Монгол Улсын Шадар сайд У.Хүрэлсүхийн ахалдаг Улсын Онцгой комисс шинэ бүрэлдэхүүнтэйгээр анхны хуралдаанаа хийн хүнс, хөдөө аж ахуй, зам, тээвэр, эрчим хүч, эрүүл мэндийн салбар болон нийслэлийн өвөлжилтийн бэлтгэл ажлын явц, дөрөвдүгээр улирлын цаг агаарын төлөв байдлын талаар мэдээлэл сонсож шийдвэр гаргалаа.

Өнөөдрийн байдлаар малчид 1.2 сая тн өвс, 100.0 мянган тн гар болон хүчит, шүүст, эрдэст тэжээл бэлтгэхээс 284 мянган тн хадлан /24 хувь/ бэлтгэжээ. Аймаг, сумын аюулгүйн нөөцөд 32 мянган тн өвс, 13 мянган тн тэжээл бэлтгэхээс 3722 тн өвс, 504 тн тэжээлийг бэлтгээд байна. Энэ жил нийт нутгийн 80 орчим хувьд мал өвөлжилт, хаваржилт хэвийн байх бол 14 аймгийн 47 сумын 4.6 сая мал отроор өвөлжиж, хаваржих төлөвтэй байна. Салбарын яам малчдын дулаан хувцас, хүн эмнэлгийн болон малын эм, бэлдмэл, хөдөлмөр хамгааллын багаж, хэрэгслийн багц, зөөврийн хашаа, саравчийг захиалгаар нийлүүлэх, мах болон ахуйн хэрэглээний барааны бартерын худалдаа зохион байгуулахаар төлөвлөжээ.

Эрчим хүчний салбарын өвөлжилтийн бэлтгэл ажил 2016 оны 08 дугаар сарын 31-ний өдрийн байдлаар 70 хувьтай, Эрүүл мэндийн яамны харьяа 15 байгууллагад хийж байгаа их засварын ажлын явц мөн 70 хувьтай байна. Зам, тээврийн салбарынхан өвөлжилтийн бэлтгэлээ нэгдсэн төлөвлөгөөний дагуу хангаж байгаа бөгөөд цаг агаарын хүндрэлтэй үед олон улс болон улсын чанартай авто зам, даваан дээр ажиллах “Шуурхай ажлын хэсэг”, “Байгалийн гамшиг болон аюулт үзэгдэл, түүнээс шалтгаалан замын хөдөлгөөн хэвийн үргэлжлэх боломжгүй нөхцөлд зам тээврийн осол, гэмтлээс иргэдийг хамгаалах, урьдчилан сэргийлэх, авран хамгаалах, учирсан хор аюулыг арилгах, сэргээн босгох үйл ажиллагааг зохион байгуулж ажиллах Ажлын хэсэг” байгуулжээ.

Холбогдох сайд, удирдах албан тушаалтнуудын мэдээллийг сонссоны дараа Монгол Улсын Шадар сайд, Улсын Онцгой комиссын дарга У.Хүрэлсүх үүрэг, чиглэл өглөө.

Өвөлжилтийн бэлтгэл хангах талаархи Засгийн газрын тогтоолыг хэрэгжүүлж, биелэлтэд хяналт тавьж, шуурхай удирдлагаар хангахыг аймаг, нийслэлийн Засаг дарга, Онцгой комиссын дарга нарт үүрэг болгов. Гамшгийн улмаас учирсан хохирлыг эхний ээлжинд аймаг, нийслэлийн Онцгой комиссын эрх мэдлийн хүрээнд шийдвэрлэх, Засаг даргын нөөц хөрөнгө дууссан тохиолдолд хөрөнгийн зориулалт, зарцуулалтын тайлангаа ирүүлсний дараа Засгийн газрын нөөц сангаас хөрөнгө гаргах хүсэлтээ санхүүгийн баримтуудын хамт ирүүлж байхыг үүрэг болголоо.

Эрчим хүч, дулаан, цахилгааны найдвартай тасралтгүй байдлыг хангах, нүүрсийг хугацаанд нь татаж авах, төлөвлөгөөт засвараа чанартай гүйцэтгэх, зам, давааг байнгын нээлттэй байлгахад анхаарч ажиллахыг Шадар сайд У.Хүрэлсүх анхаарууллаа.

Малчин өрх бүр малын хашаа, саравч, уст цэгээ засварлах, тохижуулах, түлээ түлшээ бэлтгэх, цаг агаар хүндэрсэн нөхцөлд хэрэглэх өвс, тэжээлийг өрх болон малчид хоршин нөөцлөхзэргээр өвөлжилтийн бэлтгэлийг нь хангуулах, орон нутгийн өвс, тэжээлийн аюулгүйн нөөц бэлтгэхэд бүх талын тусламж, дэмжлэг үзүүлэх, малчдыг малаа даатгалд хамруулахыг уриалах, байгалийн гэнэтийн аюулт үзэгдлээс урьдчилан сэргийлэх, хүн хүч, техник хэрэгслийн бэлтгэл, бэлэн байдлыг нь хангуулахыг үүрэг болголоо.

Шүлхий, цэцэг зэрэг хүнд халдварладаггүй өвчний зэрэглэлийг бууруулах асуудлыг судлаж танилцуулах, мал сүргээ угаалга, тарилга, урьдчилан сэргийлэх вакцинд хамруулаагүй малчид, иргэдэд тооцох хариуцлагыг чангатгах санал боловсруулах, отроор өвөлжих, хаваржих өрх, малчид, малын тоо толгойг бодитой гаргаж, бэлчээрийн даацад тулгуурлан тогтоох зэрэг үүргийг Хүнс, хөдөө аж ахуй, хөнгөн үйлдвэрийн сайдад даалгалаа.

Зам, давааг цасанд боогдохоос сэргийлэх, улсын чанартай авто зам, гүүрийн засвар арчлалтад шаардлагатай хөрөнгийг төсвийн тодотголд тусгуулахыг Зам, тээврийн хөгжлийн сайдад, зарим аймагт үүссэн эрчим хүчний санхүүжилт, өр, авлагыг орон нутгийн удирдлагуудтай хамтран шийдвэрлэхийг Эрчим хүчний сайдад, отроор өвөлжих малчид, жирэмсэн эх, бага насны хүүхэд, өндөр настан, хөгжлийн бэрхшээлтэй иргэд, сэтгэцийн өөрчлөлттэй хүмүүсийн судалгааг гаргах, эмч, сувилагч, ажилтнуудыг өндөржүүлсэн бэлэн байдалд ажиллуулах, шаардлагатай эм, эмнэлгийн хэрэгслийн нөөц бүрдүүлж, түргэн тусламжийн машин, техникийн бэлтгэл, бэлэн байдлыг хангуулах, Хэнтий аймгийн Хэрлэнбаян-Улаан тосгоны Эрүүл мэндийн төвд эмнэлгийн шуурхай албаны нэг автомашин хуваарилахыг Эрүүл мэндийн сайдад, гол салбаруудад нэн яаралтай шийдвэрлэх шаардлагатай хөрөнгийг төсвийн тодотголд тусгахыг Сангийн сайдад, Дүнжингарав орон сууцны хорооллын дундуур дайран өнгөрдөг Ф500 мм-ийн голчтой 150 м урт хэсгийн барилга угсралтын ажлыг халаалтын улирал эхлэхээс өмнө дуусгахыг Нийслэлийн Засаг дарга бөгөөд Улаанбаатар хотын захирагчид даалгалаа хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Одоогийн шинээр өргөн баригдсан хуулиар-алтны татварыг өсгөснөөр компаниуд Монголбанкинд тушаах нь эрс багасч, тэр хэмжээгээр худалдаа далд хэлбэрт шилжиж, улсын нөөцөд орох алтны хэмжээ буурах бодитой эрсдэл байгааг

<iframe width=”560” height=”315” src=”https://www.youtube.com/embed/4TDFqL96gwo” frameborder=”0” allowfullscreen></iframe>

Зууны манлай эстрадын дуучин, поп хатагтай Б.Сарантуяагийн “Хайрын бурхан” дууны үргэлжлэл 20 жилийн дараа гарлаа.

Энэ дууны үгийг яруу найрагч МУСГЗ Ү.Хүрэлбаатар зохиосон бол хөгжмийн зохиолчоор Д.Өлзий-Орших ажиллажээ. 20 жилийн өмнө зохиогдсон ”Хайрын бурхан” дууг мэдэхгүй хүн цөөхөн биз ээ. Харин 20 жилийн дараа сонсогч фэнүүдэд хүрч байгаа ”Хайрын бурхан-2” хамтарсан уран бүтээлийг та бүхэнд хүргэж байна.

Уул уурхай, хүнд үйлдвэрийн дэд сайд Х.Бадамсүрэн орон нутагт ажиллалаа
3 цаг 31 минутын өмнө
Print Zasag and PDF ShareThis Facebook Tweet LinkedIn Email


Уул уурхай, хүнд үйлдвэрийн дэд сайд Х.Бадамсүрэн Өмнөговь аймгийн Цогтцэций сумын нутаг дэвсгэрт үйл ажиллагаа явуулж буй “Эрдэнэс тавантолгой” ХХК-ийн Баруун, Зүүн Цанхийн нүүрсний уурхай, “Энержи ресурс” ХХК-ийн Ухаа худгийн нүүрсний уурхай, баяжуулах үйлдвэр, “Таван толгой” ХК-ийн нүүрсний уурхайн үйл ажиллагаатай танилцаж, тулгамдаж буй асуудлуудын талаар санал солилцож, мэргэжил, арга зүйн зөвлөгөө өгч ажиллажээ. Мөн Гашуун сухайтын хилийн боомт болон нүүрсний тээврийн асуудлаас үүсээд байгаа нөхцөл байдалтай газар дээр нь танилцсан байна.

Дараа нь Өмнөговь аймгийн Цогтцэций, Ханбогд суманд тухайн бүс нутгийн уул уурхайн үйл ажиллагаа явуулж буй аж ахуйн нэгж, орон нутгийн удирдлагуудыг хамарсан Зөвлөлдөх уулзалтад оролцов. Ийм зөвлөлдөх уулзалт хоёр долоо хоногийн өмнө Гурвантэс суманд болсон байна.

Нүүрсний олборлолт, экспортыг нэмэгдүүлэх, уул уурхайн дэд бүтцийн хөгжлийн төлөвлөлтийг сайжруулах, орон нутагтай хамтран ажиллах зэрэг асуудлыг хэлэлцэн мэдээлэл солилцож, тодорхой ойлголцолд хүрсэн уг уулзалтад тус аймгаас сонгогдсон УИХ-ын гишүүд, аймгийн ИТХ-ын дарга, Засаг дарга, сум, орон нутгийн удирдлага, аж ахуйн нэгжүүдийн удирдлага, мэргэжилтнүүд оролцжээ.

Дэд сайд “Оюутолгой” ХХК-ийн үйл ажиллагаатай танилцаж, тус компанийн удирдлага, мэргэжилтнүүдтэй санал солилцсоны зэрэгцээ Ханбогд-Оюутолгой чиглэлийн 35 км хатуу хучилттай автозамын нээлтэд оролцсон байна.

Энэ есдүгээр сард Монгол бөхийн өргөөнд дөрвөн том барилдаан болно. Тодруулбал, есдүгээр сарын 9-нд Монгол Улсад барилгын салбар үүсч хөгжсөний 95 жилийн ойд зориулсан улс, аймгийн алдар цолтой 128, 17-нд Хилчдийн өдөрт зориулсан улс, аймгийн алдар цолтой 224, 18-нд сумын цолтой болон залуу бөхчүүдийн намрын нээлтийн барилдаан, 25-нд Монгол Улсын начин Ш.Шаравжамцын нэрэмжит аймаг, цэргийн цолтой болон залуу бөхчүүдийн 256 бөхийн барилдаантай.

Дорнод аймагт малын гоц халдварт боом өвчин гарчаа. Тодруубал, Хэрлэн сумын 2-р багийн иргэн Э-гийн бог малд боомын шинж тэмдэг илэрснээр өвчилсөн малаас дээж авч шинжлэхэд боом өвчин мөн болох нь тогтоогджээ. Одоогоор холбогдох байгууллагууд халдвартай бүсэд ариутгал халдваргүйжүүлэлт хийж, ойр хавийн мал сүрэгт дархлаажуулалт явуулж, хорио цээр тогтоожээ.

Өчигдөр оройноос аймгийн төв рүү орж гарах зам дээр хяналтын постууд ажиллаж эхэлсэн байна.

Дорнод аймагт малын бурцеллёз өвчнөөс урьдчилан сэргийлэх дархлаажуулалт өчигдрөөс эхэлсэн бөгөөд энэ сарын энэ сарын 15-ныг хүртэл үргэлжлэх аж.

Зооноз халдварт өвчнөөс урьдчилан сэргийлэх ажлын хүрээн дэх энэхүү дархлаажуулалт Дорнод аймгийн 14 сумын 330 гаруй төл малд хийгдэх юм. Өнөөдрийн байдлаар 7 сум вакцинаа хүлээн авч, вакцинжуулалтыг эхлүүлээд байна.

Төв аймгийн Алтанбулаг сум дахь Зэвсэгт хүчний байлдагч өөрийгөө буудаж гэмтээсэн хэрэг гарчээ.

Шилдэгийн шилдгүүдэд VTVHD

VTVHD телевизийн намрын шинэ хөтөлбөрөө тун удахгүй нээх гэж байна. Тус телевиз 3 жилийн төсөл хөтөлбөр болох “Бид Монголдоо Хайртай’’ төслийнхөө хүрээнд ’Мастер тогооч-2 ‘’ өрсөлдөөнт шоу нэвтрүүлгээ үзэгчиддээ хүргэхээр бэлтгэж байна.
“Мастер тогооч-1” үзэгчдийн таашаалд ихээхэн нийцэж үзэгчдийг телевизийн урд эсвэл гал тогооны өрөөтэй уядаг байсан бол энэ удаагийн шоугаараа бүр ч илүүтэйгээр үзэгчдийг татахаар төлөвлөж байгаа гэнэ.
Уншигч та, таны эргэн тойрны хүмүүс тус нэвтрүүлэгт оролцохыг хүсч буй бол 09 сарын 06-аас 24-ийг хүртэл ажлын цагаар VTVHD телевизийн байранд бүртгэл нь явагдах юм байна. Бүртгэлийн тоо хязгаартай бөгөөд өөртөө итгэлтэй, авъяас чадалтай, шилдэгийн шилдэг гэдгээ батлахыг хүссэн залуус бүрт, мэргэжлийн болон сонирхогч бүхий л оролцохыг хүсэгчдэд нээлттэй.




Мөн түүнчлэн VTVHD телевиз ПОП ДИВА Нарантай хамтран “DEKO” буюу дахивар нөөцөд тулгуурласан эко дизайны мэдлэг олгох маш сонирхолтой реалити цуврал нэвтрүүлэг, Монголын үзэсгэлэнт байгалийн зураглал, тэмдэглэл бүхий “Болдкогийн тэмдэглэл”, залуучуудад зориулсан “Сар гартал” реалити нэвтрүүлгийг Honeymoon хамтлагтай хамтран бэлтгэж байна.
VTVHD телевизийн намрын шинэ хөтөлбөрөөрөө үзэгчиддээ үзэх юмтай, ярих сонинтой цоо шинэ нэвтрүүлгүүдээр ар араас нь бэлэг барихнээ.




VTVHD телевизийн намрын шинэ хөтөлбөрөө тун удахгүй нээх гэж байна. Тус телевиз 3 жилийн төсөл хөтөлбөр болох “Бид Монголдоо Хайртай’’ төслийнхөө хүрээнд ’Мастер тогооч-2 ‘’ өрсөлдөөнт шоу нэвтрүүлгээ үзэгчиддээ хүргэхээр бэлтгэж байна.

“Мастер тогооч-1” үзэгчдийн таашаалд ихээхэн нийцэж үзэгчдийг телевизийн урд эсвэл гал тогооны өрөөтэй уядаг байсан бол энэ удаагийн шоугаараа бүр ч илүүтэйгээр үзэгчдийг татахаар төлөвлөж байгаа гэнэ.

Уншигч та, таны эргэн тойрны хүмүүс тус нэвтрүүлэгт оролцохыг хүсч буй бол 09 сарын 06-аас 24-ийг хүртэл ажлын цагаар VTVHD телевизийн байранд бүртгэл нь явагдах юм байна. Бүртгэлийн тоо хязгаартай бөгөөд өөртөө итгэлтэй, авъяас чадалтай, шилдэгийн шилдэг гэдгээ батлахыг хүссэн залуус бүрт, мэргэжлийн болон сонирхогч бүхий л оролцохыг хүсэгчдэд нээлттэй.

Мөн түүнчлэн VTVHD телевиз ПОП ДИВА Нарантай хамтран “DEKO” буюу дахивар нөөцөд тулгуурласан эко дизайны мэдлэг олгох маш сонирхолтой реалити цуврал нэвтрүүлэг, Монголын үзэсгэлэнт байгалийн зураглал, тэмдэглэл бүхий “Болдкогийн тэмдэглэл”, залуучуудад зориулсан “Сар гартал” реалити нэвтрүүлгийг Honeymoon хамтлагтай хамтран бэлтгэж байна.

VTVHD телевизийн намрын шинэ хөтөлбөрөөрөө үзэгчиддээ үзэх юмтай, ярих сонинтой цоо шинэ нэвтрүүлгүүдээр ар араас нь бэлэг барихнээ.

Улсын Их Хурлын Тамгын газрын Ерөнхий нарийн бичгийн дарга Ц.Цолмон өнөөдөр /2016.09.06/ БНСУ-ын Үндэсний Ассамблейн гишүүн Сол Хүн, Чү Хэ Сон нартай уулзлаа.

Уулзалтын эхэнд УИХ-ын Тамгын газрын Ерөнхий нарийн бичгийн дарга Ц.Цолмон БНСУ-ын Үндэсний Ассамблейн гишүүдийг Монгол оронд айлчилж байгаад баяртай байгаагаа илэрхийлж, БНСУ-тай найрсаг харилцаа, хамтын ажиллагааг хөгжүүлэх нь Монгол Улсын гадаад бодлогын тэргүүлэх чиглэлийн нэг бөгөөд “гуравдагч хөрш” Солонгос Улстай хөгжүүлж буй “Иж бүрэн түншлэл”-ийн харилцаанд Монгол Улсын төр, засаг өндөр ач холбогдол өгдөгийг дурдав.

Тэрээр, хоёр орны улс төрийн харилцаа, хамтын ажиллагааг хөгжүүлэх, эрх зүйн үндэс суурийг бэхжүүлэхэд парламент хоорондын харилцаа чухал үүрэг гүйцэтгэж ирснийг тэмдэглэхийн сацуу хоёр орны парламентын спикер, гишүүд, Тамгын газрын удирдлагын харилцан айлчлал, улс төрийн яриа х‎элэлцээ сүүлийн жилүүдэд тогтмолжиж байгаад баяртай байгаагаа илэрхийлэв.

Түүнчлэн БНСУ-ын Үндэсний Ассамблейн Тамгын газрын Ерөнхий нарийн бичгийн дарга Ү Юүн Гын энэ оны 7 дугаар сард Монгол Улсад айлчилсан. Энэхүү айлчлал нь хоёр орны хууль тогтоох байгууллагуудын харилцаа, хамтын ажиллагаа, түүний дотор Тамгын газруудын харилцаа, хамтын ажиллагааг бэхжүүлэхэд үнэтэй хувь нэмэр оруулсан чухал үйл авдал болсныг дурдаж, айлчлалын үеэр Монгол Улсын Их Хурлын Тамгын газар, БНСУ-ын Үндэсний Ассамблейн Тамгын газар хоорондын хамтын ажиллагааны протоколыг шинэчлэн байгуулсан нь бидний цаашдын хамтын ажиллагааг гүнзгийрүүлэн хөгжүүлэх эрх зүйн орчинг бататгасан чухал алхам болсныг онцоллоо.

БНСУ-ын Үндэсний Ассамблейн гишүүн Сол Хүн УИХ-ын Тамгын газрын Ерөнхий нарийн бичгийн дарга Ц.Цолмонтой танилцаж буйд баяртай байгаагаа илэрхийлж, БНСУ, Монгол Улс бол түүхэн улбаатай орнууд төдийгүй хоёр орон болоод парламент хоорондын хамтын ажиллагаа өдрөөс өдөрт улам бэхжиж буйд сэтгэл хангалуун байгаа хэллээ. Түүнчлэн олон талын харилцааг хөгжүүлэх алхмуудын нэг бол БНСУ-д ажиллаж, амьдарч байгаа 30 гаруй мянган монгол иргэдэд тусалж, дэмжих эрмэлзэлтэй байдгаа уулзалтын үеэр тэмдэглэллээ. Тэрээр БНСУ-ын Үндэсний Ассамблейн гишүүнээр ажиллах хугацаанд хоёр орны харилцааг цаашид хөгжүүлэхэд анхааран ажиллах болохоо илэрхийлэв.

БНСУ-ын Үндэсний Ассамблейн гишүүн хатагтай Чү Хэ Сон УИХ-ын Тамгын газрын Ерөнхий нарийн бичгийн даргатай танилцаж байгаад мөн баяртай байна гээд тэрээр өмнө нь хэвлэл, мэдээллийн салбарт ажиллаж байсан талаар танилцуулав. Хатагтай Чү Хэ Сон БНСУ-ын Korea Educational Broadcasting System буюу EBS телевизийн багийн хамт Монгол Улсад айлчилж буйгаа дуулгаж, Монголын Үндэсний Олон Нийтийн Радио Телевизэд зочилох төлөвтэй буйгаа уулзалтын үеэр дуулгасан юм.

УИХ-ын Тамгын газрын Ерөнхий нарийн бичгийн дарга Ц.Цолмон БНСУ-ын Олон улсын хамтын ажиллагааны байгууллага КОЙКА-гийн санхүүжилтээр УИХ-д “Цахим парламент” төсөл амжилттай хэрэгжсэнийг дурдаж, талархал илэрхийлэв. Мөн 2016 оны 4 дүгээр сард Улаанбаатар хотноо зохион байгуулагдсан Ази, Европын парламентын түншлэлийн 9 дүгээр уулзалтад БНСУ-ын Үндэсний Ассамблейн гишүүн хатагтай Пак Юунок, 7 дугаар сард Улаанбаатар хотноо зохион байгуулагдсан АСЕМ-ийн Дээд түвшний 11 дүгээр уулзалтад БНСУ-ын Ерөнхийлөгч Эрхэмсэг хатагтай Пак Гын Хэ оролцсон нь дээрх уулзалтуудад болон Монгол Улстай харилцах харилцаандаа БНСУ өндөр ач холбогдол өгч буйн илрэл гэж үзэн талархал илэрхийллээ. Түүнчлэн БНСУ-ын Үндэсний Ассамблейн дарга Жон Сэ Гюн Монгол Улсад айлчлах урилгатай байгааг уулзалтын үеэр нотлон тэмдэглэв.

Уулзалтын дараа зочид, төлөөлөгчид БНСУ-ын Засгийн газрын буцалтгүй тусламжийн хүрээнд хэрэгжүүлсэн ”Цахим парламент” төсөлтэй танилцсан юм. Төрийн ордны зүүн жигүүрт байрлах парламентын сэтгүүлчдийн өрөө, техникийн удирдлагын төв, Улсын Их Хурлын чуулганы нэгдсэн хуралдааны танхим болон цахим системийн үйл ажиллагаатай танилцуулах аяныг УИХ-ын Тамгын газрын Мэдээллийн технологийн хэлтсийн дарга Ж.Элбэгзаяа зохион байгууллаа гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

БНСУ-ын Элчин сайдын яамны шинэ байрны нээлтэд зориулж “Солонгосын долоо хоног-2016” арга хэмжээг Улаанбаатар хотноо 9 дүгээр сарын 5-12-нд зохион байгуулах болсон талаар өнөөдөр мэдээлэл хийлээ.

Мэдээллийн эхэнд БНСУ-аас Монгол Улсад суугаа Онц бөгөөд Бүрэн эрхт Элчин сайд У Сун арга хэмжээний талаар танилцуулга хийсэн юм. Тэрбээр “БНСУ-ын ЭСЯ шинэ байрандаа үйл ажиллагаа явуулж эхлээд хоёр сар болж байна. Уг байрандаа бид Консулын хэлтсээ ажиллуулж, БНСУ-ыг зорих виз хүсэх иргэдэд тухтай, таатай орчинд үйлчлүүлэх боломж бүрдүүлэхийг зорьж байна. Мөн шинэ байрны нээлтдээ зориулж, хоёр орны ард иргэдийн ойр дотно, найрсаг харилцааг улам ойртуулах зорилгоор Солонгосын соёл, урлаг, ахуй амьдралыг сурталчлан таниулах өдөрлөг зохиохоор бэлдлээ. Долоо хоног үргэлжлэх уг өдөрлөгийн хүрээнд Монгол, Солонгосын хамтарсан үндэсний хувцасны загварын шоу, Монгол орны байгалийн сайхныг харуулсан Солонгос гэрэл зурагчны үзэсгэлэн, таеквондогийн үзүүлэн тоглолт, солонгос хоолны фестивал, урлаг соёлын тоглолт, бадүг даамны тэмцээн зэргийг зохион байгуулна” гэв.

Өчигдөр буюу 9-р сарын 5-ны өдөр, Хэнтий аймаг дахь Шүүхийн шийдвэр гүйцэтгэх ерөнхий газрын харьяа Хорих 419-р ангиас хоригдол оргон зайлжээ. Тодруулбал, жирийн дэглэмтэй хорих ангид ял эдэлж байсан нэг хүмүүжигч хадлангийн өвс бэлтгэх ажилд дайчлагдаад байх үеэрээ оргосон байна. Одоогоор оргосон хүмүүжигчийг хараахан олоогүй байгаа ба холбогдох хуулийн байгууллагууд эрэн сурвалжилж эхэлжээ. Жирийн дэглэмтэй хорих ангид ял эдэлж буй хүмүүжигч нарыг намрын цагаар ургац хураалт болон хадлангын өвс бэлтгэх ажилд дайчилдаг бөгөөд энэ үед хорих ангиас харгалзагч нар хяналт тавьж ажилладаг. Тус хорих ангийн хувьд өмнө нь ялтан оргосон тохиолдол гарч байгаагүй боловч 2011 онд хорихын удирдлагуудыг эсэргүүцсэн нэг хүмүүжигч өлсгөлөн зарлаж байсан билээ.

Олон улсын циркчдийн тэмцээнд манай улсын циркийн жүжигчид уран нугаралтын төрлөөр мөнгөн цом хүртлээ.

Засгийн газар өнөөдөр 12.30 цагт ээлжит бусаар хуралдах гэж байна. ”Мэргэжлийн” Засгийн газар байгуулагдаад долоо хоног бүрийн лхагва гаригт хуралддаг болсон.

Баянгол дүүргийн 2 дугаар хорооны 54-р байрны 1 дүгээр орцны хогийн сувагт хог шатаж байна гэсэн дуудлага Нийслэлийн онцгой байдлын газарт шөнийн 01 цаг 38 минутад ирсэн байна.

Нийслэлийн онцгой байдлын газар, Чингэлтэй дүүргийн Онцгой байдлын хэлтсийн гал түймэр унтраах, аврах 10 дугаар ангийн албан хаагчид шуурхай ажиллаж утаажилтын бүсээс гарч амжаагүй, угаартах эрсдэлд ороод байсан 26 иргэний амь насыг авран хамгааллаа. Гал түймрийн улмаас иргэд барилга дотор хорт утаанд угаартах аюултай байсан тул гал сөнөөгчид Аврах эрэн хайх ажиллагааг шуурхай зохион байгуулж ажиллажээ.

Иргэдийг эх орны хөрсөнд ургуулсан эрүүл баталгаатай хүнсээр хангах, тариаланчдын хүнсний ногооны борлуулалтыг дэмжих зорилгоор “Алтан намар үзэсгэлэн худалдаа”-г зохион байгуулж байна. Үзэсгэлэн худалдааны хүрээнд нийслэлийн 25 байршилд 190 иргэн, аж ахуйн нэгж өөрсдийн тарьж ургуулсан хүнсний ногоогоо зарж борлуулж байгаа юм.
Цаашид төмс хүнсний ногоог дундын зуучлагчгүйгээр шууд худалдан борлуулах талбайг худалдааны төв, хүн ам олноор суурьшсан хороолол дүүргүүдэд гаргах, холбогдох зөвшөөрлийг олгох санамж бичигт Хүнс, хөдөө аж ахуй, хөнгөн үйлдвэрийн сайд П.Сэргэлэн, нийслэлийн Засаг даргын Ногоон хөгжил, агаарын бохирдлын асуудал хариуцсан орлогч Ж. Батбаясгалан нар гарын үсэг зурлаа. Санамж бичгийн хүрээнд нийслэлийн хэмжээнд 43 байршилд 434 цэгээр тариаланчид өөрсдийн тарьж ургуулсан жимс, хүнсний ногоогоо зарж борлуулна гэж Улаанбаатар хотын Захирагчийн ажлын албанаас мэдээллээ.

Нийслэлд энэ сард цахилгаан хязгаарлах хуваарь

Мэдээ, мэдээлэл Цаг үеийн мэдээ

2016-09-06 11:45:46

Нийслэлийн хэмжээнд есдүгээр сард цахилгаан шугам тоноглолд засвар үйлчилгээ хийж байгаатай холбогдуулан эрчим хүчээр түр хязгаарлаж байгаа тул иргэд Та бүхэн хэрэгцээгээ зохицуулна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай бөгөөд “Улаанбаатар цахилгаан түгээх сүлжээ” ТӨХК-тай байгуулсан гэрээнд бүртгэлтэй утсаар холбогдож аж ахуйн нэгж байгууллагуудад мэдээлэх юм. Дэлгэрэнгүй мэдээллийг www.tog.mn сайт, 70047004 утаснаас авна уу.

6/IX Чингэлтэй 10:30-17:30 1-р хороо, 18, 19, 36, 37, 38-р байр, Их агар, Баян констракшн, Гандирс, Бат эвсэг ХХК-ууд болон эдгээрийн ойр орчмоор
Баянгол 11:00-18:00 5-р хороо 10-р хороолол 33, ХД-36-р байр, Эмзүйн сургууль, Булган СӨХ, Радуга, 102-р сургуулиуд, МЛСЧ, ОТТУ, Мон бэйкери, Томт өргөө, Стройка, Хар чонот ХХК-ууд, ЭМШУИС-ийн ЭМТС, Нархажид хийд, Далд засал эмнэлэг болон эдгээрийн ойр орчмоор
Хан-Уул 11:00-12:00 3-р хороо Дэвшил СӨХ, Хэрэглээ импекс, Яармаг, Грэйнд бэйкери, Мөнх шинэ од, Скай медиа, Арш, Дельта автосервис, Гантус ХХК, Хангай, Аварга ДС-ууд, Монгол коллеж, Эмнэлэг, 41-р цэцэрлэг, Начин бууз, Дээж бууз, МХГ-57, Ногооны 36, 45-р байр болон эдгээрийн ойр орчмоор
11:30-18:00 13-р хороо 120-р ЦА болон эдгээрийн ойр орчмоор
Сонгино хайрхан 10:30-18:00 10-р хороо Зүүн Баян-Уулын Т-13, Т-40, 16, 18-р гудамж, Улуснет ХХК болон эдгээрийн ойр орчмоор
7/IX Баянгол 11:00-18:00 11, 4-р хороо Хувьсгалчдын Д-Д 1-3-р гудамж, Хүүхдийг ивээх сан, Ханамшигугул, Чулуун-Эрдэнэ /хүнсний дэлгүүр/, 10-р хороолол 18-2, 108, 301, 68-р байр, Адвентист чуулган, Бамаш, Венс, Дашваанжил, Их харанга, Мөнгөн гэрэгэ, Номин говь, Номт улс, Строй трейд, Цэцүүх трейд, Грийн эмералд ХХК-ууд, АОС-ууд, Голден парк хотхон болон эдгээрийн ойр орчмоор
11:30-12:00 20-р хороо Монгол түлхүүр ХХК болон эдгээрийн ойр орчмоор
12:00-12:30 20-р хороо Гацуурт ХХК болон эдгээрийн ойр орчмоор
Сонгино хайрхан 11:00-18:00 3-р хороо Бага Нарангийн 34-44-р гудамж болон эдгээрийн ойр орчмоор
8/IX Баянгол 11:00-18:00 9-р хороо Горькийн 3, 4, 5, 12, 14-р гудамж, Гэрэлт энэрэл ТББ, ЦЭСҮ, Дүүрэн сүмбэрэл, Буян ундрам ХХК-ууд болон эдгээрийн ойр орчмоор
13:00-16:30 1-р хороо Ноос импекс ХХК
13:30-14:00 20-р хороо Монгол түлхүүр, Хуандай, Монгол тамхи, Одкон ХХК-ууд болон эдгээрийн ойр орчмоор
14:00-14:30 20-р хороо ЖБИ, Сан индустрал ХХК-ууд болон эдгээрийн ойр орчмоор
Хан-Уул 10:30-18:00 7-р хороо Нүхтийн 4-22-р гудамж болон эдгээрийн ойр орчмоор
11:00-12:30 3-р хороо Улаанбаатар материал пүүс болон эдгээрийн ойр орчмоор
8, 9/IX Баянзүрх 10:30-17:30 16-р хороо Цэргийн 21, 22, Сүүний 22, 27-р байр, ШШГЕГ-ын ЦТП, 21-р цэцэрлэг, 40-р ясли, Нью жуулчин констракшн, Үржиншадүвлин хийд, Бүрдэл ХХК
Налайх 11:00-18:00 Лэгдэнхаан, Стройка, Их Биндэр хайрхан, Юнител, Өндөр-Улаан, Ном, Немо камп, Болор, Баяр импекс, Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, UB-2, Гацуурт, Талын сондор, Тэрэлж, Монгол алт, Лайт саунд, Тэлмэн кэмп ХХК-ууд, Ламиран дацан, иргэн Отгонбаяр, Оюунсүрэн, Цэрэндорж болон эдгээрийн ойр орчмоор
9/IX Хан-Уул 11:30-18:00 12-р хороо Хайрхан гэр хорооллын хойд тал , Мод үржүүлэг, Болорметтем ХХК болон эдгээрийн ойр орчмоор
Сонгино хайрхан 11:00-18:00 1-р хороо Толгойтын 112-128-р гудамж, Ан Сан Ши ХХК болон эдгээрийн ойр орчмоор
12/IX Хан-Уул 09:30-16:00 3-р хороо Атар өргөө ХК-ийн баруун талын ЦТП
Сонгино хайрхан 11:30-18:00 7-р хороо 0119-р ЦА 2Т-7 болон эдгээрийн ойр орчмоор
12,13/IX Налайх 10:00-18:00 9 давхар, 22-31-р байр, Чандмань Налайх, 2-р хорооны байр
12-17/IX Налайх 08:30-21:00 Лэгдэнхаан, Стройка, Их Биндэр хайрхан, Юнител, Өндөр-Улаан, Ном, Немо камп, Болор, Баяр импекс, Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, UB-2, Гацуурт, Талын сондор, Тэрэлж, Монгол алт, Лайт саунд, Тэлмэн кэмп ХХК-ууд, Ламиран дацан, иргэн Отгонбаяр, Оюунсүрэн, Цэрэндорж болон эдгээрийн ойр орчмоор
13/IX Сонгино хайрхан 14:00-18:00 22-р хороо Баянголын амны ЕТГ-ын ажилчдын зуслан
14/IX Баянзүрх 11:00-13:00 18-р хороо Жугамт өргөө ХХК, СӨХ, Алтан жолоо групп, Улаанбаатар банк, 27/1-3-р байр болон эдгээрийн ойр орчмоор
15:00-17:00 6, 18-р хороо 9, 15, 16, 18, 21, 22, 24, 44, 51, Монтедийн 1, 2-р байр, Наран о/с, ГЕГ-ын о/с болон эдгээрийн ойр орчмоор
15/IX Баянзүрх 11:00-13:00 18, 15-р хороо Бөхийн өргөө, Хадагтай инвест, Ватиканы төлөөлөгчийн газар, 21-р сургууль, 1-9, 13, 15, 16, 23, 27, 31, 40, 43, 44, 69-73, 75-р байр болон эдгээрийн ойр орчмоор
13:00-15:00 18-р хороо Жугамт өргөө ХХК, СӨХ, Алтан жолоо групп, Улаанбаатар банк, 27/1-3-р байр болон эдгээрийн ойр орчмоор
16/IX Сүхбаатар 10:30-17:30 19-р хороо Гоодойн зуслан
Налайх 09:30-21:00 6-р хороо Тэрэлжийн ТИС полигон, Уран байгал, Баян хад, Байгалийн нууц, Гарьд тур, Гүрү трэйвл, Эрдэс Холдинг, Вин Вин констракшн, Болор импекс ХХК-ууд, Горхийн баруун салаа, Өгөөмөр
16-23/IX Хан-Уул 10:30-18:00 9-р хороо Буянт-Ухаагийн 4-6-р гудамж, Бархүү, Кэй Си Би ХХК болон эдгээрийн ойр орчмоор
18-25/IX Налайх 08:30-20:00 Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, UB-2, Гацуурт, Талын сондор, Тэрэлж, Монгол алт, Лайт саунд, Тэлмэн кэмп, Ламиран дацан, Жавхлант ХХК-ууд, Иргэн Отгонбаяр болон эдгээрийн ойр орчмоор
19/IX Баянзүрх 11:00-17:30 20-р хороо Гачууртын төвийн урд хэсэг, Хуандай ам
Налайх 12:00-12:30 Городок, 337-р ЦА, Цэнгэг СӨХ, 153-р цэцэрлэг, МТ ШТС, Юнивишн, Скайтел, Аржанчивлан рашаан сувилал болон эдгээрийн ойр орчмоор
19-20/IX Налайх 09:30-17:00 Жавхлант, Тэрэлж, Тэрэлж жуулчин ХХК-ууд тэр орчмын хэрэглэгчид
20/IX Баянзүрх 11:00-17:00 11-р хороо Эмийн ургамлын 1-5, Усан сангийн 1-4-р гудамж, Ургах наран хороолол, Нью сервер, Харганат, Дэлхий Ази цогцолбор, Эрчим арт, Мобиком, Дөл түшиг, Хүү-Эрдэнэ, Мегавүүд ХХК-ууд, УСУГ-ын Завсрын усан сан, Бумбат, 284-р ЦА, Ногоон зоорь болон эдгээрийн ойр орчмоор
Баянгол 11:00-18:00 6-р хороо 10-р хороолол П.Н.Шастины нэрэмжит Улсын III төв эмнэлэг
21/IX Баянзүрх 11:00-17:30 11-р хороо Булгачин, Төр хурхын ам, Хонхор, 30, 66-р цэцэрлэг, 421-р ЦА, Хар үнэг, Үйлстэй, Энх сэржим ХХК-ууд
21-30/IX Сонгино хайрхан 11:00-18:00 7-р хороо 0119-р ЦА 2Т-7 болон эдгээрийн ойр орчмоор
22/IX Сүхбаатар 10:30-14:00 14-р хороо НӨХГ, Ану сервис ХХК, Хандгайтын 1, 2, 3, 30, 33, 36, 42, Хайлаастын 8, 13, 14, 20, 25, Рашаантын 5-15, Сургуулийн 44, 45-р гудамж
14:00-18:00 16-р хороо Ойчдын 1Т-31, Ойн задгай, Бэлхийн шинэ буудал, Бэлхийн 17, 26, 30, 33, 34, 35, 47-р гудамж, ШУТИС-ийн лаборатори, Ойн судалгаа хөгжлийн төв, Трийглобал Монголиа, Ватиканы сүм, Болор ану, Алтай холдинг, Батдэлгэрэх жим, Цэлмэг гүн, Гурман эрдэнэ, Болгоогч ХХК-ууд
23/IX Сүхбаатар 10:30-13:00 1, 15, 16, 17, 20-р хороо Бэлхийн 5, 7, 11, 30-37, 53, 54, Дамбадаржаагийн 23В, 23, 30, 80-р гудамж, Бэлх цуурайт, Хадат, Цолмонгийн амууд, Сэлбэ, Гүнж зуслан, Албан бус гэгээрэл хөгжлийн төв, 71, 58-р сургууль, 130, 166, 109-р цэцэрлэг, Дүүргийн Гал унтраах анги
Чингэлтэй 13:00-18:00 19-р хороо Тахилтын 1-4, Яргайтын 40-41-р гудамж
26/IX Баянзүрх 11:00-17:00 8, 12, 13-р хорооны Жанжны 7, 10, 19-25, Чулуун овооны 1-8, Улаанхуарангийн 1-5 гудамж, Алтан тэвш АОС-ууд, Техник форум, Монскан, МТ ШТС-98, Элмеко, Шим өгөөмөр, Миш Маш, Мобиком, Түмэн сант тэнгэр, Инкозон, Одод, Уянга, Сэрж интернэйшнл, Вэлл март ХХК-ууд, БЗД-ийн Нийтлэг үйлчилгээний газар, Ботаникийн хүрээлэн
26-27/IX Налайх 09:30-18:00 Нарны орон, Морьтон Шанкур, Шилийн булаг, Илд бамбай сервис, Бамбай ХХК-ууд, иргэн Александр, Жадамба болон эдгээрийн ойр орчмоор
26-30/IX Налайх 10:00-18:00 МСҮТ, Нисэхийн 5 давхар, УБЦТС ТӨХК-ийн Налайх түгээх төв, Аврах анги, Эрүүл мэндийн нэгдэл, Онцгой байдлын алба болон ойр орчмоор
27/IX Сүхбаатар 10:30-17:30 15, 17-р хороо Дээд Салхитын 1, 10, 11, 14, 37, Дамбадаржаагийн 7, 32, 35, 48, 53, 56, 59, 61, 63, 83, Доод Салхитын 3, Д/Д Эмнэлгийн 1-р гудамж, 155, 159, 175-р цэцэрлэг, 117-р сургууль, Ундрах-ирээдүй ББН, Дега Монгол ХХК
Чингэлтэй 19-р хороо Ар согоот, Банкны зуслан
28/IX Сүхбаатар 11:00-17:30 18-р хороо Шарга морьтын эцсийн буудал орчим, Оросын пионерийн зуслан /хуучнаар/, Модон заводын зуслан
29/IX Сүхбаатар 11:00-18:00 19-р хороо Хандгайтын богино, Янзага зуслан орчмоор
30/IX Баянзүрх 10:30-17:30 14-р хороо Халдварт өвчин судлалын үндэсний төв
Сүхбаатар 16:00-18:00 19-р хороо Хандгайтын богино, Хуурай мухар, Билгүүний энгэр орчмоор
Чингэлтэй 10:30-16:00 18-р хороо Гүнтийн зуслан
Сонгино хайрхан 11:00-18:00 19-р хороо 21-р хорооллын 8Б, В-р байр, Толгойтын 31-р гудамж, Гэгээн Мед оношлогоо, эмчилгээний төв, Дүүргийн нэгдсэн эмнэлэг, Зиллион ХХК болон эдгээрийн ойр орчмоор

“УЛААНБААТАР ЦАХИЛГААН ТҮГЭЭХ СҮЛЖЭЭ” ТӨХК

Энэ оны эхний найман сарын байдлаар улсын хэмжээнд зам тээврийн ослын улмаас 37 хүүхдийн амь нас хохирч, 154 хүүхэд хүн хөнгөн гэмтжээ. Энэ тоог өнгөрсөн оны мөн үетэй харьцуулахад амь нас нь хохирсон хүүхдийн тоо 7.5 хувиар буурсан хэдий ч гэмтсэн хүүхдийн тоо 4,1 хувиар өссөн үзүүлэлттэй аж.

Реалити шоуны од руу гурил цацжээ