Ерөнхийлөгчийн сонгуулийн дахин санал хураалт ойртох тусам улс төрийн “гал тогоо” жинхэнэ утгаараа буцалж байна. Өрсөлдөж буй хоёр намынхан дор бүрнээ хөдөлгөөнтэй байгаа ч МАН-ыхны салхи хүчтэй сэвэлзэж, хэвлэлийнхэн тэр бүрт нь сонор сэрэмжийг алдахгүй байгаа тул удирдлагууд нь сандарсаар.

УИХ-ын Хууль зүйн байнгын хорооны өнөөдрийн (2017.06.30) хуралдаан 09 цаг 50 минутад 52.6 хувийн ирцтэйгээр эхэлж, Монгол Улсын нэгдсэн төсвийн 2016 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2016 оны төсвийн гүйцэтгэлийг батлах тухай” Улсын Их Хурлын тогтоолын төслийг хэлэлцэв. Төслийн талаар УИХ-ын гишүүн, Засгийн газрын гишүүн, Сангийн сайд Б.Чойжилсүрэн танилцууллаа.

2016 оны гүйцэтгэлээр Монгол Улсын нэгдсэн төсвийн тэнцвэржүүлсэн орлого ба тусламжийн дүн 5.8 их наяд төгрөгт хүрч 107.5 хувийн биелэлттэй, зарлага 9.95 их наяд төгрөгт хүрч 95.0 хувийн биелэлттэй гарсан байна. Нэгдсэн төсвийн тэнцэл 3 их наяд 660.3 тэрбум төгрөгийн алдагдалтай тайлагнагджээ. Монгол Улсын нэгдсэн төсвийн гүйцэтгэл, Засгийн газрын санхүүгийн нэгтгэсэн тайланд тус Байнгын хороонд харъяалагдах Үндсэн хуулийн цэцийн дарга, Улсын дээд шүүхийн ерөнхий шүүгч, Шүүхийн ерөнхий зөвлөлийн дарга, Улсын ерөнхий прокурор, Хүний эрхийн үндэсний комиссын дарга, Цагаатгах ажлыг удирдан зохион байгуулах комиссын дарга, Авилгатай тэмцэх газрын дарга болон Хууль зүй, дотоод хэргийн сайдын багцын 307 төсвийн шууд захирагч, төрийн 100 хувийн өмчит аж ахуйн 10 нэгж, Засгийн газрын гадаад зээл, буцалтгүй тусламжаар хэрэгжиж буй 3 төслийн төсвийн гүйцэтгэл, санхүүгийн тайланг нэгтгэн гаргажээ. Нэгдсэн төсвийн гүйцэтгэлээр тус Байнгын хорооны төсвийн ерөнхийлөн захирагчдын нийт зарлага ба цэвэр зээлийн дүн 484.1 тэрбум төгрөгт хүрч, төлөвлөснөөс 12.4 тэрбум төгрөгөөр илүү, өмнөх оны гүйцэтгэлээс 22.2 тэрбум төгрөгөөр өссөн дүнтэй гарсан байна. Урсгал зардалд 467.3 тэрбум төгрөг, хөрөнгийн зардалд 16.8 тэрбум төгрөгийг зарцуулсан аж. Нийт зарлага болон цэвэр зээлийн дүнгийн 83 хувь буюу 404.5 тэрбум төгрөгийг Хууль зүй, дотоод хэргийн сайд, 9 хувь буюу 47.8 тэрбум төгрөгийг Шүүхийн ерөнхий зөвлөлийн дарга, 3.6 хувь буюу 17.6 тэрбум төгрөгийг Улсын ерөнхий прокурор, 2.9 хувь буюу 14.1 тэрбум төгрөгийг бусад төсвийн ерөнхийлөн захирагчийн багцын зарлага эзэлж байгаа юм байна. Тайлант онд улсын төсвөөс 16.8 тэрбум төгрөгийн хөрөнгө оруулалтын санхүүжилтийг олгожээ. Тухайлбал, ХСИС-ийн 3000 оюутны хичээлийн байрны барилга угсралтын ажилд 4.9 тэрбум төгрөг, Архивын ерөнхий газрын барилга угсралтын ажилд 3.6 тэрбум төгрөг, Хилийн цэргийн 0168 дугаар ангийн нүүлгэлтийн зардалд 2.3 тэрбум төгрөг, орон нутгийн цагдаагийн 25 кобоны барилга угсралтын ажилд 1.6 тэрбум төгрөг тус тус зарцуулсан байна. Улсын төсвөөс 468.6 тэрбум төгрөгийн санхүүжилтийг олгосон бол төсөвт байгууллагын өөрийн орлогоор 14.3 тэрбум төгрөг, ЭМДС-ийн санхүүжилтээр 1 тэрбум төгрөгийн санхүүжилтийг бүрдүүлжээ.




Төслийн танилцуулгатай холбогдуулан асуулт асууж, санал хэлэх гишүүн гараагүй бөгөөд Монгол Улсын нэгдсэн төсвийн 2016 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2016 оны төсвийн гүйцэтгэлийг батлах тухай” Улсын Их Хурлын тогтоолын төслийн тус Байнгын хорооны эрхлэх асуудлын хүрээнд хамаарах Монгол Улсын 2016 оны төсвийн гүйцэтгэлийг дэмжих эсэхээр санал хураалт явууллаа. Хуралдаанд оролцсон гишүүдийн 81.8 хувь нь дээрх саналын томъёоллыг дэмжснээр Хууль зүйн байнгын хорооны санал, дүгнэлтийг Төсвийн зарлагын хяналтын дэд хороонд хүргүүлэхээр тогтов хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.

Зам, тээврийн хөгжлийн сайд Д.Ганбат, “Оросын төмөр замууд” нээлттэй хувьцаат нийгэмлэг (НХН)-ийн Тэргүүн дэд Ерөнхийлөгч, “Улаанбаатар төмөр зам” хувь нийлүүлсэн нийгэмлэг (ХНН)-ийн Ерөнхий хорооны дарга А.С.Мишарин тэргүүтэй төлөөлөгчдийг хүлээн авч уулзав.

Уулзалтын эхэнд Д.Ганбат сайд Монгол-Оросын хамтарсан “Улаанбаатар төмөр зам” ХНН-ийн Ерөнхий хорооны даргаар томилогдсонд баяр хүргэв. Тэрбээр, “Улаанбаатар төмөр зам” ХНН-т техникийн шинэчлэлт хийх, хөрөнгө оруулалт татаж төв замын засвар, зүтгүүрийн болон ачааны вагоны шинэчлэлийг хийх шаардлагатай байгаа. Таныг энэ бүх асуудлыг шийдвэрлэхийн төлөө хүчин чармайлт гарган ажиллана гэдэгт итгэж байна гэлээ. Тулгамдсан асуудлыг шийдвэрлэхэд Зсгийн газар болон ЗТХЯ, Монголын хөрөнгө оруулагчид дэмжин ажиллана гэдгээ илэрхийлэв.

Энэ сарын 06-нд Ерөнхий сайд Ж.Эрдэнэбат ОХУ-ын Санкт-Петербургт болсон Олон улсын эдийн засгийн форумд оролцох үеэр “Оросын төмөр замууд” НХН-ийн Ерөнхийлөгч О.В.Белозеровтой уулзалт хийсэн. Энэ үеэр монголын төмөр замын төв коридороор Ази-Европ-Азийн чиглэлд 3 сая тонн ачаа нэмж тээвэрлэх шийдвэр гаргасан байна. Энэ нь Монгол Улсын эдийн засгийн хөгжилд томоохон түлхэц үзүүлнэ гэдэгт итгэлтэй байгаагаа сайд онцлов.

УИХ-ын Тамгын газраас гишүүдийн өнөөдрийн ирцийн мэдээллийг гаргажээ. Мэдээллээс харахад 10.00 цагаас урьтаж, буюу цагтаа хожигдолгүй ажилдаа ирсэн 10 гаруй гишүүн байгаа бол бусад гишүүд нь товлосон цагаасаа хоцорч ирцгээсэн байна.

Өнөөдрийн байдлаар Булган аймаг Бугат суманд 1, Сэлэнгэ аймгийн Хүдэр суманд 1, Ерөө суманд 2, Мандал суманд 1 түймэр, Хэнтий аймгийн Өмнөдэлгэр суманд 1 түймэр, Төв аймгийн Мөнгөнморьт суманд 1 түймэр, Дорнод аймгийн Халх гол суманд 1 түймэр, нийт 8 түймэр асаж байгаа бол Булган аймгийн Тэшиг суманд 2, Хутаг-Өндөр, Сэлэнгэ, суманд тус бүр 1, Сэлэнгэ аймгийн Хүдэр суманд 1, Төв аймгийн Батсүмбэр, Жаргалант суманд тус бүр 1 түймэр, Хэнтий аймгийн Батширээт суманд 1 түймэр нийт 8 түймрийг цурманд оруулаад байна.



Дээрх түймрүүдэд онцгой байдлын байгууллагаас 346 албан хаагч, 25 автомашин, орон нутгаас 334 иргэн, 38 автомашинтай нийт 680 хүн, 1 нисдэг тэрэг, 41 автомашин, 16 морьтойгоор ажиллаж байгаа юм.





Эдгээр албан хаагчдад “М-Си-Эс Кока Кола” ХХК-ийн зүгээс нийгмийн хариуцлагынхаа хүрээнд өөрсдийн бүтээгдэхүүнээр тусламж үзүүлж, бүтээгдэхүүний дээжийг ОБЕГ-т өнөөдөр гардуулж өглөө. Түүнчлэн тус компанийн зүгээс ард иргэддээ хандан иргэний үүргээ ухамсарлан, ой хээрийн түймрээс урьдчилан сэргийлэхийг уриалав.



Тус компани нь “Марш тактик-тусгай бэлтгэлийн тэмцээн”-д оролцсон баг тамирчдад болон онцгой байдлын асуудал эрхэлсэн байгууллагын хүүхдийн баярын арга хэмжээнд зориулан бүтээгдэхүүнийнхээ дээжээр бэлэг барьж байсан юм гэж Онцгой байдлын ерөнхий газраас мэдээллээ.

Дарь эхийн гудамжны уулзварын зүүн талд 48-р сургуулийн хойно “Явган хүний гүүрэн гарц” барих ажил эхэллээ.

Монгол Улс дахь Канад улсын Элчин сайдын яамнаас Канад улс тунхагласны 150 жилийн ойг тохиолдуулан “Канадын Өдрийг” тэмдэглэнэ. Уг арга хэмжээ өнөөдөр Чойжин ламын сүм музейд 13 цагаас болох аж.

Арга хэмжээнд УИХ дахь Монгол-Канадын парламентын бүлгийн дарга Б.Саранчимэг, УИХ-ын гишүүн Л.Болд, О.Баасанхүү, Гадаад харилцааны дэд сайд Б.Батцэцэг, Канад улсаас Монголд Улсад суугаа Онц бөгөөд Бүрэн Эрхт Элчин сайд Эд Жэйгэр, Монгол дахь Канадын бизнес эрхлэгчид болон бусад улс орны Элчин сайд нар оролцох юм байна.

Долдугаар сарын 7-9-нд Польшийн нийслэл Варшавт эмэгтэйчүүдийн Польшийн нээлттэй тэмцээн болно. Манай улсаас 48 кг-ын жинд ОУХМ Э.Нарангэрэл (Хангарьд), 53 кг-д Г.Отгонжаргал (Алдар), 55 кг-д Э.Даваачимэг (Хилчин), 60 кг-д Б.Шоовдор (Хилчин), 63 кг-д П.Орхон (Алдар), 75 кг-д Г.Уртнасан (Хилчин) гэсэн зургаан бүсгүй Польшийн нийслэлд хүч үзнэ. Эднээс ОУХМ Г.Отгонжаргалаас бусад нь наймдугаар сарын сүүлээр Парисын ДАШТ-д зодоглох юм. Монголын багийн ахлагчаар Н.Батсайхан, дасгалжуулагчаар МУГД Ц.Хосбаяр, ОУХМ Ө.Ууганбаяр, шүүгчээр А.Батмөнх нар ажиллана. Польшийн нээлттэй тэмцээнд манай бүсгүйчүүд 2013 оноос хойш оролцож эхэлсэн бөгөөд 2014 онд гавьяат тамирчин С.Батцэцэг, С.Цэрэнчимэд, ОУХМ С.Бямбацэрэн, 2015 онд гавьяат тамирчин О.Насанбурмаа, ОУХМ Б.Шоовдор, 2016 онд ОУХМ П.Орхон нар аваргалж байв.

Монголын топ моделиудаар эхлээд дуучдаар үргэлжлэх энэ зуны хамгийн халуухан шоу ””BIKINI FASHION SHOW”” болоход ГАНЦ хоног үлдлээ

Алтжин брэндийг үүсгэн байгуулагч акуа мисс Б.Уянга Монголд анх удаа усны фитнесийг дэлгэрүүлсэн бол энэ удаа усны хувцасны брэнд гаргалаа. Харин тус брэндийн загварын цуглуулгыг танилцуулах үйл ажиллагаа энэ сарын 30-ны үдэш болох билээ. Уг шоунд Монголын урдаа барьдаг чадварлаг моделиудаас нэг нь ч дутахгүй оролцох гэнэ. Гадны оронд Монголынхоо нэрийг гаргаад завгүй байгаа хэд хэдэн моделиуд ч Bikini Fashion Show-д оролцохоор ирсэн байна. Мөн бүхий л салбарын сайхан хүүхнүүд энэ үдэш усны хувцасны загвар өмсөгч болох нээ. Дуучин Хишигдалай, Стар телевизийн хөтлөгч Уранзаяа гэх мэтчилэн олны танил сайхан хүүхнүүд мэргэжил хамаарахгүй энэ үдэш нэгэн тайзнаа цуглах гайхалтай үдшийг та битгий алдаарай. Мөн тус шоуны үеэр олон гэнэтийн бэлгийг зорин ирсэн хүмүүстээ барих гэнэ.

2017.06.30-ны 20:00 цагт /5 дахь өдөр/ Хар Сувд /Хүүхдийн парк/-т уулзацгаая

Хөтөлбөр:

Баянмонгол чуулга
Дуучин Наагий
Дуучин Солонго /3 охин/
Sun dance
Belly dance
Sexy dance
DJ Una, Henza, Grooby /Mand
Хөтлөгч: NB Nyambayar Ану /3 охин/
After party: Bikini models & DJ

Суудлын тоо хязгаартай тул та яараарай.

Тах: Чингис зочид бүүдлын В1 давхар, Акуа фитнесийн байранд
Захиалга авах утас: 9700-6688, 9809-0626

“Туул ротари”-чууд хүүхэд багачуудын шүдний эрүүл мэндэд анхаарал хандуулж эхэлжээ

10:00 цагт: Улаанбаатар хотын ус хангамжид Японы ард түмний хувь нэмэр сэдэвт өдөрлөг болно. Хаана: Ус сувгийн удирдах газрын Хурлын танхимд

11:00 цагт: МАХН-аас Ерөнхийлөгчийн сонгуульд нэр дэвшсэн С.Ганбаатар намын байр дээрээ мэдээлэл хийнэ.

11:00 цагт: Батлан хамгаалах яам, МҮЭ-ийн холбоо хамтран Батлан хамгаалахын салбарт ажиллаж байгаа ажилчдын нийгмийн асуудлыг шийдвэрлэхэд хамтран ажиллахаар боллоо. Энэ талаарх уулзалт МҮЭХ-ны хурлын танхимд болно.

12:00 цагт: Дөрвөн аймгийн цэвэрлэх байгууламжий ажил гүйцэтгэх гэрээнд гарын үсэг зурна. Хаана: БХБЯ дээр

15:00 цагт: Нийслэлийн Хүүхэд гэр бүлийн хөгжлийн газраас зургадугаар сарын Гэр бүлийн өдрийг тэмдэглэн өнгөрүүлэх ажлын хүрээнд ”Монголын энтрепренёр ээжүүдийн холбоо” ТББ-ын санаачлагаар, Нийслэлийн тээврийн газартай хамтран нийтийн тээврийн 1000 автобусанд жирэмсэн болон хүүхэдтэй ээжүүдэд зориулсан ЯГААН СУУДАЛ байршуулах аяныг эхлүүлж байна.

Хүүхэд гэр бүлд ээлтэй орчин үйлчилгээг дэмжих эерэг хандлагыг түгээх зорилгоор Олон улсын стандараар бүтсэн, хотын соёлыг илтгэсэн тус суудлын бүрээсийг хүлээлгэн өгөх арга хэмжээ Автобус базын 1-р нэгтгэл дээр болно.

15:00 цагт: Захиргааны ерөнхий хууль хэрэгжиж эхэлсний нэг жилийн ой маргааш болох гэж байгаатай холбогдуулан ”Захиргааны Ерөнхий хуулийн хэрэгжилт” хэлэлцүүлгийг зохион байгуулна. Хаана: Нээлттэй Нийгэм Форумын хурлын танхимд

Өмнөговь аймгийн Гашуунсухайтын боомтоос 23 км зайтай орших Цагаан хадны гаалийн хяналтын бүсийг

Д.Оюунхорол: Иргэний өгсөн мэдээлэл баталгаажсан тохиолдолд торгуулийн 15 хувиар урамшуулна

Эмнэлэг даатгуулагчийг хэвтэн эмчлүүлэх хугацаанд зайлшгүй шаардлагаар өвчний түүхэнд бичигдсэн эм, тариа ороох боох материалыг өөрөөр нь гаргуулж хэрэглэсэн тохиолдолд зах зээлийн жишиг үнээр тооцон тухайн тусламж, үйлчилгээ үзүүлсэн улсын эмнэлэг буцаан олгох үүрэгтэй.

Зөрчлийн тухай хууль маргаашаас буюу 2017 оны долдугаар сарын нэгний өдрөөс эхлэн хэрэгжинэ. Тэгвэл энэхүү хуульд торгуулийг хөдөлмөрийн хөлсний доод хэмжээгээр тооцдгийг болиулж, нэгжээр тооцохоор болсон билээ. Зөрчлийн тухай хуульд торгуулийн хэмжээг хэрхэн тусгасан талаарх онцлох 24 заалтыг хүргэж байна.

УИХ-ын чуулган болон байнгын хорооны хуралдаанаар хэлэлцэх асуудлууд

Монгол Улсын Ерөнхийлөгчийн сонгуулийн дахин санал хураалт 2017 оны 07 дугаар сарын 07-ны өдөр явагдах болсонтой холбогдуулан БСШУСЯ-наас өгсөн чиглэлийн дагуу МУИС-ийн бакалаврын өдрийн хөтөлбөрт 2017 онд оюутан элсүүлэх үйл ажиллагаанд дараах өөрчлөлт орлоо.


Үүнд. Орон нутгийн элсэлтийн бүртгэлийг 2017 оны 07 дугаар сарын 01-ний өдрийн 14.00 цагт хааж бүртгүүлэгчийн онооны жагсаалтыг бүрэлдэхүүн /салбар сургуулиар гаргана. Орон нутагт элсэх эрх олгох үйл ажиллагаа 2017 оны 07 дугаар сарын 01-ний өдрийн 16.00 цагаас 07 дугаар сарын 02-ны өдрийн 20.00 цаг хүртэл явагдана. Орон нутгаас бүртгүүлэгч хяналтын тоонд багтаж элсэх эрхтэй болсоноос хойш 4 цагийн дотор элсэх эрхээ баталгаажуулна. Орон нутгийн элсэх эрх олгох үйл ажиллагаа амралтын өдрүүдэд явагдах тул элсэх эрх баталгаажуулах 1 багц цагийн төлбөрийг авахгүй.


Улаанбаатар хотын элсэлтийн үйл ажиллагаа журмын дагуу явагдах бөгөөд Монгол Улсын Ерөнхийлөгчийн сонгуультай холбоотой 2017 оны 07 дугаар сарын 07-ны өдөр элсэлт түр зогсоно гэж МУИС-иас мэдээллээ.

Зарим нутгаар дуу цахилгаантай усархаг аадар бороо орно

Энэ хамт олон харангадаж үхэж байгаа зээрнүүдийг жаахан ч гэсэн багасгахын тулд хоорондоо 10 км зайтай 2 усан сан хийжээ. Тэд усан сангаа 3 хоногт 1 удаа усаар дүүргэж байхаар болжээ. Буянтай ажил хийсэн Дорнод аймгийн ”Дорнын Их Гэгээ” компанийн хамт олонд

Үс засуулбал: Хэл ам,хэрүүл тэмцэл ирнэ