Шинэ Зеландын эрдэмтэд Номхон далайгаас eelpout нэртэй тун ховор төрлийн загас барьжээ. Энэ загасны төрлийг хамгийн сүүлд 100 гаруй жилийн өмнө үзэгдсэн тухай тэмдэглэсэн байдаг. Тэгвэл эрдэмтэд энэ ховор төрлийн загасыг том, жижигтэй нь олж судалж эхэлсэн байна.

АНУ, Өмнөд Солонгосын усан цэргүүд хамтарсан бэлтгэл хийж, өвлийн хүйтэнд чийрэгжиж байна. Хоёр орны усан цэргийн хамтын ажиллагааны хүрээнд хэрэгжиж буй энэхрүү бэлтгэл энэ сарын 4-22-ны өдөр хүртэл үргэлжлэх аж. Бэлтгэлд нийт 400 гаруй цэрэг оролцож байна.

Жил бүрийн нэгдүгээр сарын 27-ны өдөр энэтхэгчүүд ”Ghost fair” уламжлалт арга хэмжээг явуулдаг. Энэ өдөр тус улсын ард иргэд чөтгөр шүглэсэн гэж бодсон иргэдээ ховсдож, биенд нь орсон чөтгөрийг хөөн гаргадаг байна.

Хятадууд билгийн тооллын шинийн нэгнийг угтаж Хаврын баяраа тэмдэглэж байна. Бээжин хотын Диваажингийн сүмд хэдэн зууны өмнөх эзэнт хааны үеэс уламлан ирсэн баярын ёслол хийж байна.

DOZ энтертайнментын шинээр бүтээсэн, удахгүй дэлгэцнээ гарах киноны зураг авалтын үеийн зургуудыг хүргэж байна. “Дүүлэн нис” уран сайхны кино удахгүй үзэгчдийн хүртээл болох гэж байна. “Дүүлэн нис” уран сайхны киног Монгол, Энэтхэг, БНСУ, Итали улсын кино найруулагч, зураач, жүжигчид хамтран бүтээжээ. Тухайлбал, киноны ерөнхий найруулагчаар “DOZ интертайнмент”-ийн захирал Ш.Доржсүрэн, зохиолыг хянан тохиолдуулсан зөвлөхөөр Италийн Лука Тайбэрис, зөвлөх найруулагчаар Карпо Алберто Кавалло нар ажиллажээ. Ерөнхий зураачаар Италийн кино зураач Андреа Арнонэ, Монголын талаас Б.Баатар, дууны найруулагчаар Солонгос улсын Вюн Жин Хан нар ажлласан байна. Харин гол дүрүүдэд Монголын талаас жүжигчин А.Мөнгөнзул, Солонгосын талаас  Канг Тас Уонг, Ли Хао Жин,  Энэтхэгийн талаас Арвинд Алок нар тогложээ. Энэтхэг, Италийн уран бүтээлчидтэй хамтарч ажилласан төдийгүй Солонгосын жүжигчдийг уг кинонд тоглуулсан нь Монголын үзэгчдэд шинэ содон зүйл болох бөгөөд энэ нь үзэгчдэд хүлээлт үүсгэх нь гарцаагүй гэдгийг кино бүтээгчдийн зүгээс хэлж байгаа юм.