Охид бүсгүйчүүдийг дээрэмддэг бүлэглэлийг Мөрдөн байцаах газрын Онц хүнд гэмт хэрэг мөрдөх хэлтсийн алба хаагчид баривчлан шалгаж байна.

Завхан аймгийн Идэр суманд энэхүү хэрэг гарсан бөгөөд 50 орчим настай Т гэгч эмэгтэй өөр дээрээ бензин цацаж, шатаж амиа хорлосон.

Г.Дэнзэн “Говь Повер” компанид хамааралгүй болж тус компани өөр эзэнтэй болох нь тогтоогдлоо
Засгийн газрын хэрэг эрхлэх газрын дарга асан Г.Дэнзэн нарын таван хүнд холбогдох хэргийн шүүх хурал Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд өчигдөр 10:00 цагаас эхэлсэн бөгөөд өнөөдөр мөн үргэлжилж байна. Энэхүү хэрэг анх Ерөнхий сайд Н.Алтанхуягийг огцруулах тухайн үеийн сөрөг хүчин болох МАН-ын тогтоолын төслөөс эхлэлтэй байдаг.
Тэрээр 2014.10.22 нд УИХ дахь МАН-ын гишүүн Н.Номтойбаяр нарын Ерөнхий сайдыг огцруулах үндэслэлүүдийг сэтгүүлчдэд танилцуулахдаа:
http://vip76.mn/content/27544 “Н.Алтанхуяг Ерөнхий сайд болсныхоо дараа хувийн ашиг сонирхлоор төрийн өмчит ”Эрдэнэс-Тавантолгой” ХК-ийн нүүрс тээвэрлэлтийн гэрээг зогсоосон. Үүний үр дүнд Монгол Улс олон янзаар хохирлоо. Энэхүү түр зогсолтын хугацаанд Ерөнхий сайдын хүргэн, Засгийн газрын Хэрэг эрхлэх газрын дэд дарга Г.Дэнзэн Төрийн өмчит ”Эрдэнэс Тавантолгой” ХК-ийн ТУЗ-ийн даргаар ажиллаж байхдаа тус компанийн 17 тэрбум төгрөгийн тендерт эхнэрийн нэр дээрх ”Говь Повер” ХХК-ийг ялуулсан. Уг тендерийг хүчингүй болгосны дараа шүүхэд хандаж, төрийн өмчит ”Эрдэнэс Тавантолгой” ХК-иас 4.688,5 сая төгрөгийг гаргуулж авсан” гэсэн юм.
Харамсалтай нь дээрх МАН-ын бүлгийн мэдэгдэлд дурьдагдсан ”Говь Повер” ХХК гэх компани Г.Дэнзэнд ямарч хамааралгүй болох нь тус компанийн эзэн Баярмаагийн мэдүүлэгт тодорхой тусгагдсан байна. Тэрээр “Говь Повер” компанийн эзэн Баярмаа авсан мөнгөө юунд зарцуулснаа шүүхэд мэдүүлжээ. Тэрээр Г.Дэнзэнг хамааралгүй болохыг нотлов.
ЯЛЛАГДАГЧ БАЯРМАА: Г.ДЭНЗЭНТЭЙ ЯМАР Ч ХОЛБООГҮЙ
“Миний бие Эрдэнэс таваннтолгой компанитай Гаалийн хяналтын бүсэд агуулахын үйлчилгээ үзүүлэх гэрээ байгуулсан. Гэрээнийхээ дагуу ажилласан. Ажиллах явцад биднээр нэмэлт их хэмжээний ажил хийлгэсэн. Тэрнээс биш манайд үйлчилгээ үзүүлэх хэмжээний талбай, тоног төхөөрөмж байсан. 2012 оны нэгдүгээр сарын 25-ны өдрөөс 2013 оны зургадугаар сарын 01-ний өдөр хүртэлх тайланд тодорхой тусгасан байдаг. Энэ их хэмжээний ажлыг хийж гүйцэтгэхэд манай компаниас 3,5 тэрбум орчим төгрөгийн зардал гарсан. Үүнийг болон гаалийн хяналтын талбайн газрынхаа үнийн хамт нэхэмжилсэн. Тэгээ тэрний дагуу шүүхийн шийдвэр гарч мөнгөө авсан.Эрдэнэс тавантолгой компаниас шаардлага тавьж нэмэлтээр хийлгэсэн ажлуудыг зөвхөн өөрсдийнхөө зардлаар хийсэн. Тэгээд ч Эрдэнэс тавантолгой ХХК энэ талбайг авснаараа завшсан зүйл байхгүй. Оруулсан хөрөнгө оруулалтаа ч буцааж авсан. Би эд хөрөнгө завшаагүй, эрх мэдлээ урвуулахад нь хамтраагүй. Миний бие гаалийн хяналтын бүсийн үйлчилгээ үзүүлэх чиглэлээр ажиллая гэж бодоод “Говь повер” ХХК-ийг хүн зарна гэснийг сонсоод худалдаж авсан. Энэ компанийг урьд нь таньдаг байсан Дашдондогоос нэг тэрбум төгрөгөөр 2013 оны нэгдүгээр сард худалдан авч байсан. Компани худалдан авсан төлбөрийн 200 саяыг бэлнээр шууд өгсөн. Үлдэгдлийг нь цувуулж өгөхдөө заримыг нь бэлнээр, бэлэн бусаар сууц тооцож өгч байсан. Би Г.Дэнзэнтэй ямар ч харилцаа холбоо байхгүй.
Хэдэн жил дамнасан “Говь повер” ХХК компани Г.Дэнзэнтэй хамааралгүй гэдэг нь нотлогдохтой зэрэгцээд дахин шинэ хэрэг өчигдөр болсон шүүх хурал дээр гарч ирэв. Шүүх хурлын үеэр Улсын ялагч н.Бадамцэцэгийн уншсан яллах дүгнэлтэд: “Г.Дэнзэн нь Монгол Улсын Тэргүүн шадар сайдын ахлах зөвлөхөөр ажиллаж байхдаа Тэргүүн шадар сайдын тушаалаар Замын-Үүдийн эдийн засгийн чөлөөт бүсийн хил гаалийн шалган нэвтрүүлэх боомтод авто тээврийн хэрэгсэл жинлэх 150 тоннын даацтай хэмжилтийн пүү худалдан авах ажлын гүйцэтгэгчийг сонгон шалгаруулах үнэлгээний хорооны даргаар томилогдон ажиллахдаа албан тушаалын эрх ашгаа албаны эсрэг буюу хувийн ашиг сонирхлоор хандсан” тухай байв. Дээрх баримтуудаас харахад Г.Дэнзэнгийн 4 жилийн турш холбогдож, хоригдож, шалгагдаж байсан “Говь повер” ХХК, 17 тэрбум төгрөгний хэрэг Г.Дэнзэнд хамааралгүй нь шүүх дээр тодорхой болж, уг хэрэгт буруугүй гэдэг нь батлагдаж байх шиг. Гэтэл 200 саяын пүүний хэрэг гэнэт гарав гэдэг асуулт гарч ирнэ.
2015 оны 5 сарын 21 http://www.news.mn/r/212949
Г.Дэнзэн: “Би бохир улс төрийн золиос болсноо нотлох болно” гэсэн гарчигтай news.mn сайтад өгсөн ярилцлагандаа “
“-Гэхдээ зарим баримт бол үгүйсгэхийн аргагүй л байдаг ш дээ. Танай эхнэр Уянгын нэр дээр “Говь повер” байсан биз дээ?
-Манай эхнэр хүүхдээ гаргачихсан, нярай биетэй гэртээ байсан үе. Юун тендер, юун Тавантолгой вэ. Тэгээд ч тэр компанийн Уянга нь “Ж” овогтой байсан. Манай эхнэр бол Г.Уянга. Би тэгээд ч тэр компанитай холбогдъё гэж бодоогүй. Аягүй бол асууж сураглавал ахиад холбоно биз гэж бодсон. Ер нь бол Дэнзэн гэдэг хүнтэй яаж энэ бүхнийг холбох вэ гэж бүх талаас нь судалсан байдаг юм билээ. Жишээ нь, Уянга гэдэг нэр гарангуут эхнэр нь болгоод л, “Говь повер” гэдэг компани гэнгүүт Г.Дэнзэн Дорноговийнх гэж холбоод л. Ийм л байсан ш дээ.” гэсэн юм.
Ийнхүү 2013 оноос эхлэлтэй Ерөнхий сайд асан Н.Алтанхуягийг огцруулах тогтоолд өргөн баригдсан МАН-ын анхлан гаргасан дээрх хэрэг үнэхээр Г.Дэнзэнгийн хэлснээр бохир улс төрийн явуулаг байсан уу? Яагаад өчнөөн жил цоллосон хэрэг нь хамааралгүй болонгуут гэнэт шинээр хэрэг үүсгэв. Үнэхээр 20 хэдхэн настай залуу улс төрийн золиос болсон уу зэрэг олон асуултын тайлбар энэ шүүх хурлаар гарах биз ээ.

Г.Дэнзэн

Нийслэлийн Засаг дарга бөгөөд Улаанбаатар хотын захирагч С.Батболд өнөөдөр нийслэлийн нутаг дэвсгэр дэх түгээмэл тархацтай ашигт малтмалын ашиглалтын үйл ажиллагаа, байгаль орчинд үзүүлж буй сөрөг нөлөөлөл, түүнийг бууруулах чиглэлээр хэрэгжүүлж буй ажлын талаар мэдээлэл өглөө. Өнөөдрөөс эхлэн нийслэлийн бүтээн байгуулалтад голын хайрга биш, уулын дайрга ашиглана. Түгээмэл тархацтай ашигт малтмалын ашиглалтын үйл ажиллагаа явуулахдаа байгаль орчны нөхөн сэргээлтээ хийгээгүй, хууль зөрчиж байгаа аж ахуйн нэгжийн үйл ажиллагааг бүтээн байгуулалтын улирал эхэлж байгааг үл харгалзан зогсоож, тусгай зөвшөөрлийг нь цуцална гэдгийг хотын дарга онцоллоо.

С.Батболд: Нийслэлийн бүтээн байгуулалтад голын хайрга биш уулын дайрга ашиглана



Тэрбээр хэлэхдээ “Өнөөдөр Улаанбаатар хотын барилга, авто замын бүтээн байгуулалтад ашиглагдаж байгаа хайрга, дайргыг 100 хувь нийслэлийн нутаг дэвсгэрээс бэлтгэж байна. Олборлох зардал багатайгаар нь хайргыг илүү ашигладаг. Туул голын сав газраас хайргыг ихээр олборлож байна. Энэ байдал нь нийслэлийн иргэдийн эрүүл, аюулгүй орчинд амьдрах эрхийг ноцтойгоор зөрчиж байна. Хотын удирдлагууд өнгөрсөн хугацаанд тодорхой газруудаар явж шалгалт хийсэн. Ялангуяа ХУД-ийн нутаг дэвсгэр дэх Туул голын сав газар түгээмэл тархацтай ашигт малтмалын олборлолтод өртсөн, нөхөн сэргээлт хийгдээгүй, нүд хальтрам байдал бий болсон байсан. Тиймээс бид цаашид нөхөн сэргээлт хийгээгүй аж ахуйн нэгжийн үйл ажиллагааг зогсооно. Голын ай сав газар олборлолт хийхийг хориглосон 70 гаруй лицензтэй аж ахуйн нэгжийн үйл ажиллагааг зогсоох ёстой. Үүнд НМХГ хяналт шалгалт хийгээд лицензийг нь цуцлах арга хэмжээ аваач гэдгийг Байгаль орчин, ногоон хөгжил, аялал жуулчлалын яаманд хүргүүлсэн. Харин голын гольдрол буюу хуулиар заасан хэмжээнээс гадна олборлож байгаа 11 аж ахуйн нэгж үйл ажиллагаагаа явуулна. Гэхдээ эдгээрт нөхөн сэргээлт хийх шаардлага хүргүүлж байгаа.” гэлээ.

Ашиглалт явуулж буй бүх аж ахуйн нэгж Байгаль орчны төлөвлөгөөний биелэлт буюу нөхөн сэргээлтийн ажлын тайлангаа Нийслэлийн Байгаль орчны газарт ирүүлэх ёстой. Гэтэл 2016 онд 88 аж ахуйн нэгжээс ердөө 14 аж ахуйн нэгж өгчээ.

Нийслэлийн Засаг даргын захирамжаар Улаанбаатар хотын суурьшлын бүсийг шинэчлэн тогтоосон. Цаашдаа энэ бүсэд түгээмэл тархацтай ашигт малтмал хайх, олборлох, ашиглах зөвшөөрөл олгохгүй гэдгийг хотын дарга мэдэгдлээ. Тэрбээр “Одоо үйл ажиллагаа явуулж байгаа аж ахуйн нэгжүүдийн үйл ажиллагааг үе шаттай зогсооно. Нийслэлийн суурьшлын бүсэд зөвхөн хүн эрүүл амьдрах орчныг л бүрдүүлэх ёстой.” хэмээв.

Нийслэлийн Засаг даргын дараагийн өгсөн гол мэдээлэл нь цаашид Улаанбаатар хотын бүтээн байгуулалтад голын хайрга биш уулын дайрга ашиглах талаар байв. Энэ жилийн нийслэлийн худалдан авах ажиллагааны бүх ажлын даалгаварт барилгын болон замын ажилд зөвхөн уулын дайрга ашиглахаар заасан байна. Хотын удирдлагуудын зүгээс бүтээн байгуулагчид, худалдан авагчид, иргэддээ хандан уулын дайргыг түлхүү хэрэглэхийг уриалж байгаа юм. Аж ахуйн нэгжүүд дайрга олборлох зөвшөөрөл авч болохыг хотын дарга хэллээ.

НМХГ-ын дарга Л.Эрдэнэчулуун хэлэхдээ “2016 онд хийсэн шалгалтаар нөхөн сэргээх үйл ажиллагааг хангалтгүй хийсэн 4 компанид 20 сая төгрөгийн торгууль тавьж, үйл ажиллагааг нь зогсоосон. Мөн түгээмэл тархацтай ашигт малтмалын тусгай зөвшөөрөл эзэмшигчийн нийтлэг үүргээ биелүүлээгүй 3 компанид 25 сая төгрөгийн торгууль тавьж, үйл ажиллагааг зогсоох акт гарсан.” гэв.

Мэргэжлийн байгууллагын мэдээлж байгаагаар голын хайргыг угаах шаардлагагүй бөгөөд ангилж ялган 0-5 мм, 5-10 мм, 10-20 мм хэмжээтэй болгон шууд бетон зуурмагт хэрэглэдэг байна. Энэ нь хэдий зуурмагт ашиглаж болох боловч барьцалдах чанар муу авто зам болон барилгын механик, динамик үйлчлэлд бат бэх чадвараа удаан хадгалж чаддаггүй бөгөөд амархан хагарч, гэмтдэг байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Монголын үндэсний бөхийн холбооноос ирэх дөрөвдүгээр сард бөхийн өргөөнд болох барилдааны хуваарийг гаргажээ.

Өнгөрсөн долоо хоногийн эхний өдрүүдэд Баян-Өлгий, Увс, Ховд, Говь-Алтай, Завхан, Баянхонгор, Хөвсгөл, Архангай, Булган, Өвөрхангай, Өмнөговь, Дундговь, Дорноговь аймгийн нутгаар 2-4 хоног үргэлжлэн их хэмжээний цас, ялангуяа Өмнөговийн Ноён сум, Баянхонгорын Баянхонгор хот орчимд хамгийн их 36-37мм цас орсон байна. Үүний зэрэгцээ Баянхонгор, Өвөрхангай, Өмнөговь, Дундговь, Дорноговийн нутгаар 1-2 хоног үргэлжлэн хүчтэй цасан шуурга шуурсан. Ингэж их хэмжээний цас орж, цасан шуурга шуурсны улмаас цасан бүрхүүлийн зузаан цаг уурын ажиглалтын талбайн хэмжилтээр 30-40см-ээр, хонхор хотгор газраараа 80-100см-ээр нэмэгдсэн байна.

Гэтэл ойрын өдрүүдэд өдөртөө нийт нутгаар дулаан байх тул цас эрчимтэй хайлахыг анхааруулж байна.

Баянзүрх дүүргийн долоодугаар хорооны нутаг дэвсгэр Баянцээлийн гудамжинд Баянзүрх дүүрэг дэх цагдаагийн хоёрдугаар хэлтээс санаачилан “Баянцээл дэх цагдаагийн хэсэг” байгуулж, 24 цагаар үүрэг гүйцэтгэж байна.
Баянцээлийн гудамжинд архи согтууруулах ундаа худалдан борлуулдаг цэг, баар цэнгээний газрууд ихээр төвлөрсөн эрүү болон хэв журмын нөхцөл байдал хүнд гэмт хэрэг, зөрчил олноор гардаг. Тиймээс тус гудамж, орчмын газарт иргэдэд цагдаагийн байгууллага хүрч ажиллах зорилгоор “Баянцээл дэх цагдаагийн хэсэг”-ийн үйл ажиллагааг эрчимжүүлээд байна.
Баянзүрх дүүргийн долоодугаар хорооны нутаг дэвсгэрт архи, согтууруулах ундаагаар үйлчилдэг 57 аж ахуйн нэгж, байгууллага байдгаас 20 гаруй нь үүрийн 04:00 цаг хүртэл ажилладаг ажээ.
Тус газарт 24 цагаар цагдаагийн хэсэг ажиллаж, явган эргүүл, машинт эргүүлийн алба хаагчид эргүүлийн чиглэлд ажилласнаар иргэдийг гэмт хэрэг, зөрчилд өртөж хохирох гэмт хэрэг, зөрчил үйлдэгдэхээс урьдчилан сэргийлэх, хуулийн хэрэгжилт эрчимжих, амар тайван амьдрах нөхцөл бололцоо хангагдах юм. Мөн цагдаагийн алба хаагчид Баянцээлийн гудамж дагуу үйл ажиллагаа явуулж байгаа байгууллага, аж ахуйн нэгж, иргэдийн үйл ажиллагаанд хяналт тавьж хуулийн хэрэгжилтийг жигд хангуулах арга хэмжээг зохион байгуулна.
Баянзүрх дүүрэг дэх цагдаагийн хоёрдугаар хэлтсээс цаашид хариуцсан нутаг дэвсгэрийн эрүү болон хэв журмын нөхцөл байдал хүндэрсэн газруудад иргэдийн хүчийг ашиглан 24 цагийн ажиллагаатай хэсгүүдийг ажиллуулахаар төлөвлөжээ. “Баянцээл дэх цагдаагийн хэсэг”-тэй 102, 8822-0023 дугаарын утсаар холбогдох болон иргэд өөрийн биеэр очиж дуудлага, мэдээлэл өгөх боломжтой юм.

”Оюутан цэрэг” хөтөлбөр 2014-2016 онд амжилттай хэрэгжиж, 2017 оноос “Цэргийн албаны тухай хууль”-ийн дагуу дөрөв дэх жилдээ хэрэгжихэд бэлэн боллоо. Энэ жилийн ”Оюутан цэрэг” цэргийн мэргэжил олгох сургалт орон нутагт хэрэгжихээрээ онцлог болох юм. Орон нутагтаа их, дээд сургуультай аймгуудын удирдлагууд, нутгийн иргэдийн хүсэлтийн дагуу энэ хөтөлбөр Ховд, Дорнод аймагт хэрэгжинэ. Тодруулбал, нийслэлд 750, Ховд аймагт 150, Дорнод аймагт 100 оюутан ”Оюутан цэрэг” хөтөлбөрт хамрагдах боломжтой болж байна.

Хөтөлбөрийн дүнд Монгол Улсын цэргийн насны оюутан залуус иргэний цэргийн үүргээ биелүүлэх нөхцлийг нэмэгдүүлэх, цэргийн алба хаах хэлбэрт шинэчлэл хийсэн чухал арга хэмжээ болсон төдийгүй Монгол Улсын их, дээд сургуулийн оюутнуудыг суралцах хугацаанд нь цэргийн эрчимжсэн сургалттай тусгай хөтөлбөрөөр цэргийн бэлтгэл сургалтад хамруулж, цэргийн алба хаах бололцоог бүрдүүлсэн. Оюутан залуус цэрэг эх оронч үзэл бодолтой, эх орноо батлан хамгаалах эрүүл чийрэг, бие бялдар, сэтгэл зүйн бэлтгэлтэй залуус болон төлөвшиж, дайчилгааны бэлтгэл нөөцийн бүрэлдэхүүн нэмэгдэж байгааг албаныхан онцолж байгаа юм.

“Оюутан цэрэг” цэргийн мэргэжил олгох сургалтын бүртгэл их, дээд сургуулиудын бакалаврын өдрийн ангид суралцаж байгаа нэгдүгээр дамжааны 18 нас хүрсэн оюутнуудаас сайн дурын үндсэн дээр алба хаах залуусыг их, дээд сургуулийн сургалтын алба, сургуулийн тодорхойлолтоор харьяа дүүргүүдийн цэргийн штабаар дамжуулан 2017 оны 03 дугаар сарын 01-нээс эхлэн бүртгэж, журмын дагуу сонгон шалгаруулалтыг явуулж, эрүүл мэндийн үзлэгт хамруулсан.

Цэргийн мэргэжил олгох сургалтын нээлтийг 2017 оны 03 дугаар сарын 31-ний өдрийн 15.00 цагт Нийслэлийн захиргааны 5 дугаар байр ”Иргэний танхим”-д зохион байгуулна гэж нийслэлийн ЗДТГ-ын Цэргийн штабаас мэдээллээ.

Монгол улсын Иргэн Г.Ичинхорлоо 3 сарын 8-наас эхлэн Монгол Улсаас Их Британи, Умард Ирландын Нэгдсэн Вант улсад суух онц бөгөөд бүрэн эрхт элчин сайд С.Баярыг эсэргүүцэж буйгаа зарлан

Завхан аймгийн Идэр суманд энэхүү хэрэг гарсан бөгөөд 50 орчим настай Т гэгч эмэгтэй өөр дээрээ бензин цацаж, шатаж амиа хорлосон талаар бид мэдээлсэн.

Монгол Улсын Хууль зүй, дотоод хэргийн яам, Оросын Холбооны Улсын Дотоод хэргийн яам хоорондын хамтын ажиллагааны хэлэлцээрийн хүрээнд Хууль зүй, дотоод хэргийн сайдын эрхлэх асуудлын хүрээний харьяа Цагдаагийн ерөнхий газар, Шүүхийн шийдвэр гүйцэтгэх газар, Шүүхийн шинжилгээний үндэсний хүрээлэн, Хууль сахиулахын их сургуулийн захиалгаар 2017-2018 оны хичээлийн жилд Оросын Холбооны Улсын Дотоод хэргийн яамны харьяа их, дээд сургуулийн бакалавр, магистрантур, адъюнктурт элсүүлэн суралцуулах нэмэлт сонгон шалгаруулалт зарлаж байна.

Суралцах чиглэл, захиалагч байгууллага

Бакалаврт - 1 суралцагч

Шүүхийн шийдвэр гүйцэтгэх ерөнхий газар – 1 /эрэгтэй/
Магистрантурт – 4 суралцагч

Цагдаагийн ерөнхий газар – 2
Шүүхийн шинжилгээний үндэсний хүрээлэн – 1
Хууль сахиулахын их сургууль – 1
Адъюнктурт- 2 суралцагч

Хууль сахиулахын их сургууль – 2
Элсэгчдэд тавигдах нийтлэг шаардлага:

- Орос, англи хэлний мэдлэгтэй;

- Биеийн ил харагдах хэсэгт шивээсгүй;

- Бие бялдрын болон сэтгэцийн эрүүл мэндийн зохих шалгуурыг хангасан байх;

- Ял шийтгэлгүй, ял эдэлж байсан бол ял шийтгэлтэйд тооцох хугацаа дууссан;

- 17-25 хүртэл насны.

Бакалаврт тавигдах шаардлага:

1. Алба хаагчдад тавигдах тусгай шаардлага:
- Захиалагч байгууллагад 3-аас доошгүй жил А, В буюу түүнтэй тэнцэх

үнэлгээтэй ажилласан байх;

- Албаны сахилга, ёс зүйн хувьд зөрчил дутагдал гаргаж байгаагүй байх.

2. Иргэдэд тавигдах тусгай шаардлага:
- Бүрэн дунд боловсролтой, ерөнхий боловсролын сургуулийг А, В

үнэлгээтэй суралцаж төгссөн, эсхүл магадлан итгэмжлэгдсэн их, дээд

сургуулийн 1-2 дугаар дамжаанд 3.2 –аас дээш голч дүнтэй суралцаж байгаа;

- Гэмт хэрэг, зөрчилд холбогдож байгаагүй.

Магистрантурт тавигдах шаардлага:

- Бакалавр, захиалагч байгууллагад мэргэжлээрээ тасаг, хэлтсийн дарга, түүнээс дээш зэрэглэлийн удирдах албан тушаалд 3-аас доошгүй жил үр бүтээлтэй ажиллаж байгаа;

- Орос хэлний дундаас дээш түвшний мэдлэгтэй;

- Архаг өвчин, сэтгэцийн эмгэггүй;

- Албаны сахилга, ёс зүйн хувьд зөрчил дутагдал гаргаж байгаагүй байх.

Адъюнкурт тавигдах шаардлага:

- Магистр, мэргэжлээрээ захиалагч байгууллагад 3-аас доошгүй жил үр бүтээлтэй ажиллаж байгаа;

- Зэрэг горилох чиглэлээр судалгаа, шинжилгээний ажил хийж, бүтээлээ мэргэжлийн сэтгүүлд эсхүл ном товхимол болгон нийтлүүлсэн;

- Элсэгчийн судалгаа, шинжилгээний ажлын сэдэв, агуулга нь харьяа байгууллагын зорилго, зорилтыг хэрэгжүүлэхтэй холбогдсон;

- Орос хэлний дундаас дээш түвшний мэдлэгтэй;

- Архаг өвчин, сэтгэцийн эмгэггүй;

- Албаны сахилга, ёс зүйн хувьд зөрчил дутагдал гаргаж байгаагүй байх.

Бүрдүүлэх материал:

- Иргэний үнэмлэх нотариатаар баталгаажуулсан хуулбар;

- Боловсролын гэрчилгээ, диплом эх хувиараа болон нотариатаар баталгаажуулсан хуулбар;

- Бүрэн дунд сургууль төгссөн сурагч элсэлтийн ерөнхий шалгалтын батламж;

- Албан хаагчид ажлын газрын тодорхойлолт;

- Иргэний ял шийтгэлтэй эсэх талаар лавлагаа;

- Одоо суралцаж буй оюутан бол сургуулийн тодорхойлолт, сургалтын голч дүнгийн хуулбар;

- Төрийн албан хаагчийн анкет;

- 3*4 хэмжээтэй цээж зураг 4 хувь;

- Бүртгэлийн хураамж 40.000 /бэлэн/ төгрөг.

Бүртгэл:

Бүртгүүлэгч нь 2017 оны 03 дугаар сарын 29-ний өдрөөс 04 дүгээр сарын 10-ны өдөр хүртэл суралцах чиглэлийн дагуу захиалагч байгууллагад / ЦЕГ-ийн 509 тоот, ХСИС-ийн 625 тоот, ШШГЕГ-ын 204 тоот, ШШҮХ-ийн 404 тоот/ бүртгүүлнэ.

Утас: ЦЕГ – 70119963, ШШГЕГ- 70109962, ХСИС- 70155015, ШШҮХ- 70113400/

НҮБ-ын Хүүхдийн Сангаас өвөлжилт хүндэрсэн аймаг, сумдын хүүхэд болон хөхүүл, жирэмсэн эхчүүдэд хүргэх тусламжийг хүлээлгэн өгөв.

Улаанбаатар хот, 3-р сарын 29. 2017 оны 2-р сарын байдлаар манай улсын нийт 17 аймгийн 158 суманд өвөлжилт хүндэрсэн тухай Онцгой байдлын Ерөнхий газраас мэдээлсэн билээ. Эдгээр суманд амьдарч байгаа хүүхэд, хөхүүл болон жирэмсэн эхчүүдэд нэн шаардлагатай хоол тэжээл, амин дэмийн тусламжийг НҮБ-ын Хүүхдийн Сангаас өнөөдөр Эрүүл мэндийн яаманд хүлээлгэн өгөх ажиллагаа болж байна.
Өвөлжилт хүндэрсэн дээрх 158 сумын 26 116 хүүхэд (200 хүртэл бог малтай өрхийн 60 хүртэл сартай хүүхэд), 15 800 хөхүүл болон жирэмсэн эмэгтэй, сумын эрүүл мэндийн төвд доорх нэрийн тусламжийг үзүүлнэ. Үүнд:
• Олон найрлагат бичил тэжээлийн бэлдмэл /хүүхэд, ээжүүдэд/
• А аминдэм
• Тураалын эмчилгээний сүү
• Бугалганы тойрог хэмжигч /хүүхэд, насанд хүрэгчид/
• Сургалтын зардал, шатахууны зардал
• Жин хэмжигч
• Нялх, бага насны хүүхдийн хооллолтын зөвлөгөө өгөх багц.

Тусламжийн хүрээнд
- 6-59 хүртэл сартай хүүхэд, жирэмсэн эмэгтэй, хөхүүл эхэд олон найрлагат бичил тэжээлийн бэлдмэл түгээх
- 5 хүртэлх насны хүүхдийн эцэг, эх, жирэмсэн эмэгтэй, хөхүүл эхэд хоол тэжээлийн зөвлөгөө (нялх, бага насны хүүхдийн хооллолт, асаргааны чиглэлээр) өгөх
- 14 хоногоос 1 сарын хугацаанд гэрийн эргэлт хийж, хэрэглээг хянах
- Бага насны хүүхэд, жирэмсэн эмэгтэй, хөхүүл эхийн хоол тэжээлийн байдлыг үнэлж, хоол тэжээлийн хурц дутлыг илрүүлж, эмчилнэ.

Тусламжийн бараа материалыг Улаанбаатар хотоос Эрүүл мэндийн яам, Монгол Эм Импекс концерн хамтран дээрх сумдад хүргэх ажлыг удирдан, зохион байгуулна. Тусламжид хамрагдах иргэдийн нэрсийг эрүүл мэндийн газрууд орон нутгийн засаг захиргаатай хамтран урьдчилсан байдлаар гаргасан байна.
“НҮБ-ын Хүүхдийн Сангийн хувьд онцгой байдлын үед нэн тэргүүнд бага насны хүүхэд болон жирэмсэн, хөхүүл эхчүүдийн эрүүл мэндийг хамгаалах, тэднийг эндэх, хоол тэжээлийн дуталд орохоос урьдчилан сэргийлэхийг зорьдог. Бидний хийсэн судалгаагаар 5 хүртэлх насны 26 116 хүүхэд, 15 800 жирэмсэн болон хөхүүл эмэгтэйчүүд хоол тэжээлийн дуталд орох эрсдэлд байгааг тогтоосон. Тиймээс тэдгээр хүүхэд, эхчүүдэд Канадын хандивлагчдаас санхүүжүүлж буй хоол тэжээлийн багц тусламжийг хүргүүлж байгаа юм” гэж Монгол дахь НҮБ-ын Хүүхдийн Сангийн Суурин төлөөлөгч Роберто Бэнес хэлэв.
Тусламжийн нийт санхүүжилт 339 000 ам.доллар буюу 828.1 сая төгрөг юм.

Өнгөрөгч амралтын өдрүүдэд, дэлхийн санхүүгийн томоохон төв хот болох, Хонгконг-д Ази тивийн хамгийн томоохонд тооцогдох, ”Art Basel Hong Kong” уран зургийн үзэсгэлэн гарлаа. Тав дахь жилдээ зохион байгууладсан энэхүү үзэсгэлэнд уран зургаас гадна, дэлхийн алдартнуудыг дуурайлгын хийсэн баримлууд, мөн дүрс бичлэгүүд энэ удаагийн үзэсгэлэнд тавигдсан байна. Гурав хоногийн турш үргэлжилсэн турш үзэсгэлэнд, нийт 43 орны 242 уран бүтээлч болон уран зургийн галарей өөрийн сор болсон бүтээлүүдээ дэлгэн харуулжээ. Үүнээс 29 уран зургийн галарей болон уран бүтээлч ”Art Basel Hong Kong” үзэсгэлэнд оролцсон бөгөөд, эдгээрийн тэн хагас нь Ази, Номхон далайн бүс нутгийн орнуудаас ирсэн байгаа юм.

Энэ удаагийн үзэсгэлэнд хамгийн их олны анхаарлыг татаж байсан бүтээлүүд бол Хятад-Австралийн уран бүтээлч Шен Шаомины бүтээл байлаа. Тэрээр Зөвлөлт Социалист Бүгд Найрамдах Холбоот улсын анхны тэргүүн Владимир Ильич Ленин, Умард Солонгосын аугаа их удирдагч Ки Ир Сен, БНХАУ-ын их удирдагч Мао Зэдун, Кубын хувьсгалын гол удирдагч Фидел Кастро, Вьетнамын ерөнхийлөгч асан Хо Ши Мин нарыг дуурайлган хийсэн биет бүтээлүүд байлаа.

Д.Цэрэндарьзав

МХЕГ-аас цацрагийн хамгаалалт, аюулгүй байдлын хяналтыг хэрэгжүүлэх чиг үүрэг бүхий байцаагч нарт зориулсан “Цөмийн энергийн салбарын эрхзүйн шинэчлэл ба цацрагийн хамгаалалт, аюулгүй байдлыг сайжруулах нь” сэдэвт сургалтыг улсын хэмжээнд зохион байгуулж байна.Сургалтаар улсын байцаагчид цацрагийн үүсгүүр, цацраг идэвхт материалын цацрагийн хамгаалалт, аюулгүйн үндсэн шаардлагууд, түүнд тавигдах хяналтыг хэрэгжүүлэх болон цөмийн энергийн салбарт мөрдөгдөж буй хууль тогтоомжийн талаарх мэдлэгээ дээшлүүлнэ.

Түүнчлэн, сургалтын хөтөлбөрийн дагуу Цацрагийн хяналтын лаборатори, цацрагийн үүсгүүр хэрэглэгч зарим байгууллагын үйл ажиллагаатай танилцаж, цацрагийн хэмжилт хийх, хилийн боомтуудад суурилуулсан цацрагийн хяналтын төхөөрөмжид илэрсэн дохиоллыг үнэлэх, анхдагч болон хоёрдогч үзлэг шалгалт хийх талаар дадлага ажлуудыг хийж гүйцэтгэнэ. Салбарын байцаагч нарыг сургалтад хамруулж, мэдлэг, чадварыг дээшлүүлснээр улсын хэмжээнд тавих цацрагийн хяналтын тогтолцоо сайжрах, улсын хилээр нэвтрэх бараа бодис бүтээгдэхүүнд тавих хяналт шалгалт бэхжих, цацрагийн болзошгүй осол, зөрчлөөс урьдчилан сэргийлэх чухал ач холбогдолтой юм.

Монгол иргэн Б энэ сарын 25-ны өдөр амиа алдсан хэрэг БНСУ-д гарчээ.

Хүний амьдрах хугацааг тодорхойлох гол хэмжүүр нь “ДУНДАЖ НАСЛАЛТ” юм. Хүн амын дундаж наслалт гэдэг нь (төрөх үеийн) шинэ төрсөн хүүхдийн цаашид үргэлжлэн амьдрах дундаж хугацаа (жил) юм.
Монгол Улсын шинэ төрсөн эрэгтэй хүүхэд цаашид 65.6 жил, эмэгтэй хүүхэд 75.1 жил амьдарна гэсэн тооцоо гарсан байна.
Хүн амын дундаж наслалтыг тодорхойлохдоо насжилтын хүснэгт байгуулдаг. Насжилтын хүснэгтийг хийснээр хүн амын нас баралтын түвшин, нас барах магадлал, тодорхой насыг насалсан хүний цаашид амьдрах дундаж хугацаа зэргийг тодорхойлдог.

Ирэх сард УИХ-ын нэгдсэн чуулганаар 2017 оны төсвийн тодотголыг хэлэлцэхээр болсон. Үүнтэй холбоотойгоор 2017 оны төвсийн тодотголыг бүрэн эхээр нь хүргэж байна.

Гүржийн нийслэл Тбилис хотод энэ сарын 31-нээс ирэх сарын 2-нд жүдо бөхийн гран при тэмцээн болно.

Үүнд 38 орны 262 жүдоч хүч үзэхээр мэдүүлгээ өгсөн бол манайхаас есөн тамирчин уран мэхийг уралдуулах юм байна.

Тодруулбал эрэгтэйчүүдийн 60 кг-д Ж.Амарболд, Б.Амартүвшин, 66-д Д.Төмөрхүлэг, Д.Алтансүх, 73 кг-д Н.Хадбаатар, 81-д Г.Төрмөнх, 90-д Г.Алтанбагана, эмэгтэйчүүдийн 57 кг-д Ц.Хулан, 63-д Б.Мөнгөнчимэг нар зодоглоно.

Сонирхуулахад ОУХМ Д.Төмөрхүлэг 2015 онд болсон тус тэмцээнд түрүүлж байв.