2016 оны зуны олимп болох стадионыг хаахаар болжээ. Бразилийн Рио Де Жанейро хотын дарга Эдуардо Пайс “Энженьян” стадионыг хаах шаардлагатай байгааг өчигдөр мэдээллээ. Цэнгэлдэх хүрээлэн нурах аюулд хүрснийг мэргэжилтнүүд анхааруулсан учраас ийм шийдвэр гаргасан байна. Олимпийн наадам эхлэхэд гурван жилийн хугацаа үлдээд байгааг Бразилийн Олимпийн хороо анхааруулсан ч засвар хэзээ дуусахыг шийдээгүй аж. 2007 онд ашиглалтад орсон “Энженьян” цэнгэлдэх хүрээлэнд Рио Де Жанейро хотын хөл бөмбөгийн томоохон тэмцээнүүд болдог юм.  Цэнгэлдэх хүрээлэнг барихад 190 сая ам.доллар зарцуулжээ.

Монголын театрын урлагийн хөгжлийг тодорхойлогч “Гэгээн муза” наадам өчигдөр болж өндөрлөлөө. Бид тус наадмыг дэлхийн театрын баярын өдөртэй хамтатган тэмдэглэсээр 10 жилийг үджээ. Энэ жилийн “Гэгээн муза” наадамд Драмын, Нэг хүний, Хүүхдийн, Инээдмийн жүжиг гэсэн дөрвөн төрөлд нийт 16 жүжгийн 60 гаруй уран бүтээлч өрсөлдсөн юм.  Мөн Серби, АНУ, Косово улсын театраас уран бүтээлчид ирж ”Гэгээн Муза”-д оролцон ширүүхэн өрсөлдлөө. “Гэгээн Муза 2012” наадам өчигдөр 19:00 цагт улаан хивсний ёслолоор эхэлсэн.

  Гадаа цас хаялан цаг агаар хүйтэн байсан хэдий ч халуун сэтгэлийг өвөртлөн манай хамт олон Эрдэнэт хотыг зорьлоо. Урин дулаан цаг айлчлан ирж буйг тохиолдуулан “Скайтел групп” хэрэглэгчиддээ зориулан хэрэгжүүлж буй “Аймаг бүрээс 300 азтан” тодруулах урамшуулалт аяны албан ёсны нээлтийг энэ сарын 22-ны өдөр Эрдэнэт хотод амжилттай хийгээд ирлээ.

Оны шилдэг уран бүтээлч шалгаруулах “Мөнгөн мод” ёслолын арга хэмжээ болж өнгөрлөө. Энэ жил журмын дагуу тайз, дэлгэцийн найруулагч, тайз дэлгэцийн зураач, тайз дэлгэцийн жүжигчин, дуучин, хөгжимчин, бүжигчин, утга соёлын өвийг өвлөн эзэмшигч гэсэн долоон төрлөөр шалгарууллаа. Мөн шилдгээр шалгарсан уран бүтээлчдэд тус бүр 3.0 сая төгрөгийн шагналыг олгосон юм.