УИХ-ын анхдугаар чуулганыг маргааш буюу долдугаар сарын 5-ний 11.00 цагт хуралдуулах зарлигийг Монгол Улсын Ерөнхийлөгч Ц.Элбэгдорж өнгөрсөн долоо хоногт гаргасан.



Анхдугаар чуулганаар түр үнэмлэх авсан 76 гишүүн тангарагаа өргөх юм. Ингэснээр тэдний УИХ-д суух эрх нь баталгаажна. Мөн 2012-2016 онд ажилласан УИХ-ын бүрэн эрхийн хугацаа дуусах юм.

10:00 цагт: Цэргийн госпитал буюу Батлан хамгаалах хууль сахиулах алба хаагчдын нэгдсэн эмнэлэг шинэ цогцолбор барилгадаа шинэ тоног төхөөрөмжтэйгээр үйл ажиллагаагаа явуулж эхэллээ. Цогцолборын нээлт өнөөдөр болно. /Госпиталын ард/

11:00 цагт: Хүн амын хөгжил, нийгмийн хамгааллын яам, Хөгжлийн бэрхшээлтэй Эмэгтэйчүүдийн Эрхийн Үндэсний төв хамтран ”Гэрлээс гэрэлд” бага хурлыг ХАХНХЯ-ны 10-р давхарын хурлын танхимд зохион байгуулна.

11:00 цагт: Үндэсний баяр наадмын Хурдан морины салбар хорооноос хэвлэлийн бага хурал зарлалаа. Хаана: Батлан хамгаалах яам


12:00 цагт: АСЕМ-ын дээд түвшний XI уулзалтын дагалдах хурлуудын нэг болох АСЕМ-ын Залуучуудын Чуулган долдугаар сарын 6-10-ны өдрүүдэд Улаанбаатар хотноо зохион байгуулагдах гэж байна. Тус чуулганы бэлтгэл ажил, зохион байгуулалтын талаар МЗХ-с мэдээлэл өгнө. Хаана: АСЕМ-ын мэдээллийн төв

14:00 цагт: Гадаад хэргийн яамны ”Мэдээллийн цаг” хурал болно. Гадаад хэргийн сайд Л.Пүрэвсүрэн хуралд оролцож цаг үеийн чухал асуудлуудаар мэдээлэл өгөх юм. 2016.07.16-17-ны өдрүүдэд АСЕМ-ын дээд хэмжээний хурал болохтой холбогдуулан манай улсад олон улс орны төрийн өндөрлөгүүд айлчлах юм. Энэ бүх айлчлалын талаар болон бусад чухал асуудлаар мэдээлэл хийнэ.

2016 оны 07 дугаар сарын 06-наас 07 дугаар сарын 10-ныг хүртэлх

цаг агаарын урьдчилсан төлөв:



6,7-нд баруун аймгуудын баруун хэсгээр түр зуурын бороо, 8-нд баруун аймгуудын нутаг, төвийн аймгуудын баруун хэсгээр, 9-нд баруун болон төвийн аймгуудын нутгаар бороо орно. Дуу цахилгаантай. Борооны өмнө салхи түр зуур ширүүснэ. Алтай, Хангай, Хөвсгөлийн уулархаг нутгаар шөнөдөө 10-15 градус, өдөртөө 22-27 градус, Их нууруудын хотгор, Орхон-Сэлэнгийн сав газар, говийн бүс нутаг болон Дорнод, Дарьгангын тал нутгаар шөнөдөө 20-25 градус, өдөртөө 35-40 градус, бусад нутгаар шөнөдөө 15-20 градус, өдөртөө 29-34 градус дулаан байна. 8-нд баруун аймгуудын нутгаар, 9-нд нутгийн баруун хагаст сэрүүснэ.

Өдрийн сайн цаг нь хулгана, үхэр, туулай, морь, бич, тахиа болой

2016 оны 07 дугаар сарын 04-ний 21 цагаас 07 дугаар сарын 05-ны 21 цаг

хүртэлх цаг агаарын урьдчилсан мэдээ:



БАРУУН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр түр зуурын бороо орно. Дуу цахилгаантай. Өдөртөө бороо орохгүй. Салхи баруун өмнөөс секундэд 5-10 метр. Алтай, Хангайн уулархаг нутгаар шөнөдөө 9-14 градус, өдөртөө 25-30 градус, Алтайн өвөр говиор шөнөдөө 20-25 градус, өдөртөө 34-39 градус, бусад нутгаар шөнөдөө 14-19 градус, өдөртөө 28-33 градус дулаан байна.



ТӨВИЙН АЙМГУУДЫН НУТГААР: Үүлшинэ. Нутгийн хойд хэсгээр түр зуурын бороо орно. Дуу цахилгаантай. Салхи баруун өмнөөс секундэд 4-9 метр, өдөртөө секундэд 12-14 метр хүрч ширүүснэ. Хангай, Хөвсгөлийн уулархаг нутгаар шөнөдөө 8-13 градус, өдөртөө 23-28 градус, Орхон-Сэлэнгийн сав газраар шөнөдөө 16-21 градус, өдөртөө 31-36 градус, бусад нутгаар шөнөдөө 13-18 градус, өдөртөө 27-32 градус дулаан байна.



ЗҮҮН АЙМГУУДЫН НУТГААР: Солигдмол үүлтэй. Нутгийн хойд хэсгээр түр зуурын бороо орно. Дуу цахилгаантай. Салхи баруун өмнөөс секундэд 6-11 метр. Шөнөдөө 16-21 градус, өдөртөө 33-38 градус дулаан байна.



ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө бороо орохгүй. Өдөртөө түр зуурын бороо орно. Дуу цахилгаантай. Салхи баруун өмнөөс зүүн хойш эргэж секундэд 6-11 метр. Шөнөдөө 16-18 градус, өдөртөө 33-35 градус дулаан байна.

ГОВИЙН АЙМГУУДЫН НУТГААР: Үүлшинэ. Бороо орохгүй. Салхи баруун өмнөөс секундэд 4-9 метр, өдөртөө зарим газраар секундэд 12-14 метр хүрч ширүүснэ. Шөнөдөө 19-24 градус, өдөртөө 33-38 градус дулаан байна.



УЛААНБААТАР ХОТ: Үүлшинэ. Шөнөдөө түр зуурын бороо орно. Өдөртөө бороо орохгүй. Салхи баруун өмнөөс секундэд 4-9 метр. Шөнөдөө 17-19 градус, өдөртөө 29-31 градус дулаан байна.

Засгийн газрын хүндэт өргөмжлөлөөр зарим хүнийг шагналаа

Хорват улстай харилцаа, хамтын ажиллагааг өргөжүүлнэ

нэ үеэр Хууль зүйн байнгын хорооны хуралдаан дээр үг хэлсэн МАН-ын бүлгийн дарга С.Бямбацогт тэдэнд хандан тахимаа өгч сурахыг сануулсан юм. Тэрээр ”Та бүхэн сонгуулийн хууль алдаатай байсан гэж яриад байх шиг байна. Гэтэл өнөөдөр сонгуулийн хуулийг хэн баталсан билээ. Олонх байсан та бүхэн баталсан. Өнөөдөр сонгуулийг хэн зохион байгуулсан билээ, та бүхний томилсон төрийн албан хаагчид зохион байгуулж ажилласан. Сонгуулийн хуульд аливаа маргаан зөрчлийг нэг сарын хугацаанд шийдвэрлэхээр заасан. Зөрчил байвал хууль хяналтын байгууллага шалгаж тогтоох ёстой. Ийм байхад та нар 76-уулаа хууль зөрчсөн мэтээр нийгэмд буруу ойлголт өгөх гээд байх шаардлагагүй. Төрийн үйл ажиллагааг гацаах гэж байгаагаа боль. Тахимаа өгч сур. ”Ард түмэн яагаад АН-д саналаа өгсөнгүй вэ, юунаас болов” гээд үйл ажиллагаандаа дүгнэлт хий. Ард иргэд та бүхний энэ хууль бус үйлдэлд дургүйцэж байна” гэлээ.

Боловсрол, соёл, шинжлэх ухааны яам, “Модерн экспо” агентлагаас хамтран жил бүр уламжлал болон зохион байгуулдаг “Шинэ элсэлт-шилдэг боловсрол 2016” үзэсгэлэн яармаг Соёлын төв өргөөний Уран зургийн галерейн үзэсгэлэнгийн танхимд өнөөдөр нээгдлээ.

Турк улсын зүгээс Газын зурвасын ард иргэдэд зориулан илгээсэн 10000 тонн орчим хүмүүнлэгийн тусламжийн бараа бүхий хөлөг онгоц ням гаригт Израилийн Ашдод боомтод хүрэлцэн ирсэн байна. Хоёр улсын харилцаа сүүлийн 6 жилийн турш муудсан байдалтай үргэлжилсэн бөгөөд өнгөрсөн долоо хоногт талууд харилцаагаа эргэн сэргээж, хэвийн болгохоор тохиролцсоны дараагаар ийнхүү Туркийн ”Леди Лейла” хөлөг онгоц хоол хүнс, хувцас, гутал, хүүхдийн тоглоом гэх зэрэг олон нэр төрлийн хүмүүнлэгийн тусламжийн барааг Израильд хүргэж ирээд байгаа энэ юм.

Үндэсний их баяр наадмыг зохион байгуулах хороо хуралдлаа

Их дээд сургуулийн 2016-2017 оны элсэлтийн ерөнхий шалгалт болж өнгөрсөн долоо хоногт дүнг нь танилцуулсан бөгөөд ЭЕШ-ын элсэгчид суралцахыг хүссэн сургуулиуддаа бүртгүүлж байгаа.

БСШУ-ны яамнаас аймгуудыг элсэлтийн ерөнхий шалгалтад үзүүлсэн амжилтын дунджаар нь жагсаажээ. Энэ жилийн элсэлтийн ерөнхий шалгалтыг 37203 залуус өгсөн бөгөөд Дорнод аймаг тэргүүлж Өмнөговь аймаг сүүлийн байрт жагссан байна.

Өнгөрсөн долоо хоногийн баасан гаригт Бангладешийн нийслэл Дакка хотын ресторанд гарсан террорист халдлагын талаар ням гаригт тус улсын Дотоод яамнаас мэдэгдэл хийсэн байна. Уг мэдэгдэлд халдлагыг үйлдсэн этгээдүүд ”байлдагчид” байгаагүй бөгөөд бүгд Бангладеш улсын иргэд байсан талаар дурьдсан байна. Дотоод яамны төлөөлөгч Асадуззаман Хан Камал Дакка хотын эмнэлэгт сэтгүүлчдэд хандан дээрх мэдэгдлийг хийсэн бөгөөд халдлагыг үйлдэгчдийн дунд гадаад улс орны иргэн байгаагүй гэжээ. Тус улсын Засгийн газрын зүгээс баасан гаригт гарсан халдлагыг Исламын Улс бүлэглэл үйлдсэн гэдгийг үгүйсгэсэн байна. Эргэн сануулахад хэрэг явдал орон нутгийн цагаар баасан гаригийн шөнө эхэлж, бямба гаригийн өглөө өндөрлөсөн бөгөөд халдлагын улмаас 28 хүн амь үрэгдсэний дотор халдлагыг үйлдсэн 6 этгээд болон мөн гадаад улс орны иргэд ч багтаж байгаа юм

Монгол Улс одоогийн байдлаар Бүгд Найрамдах Солонгос Улс, Бүгд Найрамдах Хятад Ард Улс, Канад Улс, Оросын Холбооны Улс, Бүгд Найрамдах Польш Улс, Бүгд Найрамдах Турк Улс болон Бүгд Найрамдах Куба Улс, Бүгд Найрамдах Энэтхэг Улс, Хятад Ард Улсын Засаг захиргааны онцгой бүс Хонконг зэрэг 9 улстай ялтан шилжүүлэх гэрээ байгуулаад байна.

Ц.Элбэгдорж: Монгол Улс цаашдаа Ази, Европын ард түмний чуулга уулзалтад улам идэвхтэй оролцоно

Толгойтын замыг өргөтгөн шинэчилж байгаатай холбогдуулан нийтийн тээврийн чиглэлд өөрчлөлт орлоо

Өнгөрсөн жилээс эхлээд “Нийтээр тэмдэглэх баярын болон тэмдэглэлт өдрүүдийн тухай” хуульд өөрчлөлт орж иргэд Үндэсний их баяр наадмаар тав хоног амардаг болсон.

Ростех болон Монголын Зэс Корпораци ХХК-иуд 2016 оны 06 дугаар сарын 24-ний өдөр Орос-Монголын хамтарсан хоёр уул уурхайн компани (Эрдэнэт үйлдвэр ХХК болон Монголросцветмет ХХК)-иуд дахь Ростехийн эзэмшлийн 49 хувийн хувьцааг Монголын Зэс Корпораци ХХК-д худалдах гэрээнд гарын үсэг зурав.
Хэлцэл нь бүрэн дуусгавар болж Ростех төлбөрөө хүлээн авлаа.
Энэхүү хэлцэл нь Монгол, Оросын талуудын эрх ашигт бүрэн нийцтэй байхын зэрэгцээ зах зээлийн нөхцөлд суурилсан байна. Уг хэлцлийг хийхийн тулд хоёр компанийн 49 хувийг төлөөлөх хувьцааг зах зээлийн нөхцөл байдал, компаниудын хөрөнгийн чанар, цаашид хөгжүүлэх боломж зэргийг харгалзан үзсэний үндсэн дээр үнэлжээ. Хувьцаа худалдах, худалдан авах гэрээний гол нөхцөлд олон улсын аудит, зөвлөхүүд хөндлөнгийн үнэлгээ өгсөн байна.
Улс төрийн хувьд Эрдэнэт үйлдвэр ХХК болон Монголросцветмет ХХК дахь Оросын талын хувьцааг Монголын зэс корпораци ХХК-д худалдах ажиллагааны талаар ОХУ-ын Засгийн газар болон Монгол Улсын Засгийн газрын холбогдох шийдвэрүүд гарсан бөгөөд корпорацийн түвшинд Ростехийн удирдах зөвлөл, Хяналтын зөвлөлийн шийдвэрүүд тус тус гарсан болно. Хэлцэл нь Орос, Монголын эдийн засгийн хамтын ажиллагааг цаашид хөгжүүлэхэд онцгой ач холбогдолтойн зэрэгцээ хоёр орны улс төрийн харилцааг улам илүү батжуулах нэгэн хөшүүрэг болох юм.
Ростехийн хувьд дээрх компаниуд (Эрдэнэт үйлдвэр ХХК болон Монголросцветмет ХХК) дахь өөрийн эзэмшлийн 49 хувийг худалдан мөнгөжүүлэх шийдвэр нь корпорацийн өөрийн хөрөнгийг нэмэгдүүлэх болон 2025 он хүртэлх корпорацийн хөгжлийн стратегийн хүрээнд хэрэгжүүлэх хэд хэдэн төсөл хөтөлбөрийг санхүүжүүлэх эх үүсвэрийг төвлөрүүлэхэд оршино.
Монголын Зэс Корпораци ХХК-ийн зөвлөхөөр олон улсын Скадден хууль зүйн фирм ажилласан бол Ростехийн хуулийн зөвлөхөөр Бэйкер энд М тус тус ажиллажээ.
Ростехийн Ерөнхий захирал Сергей Чемезов: “Эрдэнэт үйлдвэрийн 49 хувийг худалдах хэлцлийн гол суурь нь бид өөрийн уул уурхайн компаниудыг зөв удирдах, Ростехийн стратеги, төлөвлөлтөд нийцүүлэн өөр төрлийн хөрөнгөнд тохирсон менежментийг хэрэгжүүлэх юм. Эрдэнэт үйлдвэр ХХК болон Монголросцветмет ХХК-ийн 49 хувийг худалдсан нь өнөөгийн нөхцөлд хийсэн Ростехийн хамгийн том хэлцэл бөгөөд үүний дүнд манай компанийн төсөвт нэг дор хамгийн их бэлэн мөнгө орж ирсэн тохиолдол болов. Уул уурхайн компаниудын хувьцааг 100 хувь авснаар Монголын тал дээрх компаниудыг цаашид өөрсдийн корпорацийн стратегийн дагуу хөгжүүлэх боломж бүрдлээ. Бид энэхүү хэлцэл нь цаашид Монголын эдийн засагт хөрөнгө оруулалт хийх шинэ боломжуудыг нээсэн үйлдэл бөгөөд хоёр орны улс төрийн хамтын ажиллагааг илүү батжуулна гэдэгт бүрэн итгэлтэй байна. Ростех нь цаашид Монголын цахилгаан эрчим хүч үйлдвэрлэл, литиум олборлолт, тээвэр ложистик болон бусад дэд бүтцийн салбарт хөрөнгө оруулалт хийж, өөрийн байр сууриа өргөжүүлэхэд бэлэн байна.
Манай корпорацийн менежментийн бодлогын дагуу уг хоёр компанийн 49 хувийг удирдах ажлыг Ростех Бизнес Девелопмент хариуцан гүйцэтгэдэг байсан. Ростех Бизнес Девелопмент компани нь Эрдэнэт үйлдвэр болон Монголросцветметийн хувьцаа эзэмшигчийн хувиар цогц арга хэмжээ авч хэрэгжүүлэх ажлын хүрээнд өртөг, зардлыг бууруулах, үйлдвэрлэлийн үр ашгийг нэмэгдүүлэх, менежментийн зардлыг зөв хуваарилах болон компанийн засаглалыг олон улсын жишигт нийцүүлэх зэрэг хямралын эсрэг чиглэсэн олон арга хэмжээг авсан билээ” хэмээн тэмдэглэв.
РТ Бизнес Хөгжил ХХК-ийн Гүйцэтгэх захирал Андрей Коробовын цохон тэмдэглэснээр “Ростех болон Монголын зэс корпорацийн хооронд зурсан гэрээ нь Эрдэнэт үйлдвэр ХХК, Монголросцветмет ХХК-ийн хувьцааны үнэ цэнийг тогтоогоод зогсохгүй, Оросын талын хувьцаа эзэмшигч Ростехийн хөрөнгийг зах зээлийн түвшинд нийцүүлэн мөнгөжүүлсэн томоохон жишээ болов. Уг компаниудын санхүү, аж үйлдвэрийн чадавхыг сайжруулах зорилгоор РТ Бизнес Хөгжил ХХК-ийн санаачлан боловсруулсан стратеги, цогц арга хэмжээнүүд нь хувьцааг хоёр талын эрх ашигт нийцсэн нөхцөлийн дагуу худалдах боломжийг бүрдүүлсэн. Түүнээс гадна энэ хэлцэл нь аливаа хөрөнгийг зөв зохистой удирдаж хувьцаа эзэмшигчийн үр ашгийг нэмэгдүүлэх ажиллагааны жишээ болсны зэрэгцээ бусад олон салбарт аливаа хөрөнгийг худалдах, хувьчлахаас өмнө хэрэгжүүлж үнэ цэнийг нэмэгдүүлж болох арга хэмжээ болсныг тэмдэглэх хэрэгтэй. Энэхүү моделийг бусад хөрөнгүүдэд мөн ашиглаж болох бөгөөд ингэснээр корпораци нь өөрийн хөрөнгө оруулалтын төлөвлөгөөнд тусгасан төсөл, хөтөлбөртөө санхүүгийн эх үүсвэрийг бүрдүүлэх боломжийг олгох юм”.
“Ростех улсын корпораци” нь иргэний болон цэргийн зориулалтаар өндөр технологи, аж үйлдвэрийн бүтээгдэхүүн хөгжүүлэх, үйлдвэрлэх, экспортлох зорилгоор анх 2007 онд байгуулагдсан. Тус корпораци нь нийт 663 аж ахуйн нэгжүүдээс бүрддэг. Тэдгээрийн 9 компани нь толгой компанийн хувиар цэрэг, аж үйлдвэрийн салбарт ажиллаж байгаа бөгөөд 6 компани нь иргэний зориулалттай бүтээгдэхүүн үйлдвэрлэх салбарт үйл ажиллагаа явуулдаг бол 32 компани Ростехийн шууд удирдлагад байдаг. Ростехийн мэдлийн олны танил болсон брендүүдэд Автоваз, Камаз, Оросын Нисдэг тэрэг, VSMPO-AVISMA багтана. Ростехийн салбар компаниуд ОХУ-ын 60 бүс нутагт үйл ажиллагаагаа явуулж, 70 гаруй орон руу бүтээгдэхүүнээ экспортолж байна.
“РТ Бизнес хөгжил” ХХК нь санхүү, аж үйлдвэрийн компани, төслүүдийг удирдан явуулахаар 2014 онд Ростехээс байгуулсан тусгай компани юм. РТ Бизнес хөгжил ХХК-ийг байгуулах гол шалтгаан нь Ростехийн гол үр ашигтай салбарт ажиллаж байгаа компаниудыг мэргэжлийн хөрөнгийн удирдлагаар хангах, олон төрлийн санхүүгийн хэрэгслийг ашиглах байв. РТ Бизнес хөгжил ХХК нь голлон инноваци, өндөр технологи (харилцаа холбоо, электроник, мэдээллийн технологи болон бусад аж үйлдвэрийн бүтээгдэхүүний үйлдвэрлэл) болон бусад уламжлалт салбарт (ашигт малтмал, тээвэр ложистик, дэд бүтэц) ажилладаг. РТ Бизнес хөгжил ХХК нь РТ Глобал Ресурсис ХХК-ийн 100 хувийн хувьцааг эзэмшдэг бол Ростех нь РТ Бизнес хөгжил ХХК-ийн 100% хувьцааг тус тус эзэмшдэг.
“Монголын Зэс Корпораци” ХХК нь Монгол Улсын дотоодын 100 хувийн хөрөнгө оруулалттай компани юм.
“Эрдэнэт үйлдвэр” ХХК нь анх 1978 онд хоёр орны Засгийн газрын хэлэлцээрээр байгуулагдсан. Эрдэнэт үйлдвэр нь Ази тив дэх хамгийн том зэс, молибден олборлох, боловсруулах үйлдвэр бөгөөд жилдээ 26 сая тонн хүдэр боловсруулж 530,000 тонн зэсийн баяжмал, 4,500 орчим тонн молибдены баяжмал үйлдвэрлдэг.
“Монголросцветмет” ХХК нь анх 1973 онд хоёр орны Засгийн газрын хэлэлцээрээр байгуулагдсан. Тус компани нь Бор-Өндөр сумын (12,000 орчим хүн амтай) гол аж ахуйн нэгж бөгөөд жонш, алт, төмрийн хүдэр олборлож, боловсруулах үйл ажиллагаа явуулдаг.

2016 он

Улсын хэмжээнд он гарсаар хачигт халдварын 485 тохиолдол бүртгэгджээ. Үүнээс 181 тохиолдол нь батлагдаад байна. Энэ нь олон жилийн дундажтай харьцуулахад хоёр дахин өссөн үзүүлэлт юм байна. Урин дулааны улирал, иргэдийн ээлжийн амралт эхэлсэн тул хөдөө нутгаар амарч, зугаалж ойт хээрээр аялах нь ихэсдэг. Харин энэ үед ойн болон бэлчээрийн хачигны идэвхжил давхацдаг аж.

З.Энхболд: Маргааш анхдугаар чуулган хийх нь зохимжгүй байна