Өнгөрсөн бямба гарагт Ховд аймгийн Зэрэг сумын Эхэн багийн Шар булаг гэдэг газар Ховд голоос мөс

Монгол Улсын Их хурлаас “Авлигатай тэмцэх үндэсний хөтөлбөр”-ийг 2016 оны 11 дүгээр сард батлан гаргасан. Уг хөтөлбөрийг сурталчлан таниулах, авлигын эсрэг үйл ажиллагааг эрчимжүүлэх зорилгоор АТГ-аас яам, агентлаг, нийслэл, дүүрэгт ажиллаж байгаа юм. Өнөөдөр АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Г.Арсланхуяг нийслэлийн удирдах албан тушаалтнуудад “Авлигатай тэмцэх үндэсний хөтөлбөр” болон авлигаас урьдчилан сэргийлэх чиг үүрэг бүхий олон нийтийн дэд зөвлөл байгуулах талаар танилцууллаа. Энэхүү дэд зөвлөл нь нийслэл, дүүргийн Гэмт хэргээс урьдчилан сэргийлэх салбар зөвлөлийн дэргэд ажиллах юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Увс аймгийн Улаангом сумын нэгдүгээр багийн “Чандмань” гэдэг газар үүссэн их хэмжээний мөс хайлж, айл, өрх, аж ахуйн нэгж, байгууллага, улсын чанартай автозам, гүүр шар усны үерт автах эрсдэл үүсээд байгаа билээ.

Тэгвэл уг эрсдэлээс урьдчилан сэргийлэх, хамгаалах зорилгоор аймгийн Засаг даргын захирамжийн дагуу Онцгой байдлын газраас аймгийн гамшгаас хамгаалах албад, мэргэжлийн анги, албан газар аж ахуй нэгж, байгууллагууд, иргэдийг 2017 оны 3 дугаар сарын 24-25-ны өдрүүдэд дээрх мөсийг зайлуулах, суваг татах, усны гольдролыг өөрчлөх ажилд дайчлан ажиллуулаа.

Дайчилгаанд нийт 53 байгууллагын 816 хүн хамрагдаж, 1.5 метр өргөнтэй, 1,5 метр гүнтэй 2100 метр урт хонгилийг ухаж шар усны үерээс урьдчилан сэргийлэх, хамгаалах арга хэмжээг зохион байгууллаа гэж Увс аймгийн Онцгой байдлын газраас мэдээллээ.

Жил бүр Канадын Засгийн газрын санхүүжилтээр Монгол Улсад ардчиллыг хэрхэн бэхжиж буйг тандах зорилготой, иргэдийн дунд санамсаргүй түүврийн аргаар судалгаа явуулдаг. Энэ жилийн хувьд судалгаанд оролцогчдын 57 хувь нь төр засгийн үйл ажиллагаа буруу замаар явж байна гэж хариулжээ. Мөн 82 хувь нь буюу таван хүн тутмын дөрөв нь эдийн засгийн нөхцөл байдлыг “муу” буюу “маш муу” гэж үнэлсэн байна.
Уг нь өнгөрсөн оны зургадугаар сард явуулсан судалгаагаар иргэд шинэ бодлого тодорхойлогчдод итгэх итгэл өндөр байсан гэж уг судалгааг гардан зохион байгуулдаг Бүгд Найрамдахчуудын Олон Улсын Хүрээлэнгийн Азийн бүсийг хариуцсан захирал Дерек Лютен онцолсон. Харамсалтай нь жил хүрэхгүй хугацаанд эрх баригчид ард түмний итгэлийг олон хувиар алджээ. Иргэд амьдралд нь хамгийн хүнд тусдаг хүчин зүйлийг авлига хэмээн тодорхойлсон. Төрийн албан хаагч өөрөөс нь их бага хэмжээний авлига нэхэж байсан гэж 27 хувь нь хариулсан байна.
Судалгааны багийн ахлагч шинэ Засгийн газарт хандаж “Одоо бал сар чинь дууссан, хариуцлагатай байж, иргэдийнхээ шаналж буй асуудлуудыг шийдэх цаг болжээ” гэж сануулсан. Харин эрч баригчид иргэддээ “байдал улам дордоно, бүсээ чангал” гэж сануулсаар байгаа билээ.
Эх сурвалж: http://www.iri.org/resource/mongolia-new-poll-shows-declining-optimism-continued-economic-concerns
Э.Бат

Гэртээ харихаар явж байсан 21 настай охиныг портертой залуус хулгайлахыг завджээ.

Энэ сарын 17-ны өглөө 04:18 цагт Баянзүрх дүүргийн 5-р хороо, Цайз захын

Дөрөвдүгээр сарын цаг агаарын урьдчилсан төлөвийг Ус цаг уур, орчны шинжилгээний газраас /ЦУОШГ/-аас гаргажээ.

Сурагчдын амралт лхагва гаригт эхэлнэ

Өмнөд Солонгосын прокурорын газар, авлигын шуугианы үр дүнд ажлаа алдсан

рабын Нэгдсэн Эмират Улсын нийслэл Абу Даби хотноо энэ сарын 28-наас 30-ны өдрүүдэд “Аюулгүй байдлын төлөөх эв нэгдэл” сэдвийн дор зохиогдож буй Интерполын олон улсын форум болно. Энэхүү форумд Хууль зүй, дотоод хэргийн сайд С.Бямбацогт оролцоно.

Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 98 жолоочийг илрүүлж гарч болзошгүй осол, хэргээс урьдчилан сэргийлж ажиллаа.

Фото: Токиогийн загварын долоо хоног

“Улаанбаатар марафон” олон улсын гүйлтийн тэмцээн 4 дэх жилдээ болох гэж байна. Нийслэлийн иргэдийн идэвхийг өрнүүлж өргөнөөр оролцуулах, нийслэл хотоо олон улсад сурталчлах болон дэлхийн хэмжээний тамирчдыг Монгол Улсад ирдэг болгох зорилготой уг тэмцээнийг 5 дугаар сарын 20-ны өдөр зохион байгуулах юм. Зохион байгуулах үйл ажиллагаагаа эрчимжүүлэх зорилгоор Нийслэлийн Засаг даргын нэрэмжит цомыг өнөөдрөөс аялуулж эхэллээ.

Нийслэлийн 9 дүүрэг, НИТХ, НЗДТГ, НЗАА гэсэн 12 чиглэлд 5 дугаар сарын 20 хүртэл аялна. Энэ хүрээнд хүмүүнлэгийн болон эко, биеийн тамир спортыг сурталчлах үйл ажиллагаанууд хэрэгжих юм байна. Өнөөдөр нийслэл, дүүргүүдийн удирдлагад цомыг гардуулан өглөө гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Автобусны хаалганд өндөр настай эмэгтэй хавчуулагдаж, гэмтсэн хэрэг гарчээ.

Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 98 жолоочийг илрүүлж гарч болзошгүй осол, хэргээс урьдчилан сэргийлж ажиллаа.

БНСУ-д хөдөлмөрийн гэрээгээр ажиллах хүсэлтэй иргэдээс авах солонгос хэлний түвшин тогтоох шалгалт авах бүртгэл саяхан явагдсан.

БНХАУ-ын Өвөрмонголын өөртөө засах орны Баотоу хотод ахуйн хэрэглээний хий дэлбэрснээс болж

Нийслэлийн удирдах ажилтнуудын ээлжит шуурхай зөвлөгөөн боллоо. Улаанбаатар хотын өнгөрсөн 21 хоногийн нөхцөл байдлын талаар холбогдох албад мэдээлэл өгөв.

Нийслэлийн Цагдаагийн газраас өгсөн мэдээллээр 2017 оны 3 дугаар сарын 02-ны өдрөөс 22-ны өдөр хүртэлх хугацаанд иргэд, аж ахуйн нэгж байгууллагаас гэмт хэрэг, зөрчлийн шинжтэй 18 мянга 375 мэдээ, мэдээлэл хүлээн авсан нь өмнөх 21 хоногтой харьцуулахад 3079 нэгж буюу 14.4 хувиар буурсан үзүүлэлт байна. 3203 гэмт хэргийн шинжтэй гомдол мэдээлэл бүтгэгдсэн нь 259 нэгж буюу 8.8 хувиар өсчээ. Залилах болон хулгайлах төрлийн гэмт хэрэг буурсан бол дээрэм, бусдын биед гэмтэл учруулах, золгүй байдлаар амь насаа алдах, булаах, танхайрах төрлийн гэмт хэрэг өссөн байна.

21 хоногийн хугацаанд биеэ авч явах чадваргүй согтууруулах ундаа хэтрүүлэн хэрэглэсэн 2893 хүнийг эрүүлжүүлж, шүүхийн шийдвэрээр захиргааны зөрчил гаргасан 199 хүнийг баривчлуулан, архины албадан эмчилгээнд 3 хүнийг явуулж, захиргааны зөрчил гаргасан 6877 иргэн, 10 аж ахуйн нэгжийг 46 сая 372 мянган төгрөгөөр торгох арга хэмжээ авсан байна. Нийслэлийн хэмжээнд 2017 оны оны эхний хоёр сард 2987 гэмт хэрэг бүртгэгдсэн нь өмнөх оны мөн үетэй харьцуулахад 7.2 хувиар буурч, бүртгэгдсэн гэмт хэргийн илрүүлэлт 4.6 хувиар өсчээ.

Замын цагдаагийн албаны Мэдээлэл шуурхай удирдлагын хэлтэст 2017 оны 03 дугаар сарын 03-ний өдрөөс 03 дугаар сарын 23-ны өдрүүдэд 4529 дуудлага мэдээлэл ирснээс хүн гэмтсэн хэргийн шинжтэй 148, зөрчлийн шинжтэй 1800 дуудлаганд очиж хойшлуулшгүй ажиллагаа явуулан, 1948 ослыг материалжуулан шалгаж байна. Зам тээврийн хэргийн улмаас 7 хүний амь нас хохирч, 183 хүн гэмтсэн байна. Өнгөрсөн оны мөн үед хүний амь нас, эрүүл мэнд хохирсон осол 211 бүртгэгдэж байсан бол 2017 оны мөн үед 148 бүртгэгдсэн нь 29,9 хувийн бууралттай байна. 2016 оны мөн үед согтуугаар тээврийн хэрэгсэл жолоодсон зөрчил 1276 бүртгэгдэж байсан бол энэ оны мөн үед 1068 бүртгэгдсэн нь 16,3 хувиар, мөн өнгөрсөн онд 250 тээврийн хэрэгсэл түр саатуулагдаж байсан бол энэ оны мөн үед 110 тээврийн хэрэгсэл саатуулагдсан нь 56,0 хувиар тус тус буурсан үзүүлэлт гэдгийг Замын цагдаагийн албанаас мэдээллээ.

Нийслэлийн Онцгой байдлын газарт өнгөрсөн 21 хоногийн хугацаанд аюулт үзэгдэл, ахуйн болон техникийн холбогдолтой ослын 136 дуудлага бүртгэгджээ. Обьектын гал түймэр 121 удаа гарсан байна. Энэ хугацаанд гарсан томоохон гал түймрийн хувьд 3 дугаар сарын 12-ны өдөр СБД-ийн 5 дугаар хороонд байрлах Саруул худалдааны төвийн 24х60 метрийн хэмжээтэй 2 давхар сендвичин барилгын 2 дугаар давхар, дээврийн хэсэгт гал түймэр гарч, шуурхай ажиллаж унтраасны дүнд уг обьектын 1 давхрын 11 павьлионы 62 лангуу, 2 дугаар давхрын 13 павьлионы хамт гал түймэрт өртүүлэлгүй авран хамгаалжээ.

Нийслэлийн мэргэжлийн хяналтын газар дээрх хугацаанд 1053 обьектод төлөвлөгөөт болон төлөвлөгөөт бус хяналт шалгалт хийсэн байна. Илэрсэн зөрчилд 463 арга хэмжээ авч 46.4 сая төгрөгийн торгууль ноогдуулжээ. 21 хоногийн байдлаар НМХГ-ын хэмжээнд нийт 1050 албан бичиг, өргөдөл гомдол хүлээн авч шийдвэрлэж байна. Улаанбаатар хотын Ерөнхий менежерийн тушаалаар нийслэлийн төвийн 6 дүүргийн нутаг дэвсгэр дэх үерийн хамгаалалтын далан суваг, хөрсний болон хурын ус зайлуулах шугам сүлжээ, барилга байгууламжийн ашиглалт, булаг, шандын ус хальсан байдалд 2017 оны 02 дугаар сарын 21-22-ны өдрүүдэд хяналт шалгалт хийжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Дундговь аймгийн “Сайхан-Овоо сумын Төгрөг багийн Модон гэдэг газар өнгөрсөн баасан гаригт айлын гэр шатаж, нэг хүүхэд нас барж, гурван хүн түлэгдсэн харамсалтай хэрэг гарлаа.

Улсын хэмжээнд мал төллөлт хэвийн үргэлжилж байна гэж ХХААХҮЯ-аас мэдээллээ.