Малчид, тариаланчид, хадланчидад зориулсан мэдээ: Өнөөдөр нутгийн зүүн хагаст сэрүүхэн, хүйтэн салхитай байна.

2017 оны 09 дүгээр сарын 18-ны 08 цагаас 20 цаг хүртэл: Зүүн аймгуудын нутгаар үүлэрхэг, нутгийн зүүн хэсгээр хур тунадас орно. Бусад нутгаар багавтар үүлтэй, хур тунадас орохгүй. Салхи баруун аймгуудын нутгаар баруун өмнөөс, бусад нутгаар баруун хойноос секундэд 6-11 метр, говь, тал хээрийн нутгаар секундэд 14-16 метр хүрч ширүүснэ. Алтай, Хангай, Хөвсгөлийн уулархаг нутгаар 14-19 хэм, Алтайн өвөр говиор 22-27 хэм, говийн бүс нутгийн өмнөд хэсгээр 18-23 хэм, бусад нутгаар сэрүүсч 11-16 хэм дулаан байна.

УЛААНБААТАР ХОТ: Багавтар үүлтэй. Бороо орохгүй. Салхи баруун хойноос секундэд 5-10 метр, зарим үед секундэд 12-14 метр хүрч ширүүснэ. Өчигдрөөс сэрүүсч 12-14 хэм дулаан байна.

2017 оны 09 дүгээр сарын 19-наас 09 дүгээр сарын 23-ныг хүртэлх
цаг агаарын урьдчилсан төлөв

20-нд баруун аймгуудын нутаг, төвийн аймгуудын нутгийн баруун хэсгээр бороо, 21-нд ихэнх нутгаар, 22-нд зүүн аймгуудын ихэнх нутаг, баруун болон төвийн аймгуудын нутгийн зарим газраар хур тунадас, уулархаг нутгаар нойтон цас орно. Салхи 19-нд Алтайн уулсаар, 20-нд нутгийн баруун хагаст, 21-нд ихэнх нутгаар, 22-нд зарим газраар түр зуур секундэд 18-20 метр хүрч ширүүснэ. 20-нд баруун зүгийн нутгаар, 21, 22-нд ихэнх нутгаар сэрүүсч Алтай, Хангай, Хөвсгөл, Хэнтэйн уулархаг нутгаар шөнөдөө 2-7 хэм хүйтэн, өдөртөө 5-10 хэм, говийн бүс нутгийн өмнөд хэсгээр шөнөдөө 5-10 хэм, өдөртөө 18-23 хэм дулаан, бусад нутгаар шөнөдөө 2 хэм хүйтнээс 3 хэм дулаан, цочир хүйтэрнэ, өдөртөө 9-14 хэм дулаан байна.

Нийтэлс

Гэртээ: Шарсан төмстэй үхрийн махтай хоол хийх арга

Мөнгө угаахтай тэмцэх санхүүгийн арга хэмжээ авах байгууллага (ФАТФ)-ын Ази-Номхон далайн бүсийн байгууллага (APG)-ын 20 дахь удаагийн жилийн хурал Шри-Ланка улсын нийслэл Коломбо хотноо 2017 оны 7 дугаар сарын 17-21-ны хооронд болов. Тус хуралд 450 орчим зочид, төлөөлөгчид оролцсон байна.

APG байгууллагыг анх 1997 онд 13 улсын санаачилгаар Тайланд улсын Бангкок хотноо үүсгэн байгуулжээ. APG нь өөрийн гишүүн орнуудын мөнгө угаах, терроризмыг санхүүжүүлэхтэй тэмцэх талаарх ФАТФ-ын 40 зөвлөмжийг хэрэгжүүлж буй байдалд хяналт тавидаг байна. APG нь Номхон далайн арлын улс орнуудаас авахуулаад АНУ, Хятад, Япон, Энэтхэг зэрэг дэлхийн хамгийн том эдийн засагтай улс орнуудыг эгнээндээ багтаадаг ажээ.
Коломбо хотноо болсон жилийн хуралд гишүүн орнуудаас гадна ФАТФ, ОУВС, Дэлхийн банк, Эдийн засгийн хамтын ажиллагаа, хөгжлийн байгууллага (ЭЗХАХБ), НҮБ-ын Хар тамхи, гэмт хэрэгтэй тэмцэх алба, Азийн хөгжлийн банк (АХБ), Санхүүгийн тагнуулын албадыг нэгтгэдэг Эгмонт групп зэрэг олон улсын болон бүс нутгийн байгууллагуудын төлөөлөл оролцжээ.
ФАТФ-аас 2012 онд шинэчлэн баталсан 40 зөвлөмжийн хэрэгжилтийг шалгахдаа APG нь харилцан үнэлгээ гэх үйл явцаар дамжуулан тухайн улсын мөнгө угаах, терроризмыг санхүүжүүлэхтэй тэмцэх тогтолцоог тодорхой хугацааны давтамжтай, тогтмол үнэлж хянадаг байна. Энэ нь гэмт хэргийн шинжтэй хөрөнгө орлогыг битүүмжлэх, хураах үйл ажиллагааг олон улсын түвшинд гүйцэтгэх, уялдуулах эцсийн зорилготой юм.
APG нь харилцан үнэлгээг гүйцэтгэхээс гадна техник туслалцаа үзүүлэх, сургалт семинар зохион байгуулах замаар мөнгө угаах болон терроризмыг санхүүжүүлэхтэй тэмцэх чиг хандлага, арга барилд гарч буй өөрчлөлтийг гишүүн орнуудад танилцуулахыг зорьдог. APG нь мөнгө угаах болон терроризмыг санхүүжүүлэхтэй тэмцэхэд шаардлагатай үндэсний зохицуулалтын механизмыг бий болгоход мөн дэмжлэг үзүүлдэг ажээ. Монгол Улсын мөнгө угаах, терроризмыг санхүүжүүлэхтэй тэмцэх тогтолцоог үнэлэх хоёр дахь удаагийн харилцан үнэлгээ 2016 оны 4 дүгээр сараас 2017 оны 7 дугаар сарын хооронд үргэлжлэн хийгдлээ. Энэ удаагийн харилцан үнэлгээ нь ФАТФ-аас шинэчлэн баталсан 40 зөвлөмжийн дагуу, шинэчлэгдсэн аргачлалаар явагдсан буюу харилцан үнэлгээгээр ФАТФ-ын зөвлөмжийн техникийн хэрэгжилт (хууль, эрх зүй болон үйл ажиллагааны тогтолцоо)-эд төдийгүй мөнгө угаах, терроризмыг санхүүжүүлэхтэй тэмцэх тогтолцооны үр дүнтэй байдалд үнэлгээ хийгдснээрээ онцлог байв.
Коломбо хотноо зохиогдсон APG-н 20 дахь удаагийн жилийн хурлаар Монгол Улсын харилцан үнэлгээний тайланг хэлэлцлээ. Хурлын үеэр Монгол Улс мөнгө угаах, терроризмыг санхүүжүүлэхтэй тэмцэх тогтолцоогоо эрс сайжруулах шаардлагатай байгааг онцолж дараахь хэд хэдэн чиглэлээр зөвлөмж өгөв. Үүнд:
Эрх бүхий байгууллагуудын хамтын ажиллагааг бэхжүүлж боловсронгуй болгох ажлыг үргэлжлүүлэх;
Мөнгө угаах болон терроризмыг санхүүжүүлэхтэй тэмцэх тухай хуулийг үр дүнтэй хэрэгжүүлэхийн тулд үндэсний зохицуулалтын механизмыг бий болгон хөгжүүлэх, олон улсын хамтын ажиллагааг хөгжүүлэхэд шаардлагатай иж бүрэн, нарийвчилсан статистик мэдээллийн санг бий болгож баяжуулах;
Оюуны өмч, улсын бүртгэлийн ерөнхий газарт эцсийн өмчлөгчийн талаар түргэн шуурхай, үнэн зөв мэдээлэл олж авах боломжийг бүрдүүлэх зэрэг болно.
Харилцан үнэлгээний тайланд Монгол Улс сайжруулах шаардлагатай зүйлс нэлээдгүй байгааг дурдсан байна. Ингээд харилцан үнэлгээний тайлангийн мөрөөр авсан арга хэмжээнүүдээ Монгол Улс 2018 оны 10 дугаар сард тайлагнахаар тогтсон байна.
Монгол Улс харилцан үнэлгээний асуудалд өндөр ач холбогдол өгч, Ерөнхий сайдын захирамжаар 15 яам, агентлагийн дэд сайд, дэд дарга нар бүхий Мөнгө угаах, терроризмыг санхүүжүүлэхтэй тэмцэх үндэсний зөвлөлийг 2017 оны 4 дүгээр сард байгуулан ажилуулж байгаа билээ.

Олон судлаачид хүн хүндээ татагдаж хайртай болоход 5 төрлийн үндсэн үе шаттай таардаг гэдгийг тогтоожээ. Гэвч ихэнхи хосууд 3 дахь үе шат дээрээ гацаж салах тохиолдол олон байдаг гэнэ. Та бүхэндээ 5 төрлийн үе шатыг танилцуулахад бид бэлэн. Харин та бэлэн үү?

1. Дурлах

Хэн нэгэн хүнийг харахаар аз жаргалын даавар илэрч амьдрах урам зориг тань ихсэж байвал та тэр хүнд дурласан байна гэсэн үг юм. Та тэр хүнтэй л хамт байвал бүх зүйлийг чадах мэт мэдрэмжийг өөр нэгэнд татагдах гэж ойлгож болно.

2. Үерхэх

Үерхэж эхлэх нь илүү дотно танилцаж хувь хүнийг дотоод ертөнцөөс нь харах боломжийг өгдөг. Таны асуудал, жаргал нөгөө хүнд , Түүний асуудал, жаргал танд нөлөөлж эхэлдэг. Үүнээс энэ хүнтэй цаашид хамт үерхэх нь надад хэр зэрэг тохирох вэ? гэсэн асуултын хариултыг ихэнх хүмүүс олж чаддаг юм.

Насанд хүрсэн хосуудад: Урт удаан хугацаанд үерхсэн хосуудад нэг л зүйл дутагдаж, хоосон хөндий санагдаж эхэлдэг бөгөөд энэ нь тэдний хоорондох харилцааг илүү хариуцлагатай, дотно болгох бяцхан хүүхэд байдаг. Хэрэв та бие биедээ хайртай боловч өдөр ирэх тусам уйтгартай, нэгэн хувийн санагдаж байгаа бол хүүхэдтэй болох талаар ярилцаад үзээрэй.

3. Итгэл алдрах

Түүнтэй хамт байх итгэл найдвар тасрах мэт сэтгэл хөдлөл танд ойр ойрхон мэдрэгддэг болж эхэлнэ. Хэрэв энэ хүнтэй хамт байгаад байвал таны амьдрал ингээд л дуусчих юм шиг таагүй сэтгэгдэл байнга төрөх нь таныг сэтгэлд гутралд оруулдаг. Энэ үед ихэнх хосууд хамт байх, салах нь огт ялгаагүй мэт санагдсанаас болж салах нөхцөл байдал бий болж хосууд салдаг байна. Гэвч эргээд бие биенээ санан нийлж чадвал тухайн хосуудын харилцаа улам дотно, гүнзгий, утга учиртай болж чаддаг. Хэрвээ эргэн нийлэхгүйгээр салсан бол та хоёрын хайр дурлал сэтгэлийн бус энгийн нэгэн бие биенээ шохоорхох сэтгэл хөдлөл байсан гэдгийг ойлгоорой.

4. Бодит, урт удаан хугацааны хайр үүсгэх

Хэрэв та өмнөх 3 үе шатаа давж гарсан бол бие биендээ бүх цаг, зав, сэтгэлээ гарган бие биенийхээ алдааг хүлээн зөвшөөрөн бие биенээ сайжруулах тал дээр хамтран ажиллаарай.

Одоо та хоёрт сүүлийн шатанд гарах боломж бүрдлээ.

5. Нэг хүн болох

Та хоёр нэгэнт бие биенээ хайрлахаар шийдсэн бол бие биенээ ойлгож, бие биенээ юу ч болсон уучлах ёстой гэдгийг үргэлж санаарай. Гэвч алдаа гэдэг тоотой байх хэрэгтэй гэдгийг өөрөө болон түүндээ анхааруулах хэрэгтэй. Таны хайртай хүнд муу зуршил байдаг бол сайн зуршил байдаг гэдгийг үргэлж санаж яваарай. Цаг хугацаа өнгөрөх тусам та хоёрын хүмүүжил, ааш араншин, зуршил хүртэл нэг болох болно. Ирээдүйд та хоёрыг нэгтгэсэн шинэ бие нь та хоёрын үр, удам бай билээ.

Бүгд Найрамдах Беларусь Улсын Минск хотноо энэ сарын 18-20-ны өдрүүдэд Худалдаа, эдийн засаг, шинжлэх ухаан, техникийн хамтын ажиллагааны Монгол, Беларусийн Засгийн газар хоорондын комиссын дөрөвдүгээр хуралдаан болно.

Хуралдаанаар талууд өмнөх хуралдааны мөрөөр хийсэн ажлаа дүгнэх юм байна. Мөн цаашид худалдаа, аж үйлдвэр, хүнс, хөдөө аж ахуй, зам тээвэр, уул уурхай, барилга, хот байгуулалт, банк, санхүү, боловсрол, шинжлэх ухаан, эрүүл мэнд, байгаль орчин болон онцгой байдлын салбарын хамтын ажиллагаагаа өргөжүүлэх чиглэлээр санал солилцох аж.

Хуралдаанд оролцох Монголын талын төлөөлөгчдийн баримтлах удирдамжийг Засгийн газрын өнгөрөгч лхагва гарагийн хуралдаанаар зөвшөөрчээ.

Биений юм ирэхийн өмөн зарим эмэгтэйчүүдийн махбодид зовиур шаналгаа илэрдэг. Энэ нь өнчин тархи, харааны товгор, бөөрний дээд булчирхайн үйл ажиллагаанд доголдол гарсантай холбоотой үүсдэг. Энэ хам шинж эрүүл эмэгтэйчүүдийн 25-30% -д, эрхтэн тогтолцооны ужиг өвчтэй эмэгтэйчүүдийн 50% -д тохиолддог. – Бэлэг эрхтний үрэвсэлт өвчнүүд – Эмгэг төрөлт – Үр хөндөлт – Сэтгэл санааны цочрол ядаргаа – Бие махбодын хурц архаг үрэвсэлт өвчнүүд биений юмны өмнөх хам шинжийг үүсэхэд шууд нөлөөлнө. Биений юм ирэхийн өмнө илрэх шинж тэмдгүүд – Толгой өвдөх, дотор муухайрах, бөөлжих, нойр хулжих, хэт цочромтгой болох, сэтгэл санаа өөрчлөгдөх, ааш араншин хурц болох шинжүүд илэрнэ. Эдгээр нь тархины эдэд шингэн хуримтлагдсантай холбоотой үүснэ. – Зүрх дэлсэх, хөлрөх, толгой эргэх, хөл хурууны үзүүр эрвэгнэх, мэдрэхүй сулрах – Үе мөчөөр өвдөх, хавагнах, хөх эмзэг болох зэрэг шинжүүд илэрнэ – Нэлээд хүнд тохиолдолд халуурах, огиулах, зүрх дэлсэж судасны тоо олшрох, амьсгал боогдох, шээсний гарц ихсэх зэрэг хам шинжүүд илэрнэ – Хааяа харшил, загатнаа гарах байдал илэрч болно. – Нуруу ууцаар өвдөх, хэвлийн доод хэсгээр базалж өвдөх – Гэдэс хэвлий томрох, дүүрэх – Зарим хоолонд дуртай, заримд дургүй хүрэх – Өтгөн хатах – Бие халуу шатах – Анхаарал төвлөрөл муудах – Жин нэмэх – Нойронд муудах Эдгээр шинжүүд биений юм ирэхэд дөхөхөд улам тод илрэх ба харин ирмэгц ор мөргүй алга болно. Биений юм ирэхийн өмнөх хам шинжийг эмгэг шинжийн тод бүдэг илрэл, өвчний явц, үргэлжлэх хугацаанаас хамаарч хүнд хөнгөн гэж ангилна. Хөнгөн хэлбэрийн үед биений юм ирэхээс 2-10 өдрийн өмнө 3-4 шинж илрэх ба 1-2 нь илүү тод илэрнэ. Хүнд хэлбэрийн үед биений юм ирэхээс 3-14 хоногийн өмнө 5- аас доошгүй шинж илрэх ба үүний 2 шинж илүү тод илэрдэг. Энэхүү эмгэгийг оношлох нь хялбар бөгөөд учир нь биений юмтай холбоотой сэдэрч, түүнийг ирэхэд өвчин арилах тул энэ байдлаар ялгах боломжтой Биений юм ирэхийн хам шинжийг эмчлэхдээ тархи мэдрэлийн тогтолцоог хэвийн болгох, биеийн дархлааг сайжруулах, үрэвслийг бууруулах, хаван хөөх, бэлэг эрхтэн бусад тогтолцооны ужиг эмгэг өвчинг эмчлэх замаар анагаах арга хэмжээг авна. Эмчилгээний гол хэсэг нь сэтгэл засал, хордлого тайлахад чиглэгддэг.

НӨАТ-ын урамшууллын 2017 оны 9 дүгээр сарын сугалааны тохирол маргааш буюу энэ сарын 17-ны ням гаригт 20.40 цагаас Боловсрол телевизээр орон даяар шууд явагдана.



Энэ удаагийн тохиролд 2017 оны 8-р сарын 1-нээс 8-р сарын 31-ний өдөр хүртэлх хугацаанд худалдан авалт хийсэн баримтаа 2017 оны 9 дүгээр сарын 16-ны өдрийн 23 цаг 59 минутаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдах юм.

АНУ-ын ерөнхийлөгч Жорж Бушийн 2001 оны зарлигаар есдүгээр сарын 17-ны өдрийг Үндсэн хуулийн ба Иргэний өдөр (Constitution Day and Citizenship Day) болгон зарлажээ. Харин есдүгээр сарын 17- 23-ны өдрүүдийг 1955 оноос эхлэн Үндсэн хуулийн долоо хоног болгосон байна. АНУ-д төрсөн, эсвэл иргэн нь болсон бүх хүмүүс энэ өдрийг тэмдэглэдэг. Гэхдээ амралтын өдөр биш. Дэлхийн анхны Үндсэн хууль болох АНУ-ын Үндсэн хуулийг 1787 оны есдүгээр сарын 17-ны өдөр 12 мужийн Конгрессийн төлөөлөгчид батлан гарын үсгээ зурсан байв. Конгресс 1940 онд тавдугаар сарын гурав дахь ням гаригийг Үндсэн хуулийн өдрөөр зарласан ба баярыг хожим есдүгээр сард авчирсан ч америкчууд тавдугаар сард баяраа тэмдэглэсээр иржээ.
Сургуулиудад долоо хоногийн турш Үндсэн хуулийн хичээл ордог. Чинээлэг иргэд нь буяны санд хандив өргөдөг уламжлалтай.

Үзэсгэлэнт жүжигчин бүсгүй Dior ордны сүрчигийг сурталчлах болсоор нилээд хэдэн жил болж буй.Miss Dior цуглуулга Eau de Parfum сүрчигээ шинэ хувилбараар гаргаж,түрхсэн эхний секундээс л танд таалагдана гэж бүтээгчид нь амлаж байна.

Нийгмийн эмзэг бүлгийн иргэдэд хууль зүйн туслалцаа үзүүлэх өдөрлөгийг энэ сарын 14-29-ний өдрүүдэд зохион байгуулахаар болжээ.

Өдөрлөгийг Монголын Хуульчдын холбооны Хуульчийн нийтэд тустай мэргэжлийн үйл ажиллагаа эрхэлсэн хороо, Төлбөрийн чадваргүй иргэдэд хууль зүйн туслалцаа, өмгөөллийн үйлчилгээ үзүүлэх хороо нь Монгол Улсад Гэмт хэргээс урьдчилан сэргийлэх зөвлөлийн ажлын алба, Хүний эрхийн үндэсний комисс, Хууль зүйн туслалцааны төв, Хууль зүйн үндэсний хүрээлэн, дүүргүүдийн Засаг даргын Тамгын газартай хамтран зохион байгуулж байгаа аж.

Өдөрлөгийн үеэр нийгмийн эмзэг бүлгийн хүмүүст шинээр батлагдсан Зөрчлийн тухай хуулийг сурталчлан таниулах, хууль зүйн анхан шатны зөвлөгөө үнэ төлбөргүй өгөх, шаардлагатай хүмүүсийг өмгөөлөгчтэй холбож өгөх, нотариатын зарим үйлчилгээ үзүүлэх зэрэг үйл ажиллагааг зохион байгуулах юм байна.

Нью-Йоркийн загварын долоо хоног гэрэл зурагт

Говь-Алтай аймгийн Шарга, Төгрөг, Тонхил, Дарив, Хөхморьт, Баян-Уул сумын 100 иргэнд нүдний болор солих мэс ажилбарыг үнэг төлбөргүй хийхээр болжээ.

Эмчилгээ, хагалгааг нүдний мэс заслын их эмч Б.Төмөрбаатар, УНТЭ болон Канадын “Лаурэл” сантай хамтран хийх бөгөөд энэ сарын 17-ноос тус аймагт ажиллах аж. Энэ үеэр иргэд нүдний бүх төрлийн оношилгоо, эмчилгээ үнэгүй хийлгэх боломжтой аж.

Сонгино хайрхан 10:30-18:00 2, 3-р хороо БН-ын 13-р гудамж болон ойр орчмоор

Монгол бөх Геннисийн дээд амжилтанд бүртгүүлсэн өдөр Бизкон аудит ХХК-ны 15 жилийн ойн баярт зориулсан Улс, аймгийн алдар цолтой 256 бөхийн Намрын нээлтийн барилдаан 2017оны 9-р сарын 17 -нд 14 цагаас Монгол бөхийн өргөөнд болно. /Энэ үеэр Өвөрхангай аймгийн Хужирт сумын айраг цагаан идээний баяр үзсэгэлэн худалдаатай/.




Жич: Энэ өдөр болох байсан Эрчим хүчний салбарын 95 жилийн ойн барилдаан хойшилж, 09-р сарын 30-ны 14 цагаас болохоор товлогджээ.




Мөн 09-р сарын 23-ны 12 цагаас Сумын цолтой болон залуу бөхчүүдийн намрын нээлтийн барилдаан,




09-р сарын 24-ний 14 цагаас у.н Б.Бадралын нэрэмжит АЦЦБЗалуу 256 бөхийн нээлтийн барилдаан тус тус МБӨ-нд болно.




Эрхэм хүндэт бөхчүүд үзэгчид та бүхнийг энэ намрын нээлтийн барилдаанууддаа хүрэлцэн ирэхийг урьж байна.

ХОНЬ - (3/21-4/19)



Шинэ шинэлэг бүхэн дэмжигдэх өдөр. Аялал жуулчлалаар буюу албан томилолтоор явбал олз омогтой. Амьдралыг гэрэл гэгээтэйгээр харж сэтгэлээ сэргээ. Сайхан сэтгэгдэл төрүүлсэн учрал, хүмүүсийг талархан дурс. Шинэ мэдлэг боловсрол эзэмшихэд таатай.



ҮХЭР - (4/20-5/20)



Ариусал бясалгалын өдөр. Угаал үйлдэх, орон гэртээ цэвэрлэгээ хийх, бие сэтгэлээ ариусгахад ээлтэй. Найз нөхөд, дотны хүнтэйгээ уулзаж, сайхан харьцаагаа баталгаажуул. Өнөөдөр танайд удаан уулзаагүй найз буюу холын садан төрлийн хүн ирнэ.


ИХЭР - (5/21-6/21)



Танин мэдэхүйн бэлгэдэлт өдөр. Мэргэ төлгө тавьбал өнгөрснийг, ирээдүйн хамт мэдэж авч болно. Мэдлэг туршлагаасаа бусадтай хуваалцвал цаашдын ажилд тань хэрэг болно. Ашиг орлого олох ажлын санал авна.


МЭЛХИЙ - (6/22-7/22)



Хүнд хэцүү өдөр. Чухал арга хэмжээ зохион байгуулах, шинээр ажил төрөл эхлэх, аян замд гарахад муу. Өдрийг хамгийн энгийн ажлаас эхлэ. Шударга бус найз нөхөд, хамтран ажиллагсдаас харилцаа холбоогоо таслахад, өр төлбөрийг барагдуулахад сайн өдөр.



АРСЛАН - (7/23-8/22)



Ариусал бясалгалд сайн өдөр. Кармын нөлөө хүчтэй байх тул мөргөл бясалгал, уучлал энэрлийг эрхэмлэ. Биоэнергийн эмчилгээ үр дүнтэй байна. Ойр дотныхон, үр хүүхэд, хань, садан төрөлдөө анхаарал тавь.


ОХИН - (8/23-9/22)



Ихийг хийж амжуулахад сайн. Таны төлөвлөсөн бүхэн бүтнэ. Санхүүгээ сайжруулах алхам хийвэл бүтэлтэй байна. Үнэт эдлэл, үнэт чулуу бүхий гоёл чимэг авахад ээлтэй. Өдрийн турш сэтгэл өөдрөг байвал ирэх сард мөн цоглог байна.


ЖИНЛҮҮР - (9/23-10/22)



Ариусал бясалгалд сайн өдөр. Кармын нөлоө хүчтэй байх тул мөргөл бясалгал, уучлал энэрлийг эрхэмлэ. Биоэнергийн эмчилгээ үр дүнтэй байна. Ойр дотны хүмүүсдээ анхаарал тавь.


ХИЛЭНЦ - (10/23-11/21)


Бусад хүнтэй хэдий чинээ их харьцана төдий чинээ их эрч хүчээр өөрийгөө цэнэглэж чадна. Аливаа ажил хэрэгт идэвхи санаачлага гарган бүтээлчээр хандвал амжилт олно. Үсээ засуулах, дүр төрхөө өөрчлөхөд сайн.


НУМ - (11/22-12/21)



Өнөөдөр хувийн ашиг сонирхлоо хэт чухалчлан гэр бүлээ дорд үзэж болохгүй өдөр. Тиймээс орон гэрээ тав тухтай болгоход илүү анхаарч, эвдэрч хэмхэрсэн зүйлээ сэлбэж янзал, мөн тавилгаа өөрчил. Мөн гэрийнхэндээ ямар нэгэн амлалт өгсөн бол түүнээ биелүүлэх цаг хэдийн болжээ. Хэрвээ та ганцаараа амьдардаг бол садан төрлийндөө зочил, удам судрын харилцаа холбоогоо бэхжүүл.


МАТАР - (12/22-1/19)



Сэтгэлийн ариуслын өдөр. Ямар ч нөхцөлд цэгцгүй замбараагүй байдлаас зайлсхий. Эхэлсэнээ дуусгалгүй орхих нь муу тул дуусгахыг хичээ. Аливаад хэмжээ хязгаартай, тэвчээртэй хандвал зохино. Түрэмгий авирлах нь эрүүл мэндэд муугаар нөлөөлөх тул цээрлэ.


БУМБА - (1/20-2/18)



Эвлэрэл нийцлийн бэлгэдэлт өдөр. Хэн нэгэнтэй муудалцсан бол эвлэрэх, харьцаа холбоогоо сэргээхэд сайн. Байшин барилгын ажлыг эхлүүлэх, барилгын суурь тавих, засвар засал хийх, нүүж суухад ээлтэй.


ЗАГАС - (2/19-3/20)



Хөдөлгөөнтэй байвал эрч хүч амархан нөхөгдөнө. Аялал зугаалгад явах, спортоор хичээллэх, бие чийрэгжүүлэхэд ээлтэй. Тиймээс амьдралын идэвхитэй хэв маягийг баримтлах өдөр. Усны эмчилгээний чанар нэмэгдэх тул усаар муу бүхнийг ариусган цэвэрлэж болно.

Сельфи гэдэг үг нийгмийн сүлжээ хэрэглэгч хүн бүр мэднэ. Сельфи хийх нь өөрийнхөө зургийг дарах урлаг байж болох юм. Гэхдээ чухам хэзээнээс сельфи гэх хандлага гарч ирсэн юм бол? Сельфиний тухай таны мэдэхгүй сонирхолтой баримтуудыг хүргэе.

…Би Монголын нийгэм дэх нэг үзэгдлийг ойлгодоггүй юм. Буруу шийдвэр болоод буруу үйлдэл болгоны хариуцах эзнийг олдоггүй будилаад, битүү утгатай тайлбар учирлаад байдгийг. Яаж ч бодсон тэр шийдвэрийг гаргасан, баталгаажуулсан цаасан дээр хэн нэгний гарын үсэг байж л байгаа шүү дээ.

2017.9.17, НЯМ ГАРАГ / БИЛГИЙН ТООЛЛЫН: 27

НАМРЫН ЭХЭН ШАР БИЧ САР
ГУРВАН ХӨХ МЭНГЭТЭЙ УЛААГЧИН ХОНЬ ӨДӨР

Аргын тооллын: 2017.9.17, Ням гараг
Наран ургах шингэх: 06.31-19.00
Үс засуулбал: Өлзийтэй сайн
Барилдлага: Үхэх
Шүтэн барилдлага: Сансар
Тухайн өдөр луу жилтнээ аливаа үйлийг хийхэд эерэг сайн. Бурханы ёс ба тарни бүтээх, амраг нөхдийг хураахуйд сайн. Баруун чих хангинавал асрагдах, зүүн нь бол буян арвижих, нохой уливал гэрийн тэнгэр зайлсан, хэрээ гуаглавал эд агуурс олдох, тагнай загатнавал зочин ирэх, бие татвал гаслан болох, хөл татвал хувцас олдоно. Өдрийн сайн цаг нь бар, туулай, могой, бич, нохой, гахай болой.

Малчид, тариаланчид, иргэдийн анхааралд:

Өнөө шөнө Булган, Сэлэнгэ, Төв аймгийн газар тариалангийн бүс нутгаар хөрсөн

дээр сулхан цочир хүйтрэх тул ил задгай төмс, хүнсний ногоо хайрагдаж болзошгүйг анхааруулж байна.

Улсын Онцгой комиссын албан даалгаврын хэрэгжилтийг хангуулах зорилгоор Чингэлтэй дүүргийн 19 дүгээр хорооны хориглосон бүсэд байгаа мал бүхий 27 өрх, иргэдэд хүн, мал, амьтны халдварт өвчнөөс урьдчилан сэргийлэх зорилгоор өдөрлөг зохион байгуулжээ.