Оюуны Өмч Улсын бүртгэлийн Ерөнхий газар, БНСУ-ын Соёл, спорт, аялал жуулчлалын яамны харьяа Зохиогчийн эрхийн комисстой хамтран ажиллах санамж бичигт гарын үсэг зурлаа.

Нижгэнэсэн алга ташилт уртын урт үргэлжилнэ. Хэзээ ч дуусашгүй мэт. Энэ урт, бас чанга алга ташилтыг дуусахыг хүлээн тайзан дээр хөгжимчид, бас удирдаачид зогсоцгооно. Үзэгчдэд сэтгэлийн таашаал, цэнгэл эдлүүлсэндээ түүний хариуд ийнхүү алга ташилтаар шагнуулсандаа уран бүтээлчид бахдалтай мишээж харагдлаа.

Монгол ардын үлгэр домгоос сэдэвлэн зохиолч С.Эрдэнэ, Германы зохиолч Курт Бортфелд нар кино зохиолыг бичиж Монгол-Германы найрамдалт харилцааны илэрхийлэл болгон хоёр орны уран бүтээлчдийн хамтаар 1961 онд бүтээсэн “Алтан өргөө” киноны хөгжмийг бүрэн эхээр нь 23 жилийн дараа тоглож сонордуулсан нь энэ юм. Улсын Филармонийн тоглолт нас насныханд зориулагдаж чаддаг аж. Өмнө нь миний үзсэн дэлхийн сонгодог хөгжмийн тоглолтын үзэгчдээр залуучууд голдуу байсан бол өнөөдрийн монгол киноны дуу хөгжмөөс толилуулах “Алтан өргөө” тоглолтын танхимыг буурлууд, симфони найрал хөгжмийн үе үеийн түүхийг бичилцсэн ахмад уран бүтээлчид, гавьяат жүжигчин З.Жарантав,хөдөлмөрийн баатар, ардын жүжигчин Б.Зангад тэргүүтэй ахмадууд болон дүрүүдээрээ сэтгэлд хоногшсон алтан үеийн жүжигчид дүүргэжээ.

Энэхүү тоглолтыг Монгол Улсад Симфони найрал хөгжим үүсч хөгжсөний 60 жилийн ойд зориулан тоглолоо. Тоглолт хоёр хэсгээс бүрдсэн бөгөөд эхний хэсэг нь монгол киноны хөгжмөөс, хоёрдугаар хэсэг нь монгол киноны дуунаас бүрдсэн юм. Дуучин Ц.Хулан, П.Өнөр жаргал, Б.Дэлгэр баяр, Т.Отгонбаяр, С.Ням баяр, Б.Хонгор, Б.Амаржаргал нар дуунуудыг үзэгчдийн хүртээл болголоо.

Энэ үеэр соёлын гавьяат зүтгэлтэн удирдаач Н.Туулайхүү “Алтан өргөө” хөгжмийн зохиолч Л.Мөрдорж тухайн үеийн киноны хөгжмийг Германд Герман оркестр тоглож бичүүлсэн байсан юм. Өнөөдөр энэ тайзан дээрээс, ахмад үеийн олон сайхан уран бүтээлчидтэйгээ нэг танхимд сэтгэлд хоногшсон кинонуудынхаа аяыг сонсох сайхан байна” хэмээлээ.

http://www.parliament.mn/pages/livetv

Төр зардлыг нь хариуцан хийх анхны мэс засал хийгдэнэ
Өмнөх сард Эрүүл мэндийн сайдын санаачилгаар “Эрхтэн шилжүүлэн суулгах (элэг, бөөр, ясны чөмөг) мэс заслын зардлыг төрөөс хариуцуулах” асуудлыг ЗГ-ын хуралдаанаар хэлэлцүүлэн шийдвэрлүүлсний дагуу анхны элэг шилжүүлэн суулгах хагалгааг 5 дугаар сарын 12-ны өдөр иргэн Ш.Мөнхжаргалд хийхээр боллоо.

Иргэн Ш.Мөнхжаргал 2016 онд элэгний хорт хавдартай гэж оношлогдон хагалгаанд орох болж, байр, машинаа зарж, таньдаг мэддэг бүхий л хүмүүсээсээ хандив тусламж гуйн хагалгааны мөнгөө цуглуулсан хэдий ч хагалгаандаа хүрэлцэхгүй өнөөдрийг хүрсэн бөгөөд одоогоор айлын гэр түрээслэн амьдарч байгаа аж. Мөн түүний донорыг олох шинжилгээнд ураг төрлийн хүмүүс нь орсноос, зөвхөн нөхрийнх нь таарч нэг гэр бүлийн хоёр хамт хагалгаанд орох болсон байна. Ингээд гэрт ажил хийх хүнгүй санхүүгийн өндөр эрсдэлд орж явтал, элэг үнэгүй шилжүүлэх болсон баярт мэдээг дуулаад итгэж ядаж байснаа ярьсан юм.
Тэрээр элэг шилжүүлэн суулгах мэс заслыг үнэгүй болгох шийдвэрийг гаргаж, иргэдийнхээ нуруун дээрх санхүүгийн хүнд ачааг үүрэлцэх шийдвэр гарагсан Засгийн газар болоод МУ-ын Ерөнхий сайд Ж.Эрдэнэбат, Эрүүл мэндийн сайд А.Цогцэцэг нартаа маш их талархаж байгаагаа хувиасаа болон ах, дүү нарынхаа өмнөөс илэрхийлээд, өдий болтол эмчилж, эрүүл саруул авч яваа эмч нартаа талархаж байгаагаа хэллээ.
Манай улс элэг шилжүүлэн суулгах мэс заслыг 85 сая төгрөгийн өртөгтэйгөөр хийж ирсэн бөгөөд цаашид үүнийг төрөөс хариуцдаг болж байна. Жилд дунджаар 30 орчим хүн санхүүгийн болон донорын хүртээмжгүй байдлаас болж элэг шилжүүлэн суулгах мэс засалд орж чадахгүй хүлээгдэж байгаа юм.
Өнөөдрийн байдлаар элэгний хорт хавдар нас баралтын тэргүүлэх шалтгаан болж, нийт нас баралтын 15 хувийг эзэлж байна. Өөрөөр хэлбэл элэгний хорт хавдар, хатуурлын улмаас манай улсад жилд дунджаар 2600 хүн нас барж байгаа нь дэлхийн дунджаас зургаа дахин их гэсэн үг юм. Дэлхийн эрүүл мэндийн байгууллагатай хамтарч хийсэн түүвэр судалгаанаас үзвэл манай улсад хепатитийн В, С вирүсийн архаг халдвараар 400 мянга орчим хүн өвчилсөн ба үүнээс 30 мянга орчим нь элэгний хатууралтай байх магадлалтай байна.

БНХАУ-ын ӨМӨЗО-ны Эрээн хот, Дорноговь аймгийн хамтын ажиллагааны хүрээнд орон нутгийн жижиг, дунд үйлдвэр эрхлэгчдийн бараа бүтээгдэхүүн, ажил үйлчилгээг сурталчлах, борлуулалтыг нэмэгдүүлэх, өрсөлдөх чадвартай импортыг орлох, экспортын баримжаатай дотоодын үйлдвэрлэлийг нэмэгдүүлэхэд чиглэсэн дэвшилтэт техник, технологи, туршлага судлуулах хөрөнгө оруулах, аялал жуулчлалыг хөгжүүлэх зорилгоор дөрөвдүгээр сарын 23, 24-ний өдрүүдэд Дорноговь аймгийн “Соёл, Аялал жуулчлалын өдөрлөг” Эрээн хотод боллоо.



Өдөрлөгийн үйл ажиллагаанд Сайншанд, Замын-Үүд, Эрдэнэ, Улаанбадрах, Дэлгэрэх зэрэг сумын 60 гаран жижиг дунд бизнес эрхлэгчид мах, махан бүтээгдэхүүн, цагаан идээ, арьс ширэн эдлэл, үндэсний хувцас болон ноос ноолууран бүтээгдэхүүн, бэлэг дурсгал, уран зураг, сийлбэр, монгол гэр зэрэг олон бүтээгдэхүүнээр оролцож, жижиг, дунд бизнес эрхлэгчдэд энэхүү үзэсгэлэнгээр 40 орчим сая төгрөгийн борлуулалт хийсэн юм. Харин аялал жуулчлалын компани, зочид буудал, ресторан, Бүрдэнэ булаг, Халзан уулын амралтын газар зэрэг 20 гаруй байгууллагуудын төлөөлөл өөрсдийн үйл ажиллагаагаа сурталчлан танилцууллаа. Ирэх есдүгээр сард Дорноговь аймаг хамтын ажиллагаатай Бугат хотод энэ чиглэлийн өдөрлөгийг зохион байгуулахаар төлөвлөж байна.

Ээж болно гэдэг эмэгтэй хүн бүрийн амьдралдаа туулдаг амаргүй хэдий ч хамгийн их аз жаргалыг авчирдаг зүйлсийн нэг билээ. Уг нь бол насанд хүрсэн буюу 18 нас хүрсэн эмэгтэйг ээж болоход бэлэн болсон гэж үздэг жишиг бий. Гэсэн ч сүүлийн жилүүдэд төрж буй эмэгтэйчүүдийн нас улам бүр залуужиж, 14 настай охид төрсөн тохиолдол хэд хэдэн удаа гарсан. Гэвч тэртээ 1930 – аад онд Лина Медина гэх 5 настай Перу охин ээж болж байсан нь шинжлэх ухааны түүхэнд байж боломгүй ховор үзэгдэл болсон юм.



Лина Медина 1933 оны 9 – р сарын 27 – нд Перугийн Текрапо гэдэг газар мэндэлжээ. Уулсаар хүрээлэгдсэн ядуу тосгон тэр үед ердөө 7400 орчим оршин суугчтай байв. Лина Медина охин Тибурело Медина, Викториа Лосеа нарын 9 хүүхдийн нэг байжээ.



Лина Медина охиныг 2 нас 6 сартай байхад анх сарын тэмдэг ирж байсан гэдэг. Эцэг эх нь гайхаж байсан ч нэг их ач холбогдол өгсөнгүй. Харин 5 настай байхад нь гэдэс нь хурдацтай томорч байгааг анзаарав. Тосгоны лам бөө нар дээр очиж сүсэглэн залбирсан ч охины гэдэс улам томорсоор л байв.



Тухайн үед нарийн оношилгооны багаж хэрэгсэл байгаагүй тул эцэг эх нь охиныхоо гэдсийг хавдар гэж эндүүрэхэд хүрсэн байна. Улмаар өөрөө тэгж байгаад эдгэрэх байх хэмээн хэсэг харзнажээ. Гэсэн ч нөхцөл байдал улам бүр хүндэрсээр байгааг мэдсэн эцэг эх хоёр нь охиноо аваад хот орохоор шийдэв. Хачирхалтай нь эмнэлэгт үзүүлэхэд ямар нэг хорт хавдар биш бөгөөд тэдний охин 7 сартай жирэмсэн болохыг хэлжээ.



Тэнд байсан эмч нар бүгд гайхширж, дахин дахин нягталж үзсэн ч яах аргагүй жирэмсэн болох нь батлагдав. Охины биед шинжилгээ хийхэд бие махбодь нь эмэгтэй хүний хувьд бүрэн боловсорсон байсан нь тогтоогджээ. Гэсэн ч таван настай охины эрүүл мэнд өндөр эрсдэлд байна хэмээн үзэж нэн даруй эмнэлэгт хэвтүүлсэн байна. Эмнэлэгт хэвтэж байх хугацаанд эмч нар түүний биеийн байдлыг байнга шалгаж, нарийн хяналтан доор ажиглаж байв.



Сар хагасын дараа буюу 1939 оны 5 – р сарын 14 – ний өдөр Лина Медина охин төржээ. Эмч нар санаа зовж байсан ч түүнээс эрүүл саруул хүү мэндлэв. Хүүг эх барьсан эмчийнх нь овгоор буюу Жерардо гэж нэрлэжээ.



Жерардо хүү төрсөн эхийгээ өөрийн эгч хэмээн бодож өссөн байна. Гэсэн ч 10 нас хүрэхэд нь үнэнийг хэлж өгчээ.



Медина охин болон түүний гэр бүлийнхэн охиныг жирэмслүүлэн хүний талаар огт дурсаагүй ажээ. Гэсэн ч олон нийтийн шахалтаар орон нутгийн цагдаа нар хэрэг үүсгэж шалгаж эхэлсэн байна. Хамгийн түрүүнд охины аавыг сэжигтнээр татан байцаалт авч, мөрдлөг хийсэн ч хангалттай нотолгоо олдоогүй ажээ.



Жерардо хүү энх тунх амьдарч байгаад 40 насандаа буюу 1979 онд нас баржээ. Харин түүний ээж Медина эмнэлэгт ажиллаж байгаад сүүлд Раул гэх эртэй гэрлэсэн байна. 1972 онд Раулын анхны, өөрийнхөө хоёр дахь хүүг эсэн мэнд төрүүлэв. Лина Медина 2015 оны байдлаар Перугийн нийслэлд амьдарч байжээ. Түүнтэй холбогдсон сэтгүүлчдэд байнга татгалзсан хариу өгдөг бөгөөд өөрийнхөө амьдралын талаар хэзээ ч ярилцлага, тайлбар өгч байгаагүй юм.

Өнгөрсөн гуравдугаар сард Ховд аймгийн Манхан сумын малчин Х.Нямсүрэнгийн хотонд ингэ ихэрлэсэн бол Үенч сумын “Цагаан түнгэ” сумын

НМХГ-ын улсын байцаагчид барилгын материалуудад хяналт шалгалт хийж байна. Шалгалтын үеэр ил задгайгаар

НМХГ шатахуун түгээх станц, шингэрүүлсэн шатдаг хийгээр автомашин цэнэглэдэг станцуудад шалгалт хийжээ.

Монгол Улсын Засгийн газраас баталсан ”Алт-2” үндэсний хөтөлбөрийн хүрээнд санхүүгийн дэмжлэг авах хүсэлтэй аж ахуйн нэгжүүдэд зээл олгох асуудал шийдэгдсэн тул эдгээр аж ахуйн нэгжүүд Хөгжлийн банкинд хандаж хүсэлтээ гаргана уу.

Монгол Улсын Хөгжлийн банк ньөөрийн шаардлагын дагуу зээлийн нөхцлийг бүрэн хангасан аж ахуйн нэгжүүдтэй зээлийн гэрээ байгуулах ба тухайн аж ахуйн нэгж нь зээлийн гэрээний дагуу үүргээ биелүүлсэн нөхцөлд хүүгийн хөнгөлөлт эдлэх боломжтой.

Зээл хүссэн аж ахуйн нэгжүүд Монгол Улсын Хөгжлийн банкны цахим хуудаст байршуулсан материалын бүрдлийг /www.dbm.mn/ хангасан байх шаардлагатайг анхаарна уу.

Монгол Улс, Америкийн Нэгдсэн Улсын хооронд дипломат харилцаа тогтоосны 30 жилийн ойн хүрээнд хаягдал эд зүйлээр хөгжимддөг АНУ-ын “Vocal Trash” хөгжмийн хамтлаг Монгол Улсад айлчилж, “Авьяаслаг Монголчууд” шоуны ялагч “Эгшиглэнт чимээ” хамтлагтай хамтарсан тоглолтоо энэ оны 4 дүгээр сарын 27-ны өдөр Нийслэлийн Улаанбаатар чуулгын тайзнаа Монголын үзэгч олонд толилууллаа.

Энэхүү хамтарсан тоглолт нь дэлхий даяар 4 дүгээр сард тэмдэглэн өнгөрүүлдэг байгаль орчин, цаг уурын өөрчлөлтийн асуудлаарх “Эх дэлхийн өдөр” буюу “Earth Day”-д зориулан Монголын залуу, хойч үеийнхэнд эх дэлхийгээ хайрлан хамгаалах, байгаль орчноо цэвэр ариун байлгахын ач холбогдлыг таниулах зорилготой зохион байгуулагдлаа.

Америкийн “Vocal Trash” хамтлаг нь Техас мужид анх 2001 онд байгуулагдаж, 2014 онд “Worth” сэтгүүлээс “Шилдэг хөгжмийн үзүүлбэр”-ийн шагналыг хүртэж байсан байна. Тус хамтлаг нь дэлхий дахинд “Хаяхаасаа өмнө бод” гэсэн уриан дор хог хаягдлын эсрэг олон нийтэд эерэг нөлөөллийг үзүүлэх зорилготойгоор уран бүтээлээ туурвин толилуулдаг байна.

ЦАГДААГИЙН АЛБА ХААГЧДАД ШАГНАЛ ГАРДУУЛЛАА

Энэ сарын 30-нд хүүхдийг зодож шийтгэхийн эсрэг аян өрнүүлнэ

- Элэгний С вирусийн эмийн үнийн хөнгөлөлтөд 3.5 тэрбум төгрөгийг зарцууллаа

“Элэг бүтэн Монгол” хөтөлбөрийн хүрээнд эрүүл мэндийн даатгалын сангаас анх удаа элэгний С вирусийн эсрэг Вирпас, Ледифос, Ледвир, Харвони, Хепсинат-ЛП эмийн хайрцаг тутмын үнэд 210,0 мянган төгрөгийн хөнгөлөлт үзүүлж эхэллээ. Өнгөрсөн хугацаанд 8.7 мянган даатгуулагчид олгосон эмийн үнийн хөнгөлөлтөд 3.5 тэрбум төгрөг олгосон бол 2017 онд С вирусийг эмчлэх эмийн үнийн хөнгөлөлтөд 18.5 тэрбум төгрөг зарцуулахаар төлөвлөөд байна.

- 5 хүртэлх насны хүүхдийн ханиаданд ууж хэрэглэх эмийн үнэд 100 хувийн хөнгөлөлт үзүүллээ

Хүйтний эрч чангарч, агаарын бохирдлоос үүдэн хүүхдүүдийн дунд амьсгалын замын өвчлөл их байсантай холбогдуулан Нийгмийн даатгалын үндэсний зөвлөлөөс 5 хүртэлх насны хүүхдийн ууж хэрэглэх 10 ерөнхий нэршлийн 30 эм бэлдмэлийн үнэд эрүүл мэндийн даатгалын сангаас анх удаа 100 хувь хөнгөлөлт үзүүлэхээр шийдвэрлэж, урьдчилсан байдлаар дээрх эмийг хэрэглэсэн 70 орчим мянга хүүхдийн эмийн үнийн хөнгөлөлтөд эрүүл мэндийн даатгалын сангаас 1.0 тэрбум төгрөг зарцууллаа.

- Гемодиализийн тусламж, үйлчилгээний зардлыг санхүүжүүлж эхэллээ

Төрийн өмчийн эмнэлгүүдэд бөөр орлуулах эмчилгээний төрөл болох гемодиализ эмчилгээний аппаратын хүрэлцээ тааруу, хүлээгдэл, чирэгдэл үүсч байгаагаас иргэд хувийн хэвшлийн эмнэлгүүдэд өндөр өртгөөр эмчлүүлж байгаа асуудлыг шийдвэрлэх зорилгоор Засгийн газраас 2.3 тэрбум төгрөгийн санхүүжилтийг шийдвэрлэсний дагуу Эрүүл мэндийн яам, Эрүүл мэнд, нийгмийн даатгалын ерөнхий газар хооронд “Эрүүл мэндийн даатгалын сангаар дамжуулан гемодиализ эмчилгээний зардлыг санхүүжүүлэх гэрээ” байгууллаа. Энэхүү гэрээний хүрээнд Эрүүл мэнд, нийгмийн даатгалын ерөнхий газар нь шаардлага хангасан хувийн хэвшлийн 7 эрүүл мэндийн байгууллагай “Гемодиализ эмчилгээ үзүүлэх, худалдан авах гэрээ” хийн иргэдэд үзүүлж байгаа эмчилгээний чанар, хүртээмжийг нэмэгдүүлэх, санхүүгийн эрсдэлийг хуваалцах боломжийг бүрдүүлж, эмчилгээ шаардлагатай байгаа 140 гаруй иргэнд үнэ төлбөргүй үйлчилгээ үзүүлж байна.

МУ-ын гавьяат эмч Ч.Насанбат Дэлхийн допингийн эсрэг агентлаг /WADA/-аас жил бүр шинэчлэн гаргадаг хориотой эм зүйн ангиллын шинэчлэн батлагдсан жагсаалтыг Үндэсний шигшээ багийн тамирчин, дасгалжуулагч нарт танилцууллаа. Сургалтын хэсгээс хүргэж байна.

АНАБОЛИК БОДИС
ХОРИГЛОГДСОН АНАБОЛИК БОДИСУУД:
1. АНАБОЛИК АНДРОГЕНИК СТЕРИОДУУД

Эдгээр бодисууд нь бүх цаг үед хориглогдоно. Энэ нь тэмцээний үед болон тэмцээний бусад ямар ч тохиолдолд хориотой гэсэн үг.

Анаболик төрлийн стериодууд нь хоёр төрөл байдаг.
Үүнд:
1. Хүний биед үүсдэг
2. Гаднаас авдаг

WADA-н 2017 оны допингийн хориглосон эм зүйн ангилалын жагсаалтанд ямар нэгэн өвчний үед эсвэл ямар нэгэн байдлаар хэрэглэхийг хоригложээ. Өмнө нь тодорхой хэмжээтэй хэрэглэхийг зөвшөөрдөг байсан бол шинэчилсэн дүрмээр энэ бүлгийн бодисыг эмчилгээний зориулалтаар ч хэрэглэхийг хориглоно.

Хүний биед үүсдэг стериод анаболик гэж байдаг. Биед үүсдэгт нь тодорхой тун зааж өгдөг. Харин гаднаас үүсдэг энэ төрлийн бодист огт тун заахгүй. Допингийн зөрчилд тооцогдоно.

WADA 2017 онд Анаболик төрлийн стериодуудад шинээр нэг бодис нэмсэн. Энэ нь зурган дээр улаанаар тэмдэглэсэн буюу 5а-андрост-2-ен юм.

Энэ нь бидний хэрэглэж буй уураг амин дэмэнд сүүлийн үед агуулагдах болжээ. Хэрвээ таны хэрэглэж буй уураг, амин дэм, хүнсний нэмэлт тэжээл 5а-андрост-2-ен гэсэн агууламжтай байвал допингод тооцогдохыг анхааруулж байна.

Энэ эмийн бодис өмнө нь допингийн төрөлд тооцогддоггүй байжээ.

Энэ төрлийн бодис нь эрэгтэйчүүдийн бэлгийн бойжилт, ерөнхий ажиллах чадварыг тодорхойлдог гол бодисыг идэвхижүүлж, өдөөж өгдөг болохыг сүүлийн хоёр жилийн хугацаанд лабораторийн судалгаагаар тогтоосон юм байна. Тиймээс тухайн тамирчны ажиллах чадварт нөлөөлөх тул допингийн хориотой эм зүйн жагсаалтанд оруулжээ.

Энэ төрлийн бодис сүүлийн жилүүдэд уураг болоод хүнсний нэмэлт бүтээгдэхүүнээс илэрч байгааг анхаарах хэрэгтэй. Тиймээс тамирчид ялангуяа дэлхийн тавцанд улс эх орноо төлөөлдөг үндэсний шигшээ багийн тамирчид дураараа уураг, амин дэм, хүнсний нэмэлт бүтээгдэхүүн хэрэглэхгүй байх. Хэрэглэх тохиолдолд хариуцсан эмч мэргэжилтнүүдтэйгээ зайлшгүй зөвлөх ёстойг анхааруулж байна.

Ардчилсан Намын Улс төрийн бодлого хариуцсан Нарийн бичгийн даргаар С.Эрдэнэболд томилогджээ.

Хөдөлмөрийн яармаг болж байна

Зам, тээврийн хөгжлийн сайд Д.Ганбатын тушаалаар ИНЕГ-ын Тэргүүн дэд даргын үүргийг түр орлон гүйцэтгэж байсан Б.Алтанцомыг тус албан тушаалд жинхлэн томиллоо.





ЗТХ-ийн сайдын тушаалд, “Монгол Улсын Засгийн газрын тухай хуулийн 18 дугаар зүйлийн 3, Төрийн албаны тухай хуулийн 17 дугаар зүйлийн 17.6 дахь хэсэг, төрийн албаны зөвлөлийн 2017 оны 04 дүгээр сарын 07-ны өдрийн 73 дугаар тогтоолыг тус тус үндэслэн Төрийн албаны зөвлөлийн тогтоолоор нэр дэвшүүлж ирүүлсэн Балдандоржийн Алтанцомыг 2017 оны 04 дүгээр сарын 12-ны өдрөөс эхлэн Засгийн газрын хэрэгжүүлэгч агентлаг Иргэний нисэхийн ерөнхий газрын Тэргүүн дэд даргаар томилсугай” гэжээ.

С.САРУУЛ

Манай улсад “Исламын улс” бүлэглэлийн хоёр гишүүн орж ирсэн байж болзошгүй талаар зарим хэвлэл мэдээллээ. Тодруулбал, дэлхий нийтэд түгшүүр төрүүлж буй “Исламын улс” бүлэглэлийн хоёр гишүүн Монголд орж ирсэн байж болзошгүй гэсэн мэдээллийг манай талд БНХАУ-ын Хилийн тагнуулын албанынхан өгч, эрэн сурвалжлах хүсэлт тавьсан байна. Тагнуул, цагдаа, мэргэжлийн бусад албаныхан өмнөд хөршийн талаас ирүүлсэн мэдээллийг шалгаж байгаа аж. Энэ талаар цагдаа, тагнуулын байгууллагаас лавлахад мэдээлэл өгөх боломжгүй гэлээ.

Эх сурвалж: www.pol

УИХ-ын нэгдсэн чуулганы хуралдаанаар өнөөдөр Засгийн газраас өргөн мэдүүлсэн Зөрчлийн тухай хуулийн шинэчилсэн найруулгын төсөл болон холбогдох бусад хуулийн төслүүдийн