлэглэл бусдын амь насанд хүрсэн/ 91.2.12 /онц харгис хэрцгий аргаар/ 91.2.15 /хохирогчийг биеэ хамгаалж чадахгүй байгааг мэдсээр байж/ 100.1 /байнга зодох буюу тарчлаах шинжтэй бусад үйлдэл хийсэн/ гэх зүйл ангиар буруутган шүүлээ.

Шүүх хурлын үеэр талийгаач охины хойд эх Г.Маралмаа “Би охиныг алаагүй. Тиймээс надад оноох гэж байгаа ял тохирохгүй байна. Би охинд гар хүрч байсан тохиолдлууд бий. Гэхдээ үхэлд хүргэхүйц, хөхөрч няцартал нь зодож байсан тохиолдол байхгүй. Хааяа бөгс нь дээр нь алгаддаг байсан. Би тэгэж хүн зодох хэрцгий хүн биш. Харин Т.Цогт охиноо цагдаагийн суран тэлээгээр хоёр ч удаа ороолгосон. Тэгэхэд охин толгойгоороо газарт унаж байгаа харагдсан. Охин өөрөө гүйж яваад үүдний шатнаас хоёр удаа унасан. Энэ нь үхэлд хүргэсэн байх. Ер нь одоо бодоод байхад тэр өдөр ГССҮТ-д сахиад үлддэг байж. Хүний хүүхдийг асран хамгаалж чадаагүйдээ харамсч байна” гэж мэдүүлж байсан.

Харин талийгаач охины төрсөн эцэг Т.Цогт: “Хойд эцгийн гар харуулахгүй гэж охиноо авчихаад ийм байдалтай байгаадаа Өнөржаргалаас уучлал гуйж байна. Эцгийнхээ үүргийг гүйцэтгэж, бяцхан охиноо хамгаалж, асарч чадаагүй миний буруу. Ажил амьдрал, нэр төрөө алдсандаа, цагдан хоригдсондоо харамсах зүйл надад байхгүй. Би хайртай бяцхан үрээ алдчихсандаа л харамсч байна. Ханиа сонгож чадаагүй нь миний буруу. Ямар ч шийтгэл хүлээхэд би бэлэн байна” хэмээн мэдүүлж байв.