<iframe width=”560” height=”315” src=”https://www.youtube.com/embed/brLQCfyX2Ac” frameborder=”0” allowfullscreen></iframe>

Монгол Улсын Засгийн газрын ээлжит хуралдаан 2016 оны есдүгээр сарын 7-нд боллоо.

Монгол Улсын Ерөнхийлөгч Ц.Элбэгдоржийн урилгаар албан ёсны айлчлал хийсэн БНСУ-ын Ерөнхийлөгч Пак Гын Хэ, Япон Улсын Ерөнхий сайд Шинзо Абе, Монгол Улсын Ерөнхий сайд Ж.Эрдэнэбатын урилгаар албан ёсны айлчлал хийсэн БНХАУ-ын Төрийн зөвлөлийн Ерөнхий сайд Ли Көцян, БНСВУ-ын Ерөнхий сайд Нгуэн Суан Фук, Бүгд Найрамдах Сингапур Улсын Ерөнхий сайд Ли Хсиен Лүүн нарын айлчлалын дүнг хэлэлцлээ.

Монгол-Оросын хувь нийлүүлсэн “УБТЗ” нийгэмлэгийн Монголын талын Ерөнхий хувь нийлүүлэгчээр Зам, тээврийн хөгжлийн сайдыг томилсон тогтоол баталлаа.

<iframe width=”560” height=”315” src=”https://www.youtube.com/embed/3VUolYHWawg” frameborder=”0” allowfullscreen></iframe>

Улсын Их Хурлын Байгаль орчин, хүнс, хөдөө аж ахуй байнгын хорооны дарга Ц.Гарамжав, Улсын Их Хурлын гишүүн Я.Содбаатар нар өнөөдөр /2016.09.07/ Хөдөөгийн ногоон хөгжлийн хүрээлэнгийн /ТББ/ төлөөлөлтэй зөвлөлдөх уулзалт хийлээ.

Энэхүү уулзалтаар “Иргэний нийгмийн бодлогын зөвлөл”-ийн талаар ярилцлаа. Мөн Байнгын хорооны дарга Ц.Гарамжав төрийн шийдвэр гаргах түвшинд иргэний нийгмийн байгууллагын оролцоог нэмэгдүүлэх шаардлагатай байгааг дурдаад байгаль хамгаалагч нарын зөвлөл байгуулж, хамтран ажиллах талаар байр сууриа илэрхийллээ.

Түүнчлэн төлөөлөгчид УИХ-ын Байгаль орчин, хүнс хөдөө аж ахуйн байнгын хороотой мэдээлэл солилцох, Засгийн газрын мөрийн хөтөлбөрийг хэрэгжүүлэхэд байгаль орчны чиглэлээр идэвхитэй хамтран ажиллах боломжийн талаар ярилцаж, санал солилцлоо.

УИХ-ын Байгаль орчин, хүнс, хөдөө аж ахуй байнгын хорооны дарга Ц.Гарамжав Улсын Их Хурлын чуулганы нэгдсэн хуралдаанаар хэлэлцэгдэх салбарын хууль, бодлогын баримт бичгийн төсөлд иргэний нийгмийн саналыг тусган шийдвэрлүүлэх, төр нийгмийн хамтын оролцоог нэмэгдүүлэхийн төлөө анхаарал тавьж ажиллана гэдгээ илэрхийлээд цаашид дээр дурдсан чиглэлээр “Иргэний нийгмийн бодлогын зөвлөл”-тэй нягт хамтран ажиллана гэв.

Уг уулзалтад иргэний нийгмийн байгууллагууд, эрдэмтэн, судлаач, олон улсын байгууллага, 21 аймгийн иргэдийн төлөөлөл оролцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Нийслэлийн удирдлагуудын шуурхай хуралдаанаар Драгон төвийн урдах автовокзалыг Авто худалдааны нэгдсэн цогцолбор руу нүүлгэх шийдвэр гаргажээ.

Австралийн хөрөнгийн биржид бүртгэлтэй “Aspire Mining” компани Эрдэнэтээс коксжих нүүрсний Овоот орд хүртэл 547 км төмөр зам барьж, ашиглах эрх авсан.

Ерөнхий сайд Ж.Эрдэнэбат хачирхалтай тайлбар хийж, олныг ”ангайлгалаа”

Итали Улсын Сенатын гишүүн Антонио Рацци, Сенатын танхимын гишүүн Ноён Бартоломео Пепе, Сенатын танхимын гишүүн асан Ноён Даниел Тото тэргүүтэй төлөөлөгчид Монгол Улсын Их Хурлын Тамгын газрын даргын урилгаар есдүгээр сарын 2-оос 7-ны өдрүүдэд манай улсад айлчилж байна. Төлөөлөгчдийг нийслэлийн Нийгмийн хөгжил хариуцсан төслүүдийн Удирдагч - Нийслэлийн Засаг даргын орлогч Ш.Анхмаа хүлээн аван уулзлаа. Сенатын гишүүд, төлөөлөгчид нийслэлийн жижиг дунд үйлдвэр эрхлэгчдийн үзэсгэлэнтэй танилцаж цаашид хэрхэн хамтран ажиллах, туршлага солилцох талаар санал бодлоо солилцлоо. Мөн хотуудын хамтын ажиллагааны хүрээнд цаашид хамтран ажиллахаар тохиролцож, “Ах-дүү” хот болохоор санамж бичиг байгуулахаар тохиролцов. Итали Улсын Сенатын танхимын гишүүд Монголын жижиг дунд үйлдвэр эрхлэгчдийн бизнесийн хүрээг тэлэх, урлаг соёлыг дэмжиж ажиллахаа илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

“Apple” компани “iPhone 7” болон “iPhone 7 Plus” загварын шинэ гар утаснуудаа өнөөдөр танилцуулна.


Тус компанийн шинэ бүтээгдэхүүн чихэвчний оролтгүй байна гэж шинжээчид таамаглаж байна. Энэ нь гар утсыг маш нимгэн болгохын тулд ийм шинэчлэлт хийсэн бололтой. Мөн тухайн утас нь тус бүр 32, 128 болон 256 Гегабайтын багтаамжтай гэнэ.


Шинэ “iPhone 7” нь өнгөний долоон сонголтойгоос гадна LED гар чийдэнтэй байх бөгөөд энэ гар чийдэн нь дөрвөн өнгөөр, тодруулбал, хоёр хүйтэн ба хоёр дулаан өнгөөр гэрэлтүүлэх аж.

Монгол Улсад худалдааны салбар үүсч хөгжсний 95 жил, үзэсгэлэнгийн салбар үүсч хөгжсөний 41 жилийн ойн хүрээнд 2016 оны 9 дүгээр сарын 08-11-ний өдрүүдэд “УЛААНБААТАР ТҮНШЛЭЛ-2016” намрын үзэсгэлэнг Монголын Үндэсний Худалдаа Аж Үйлдвэрийн Танхим, Нийслэлийн Засаг Даргын Тамгын Газар хамтран “Мишээл экспо” төвд зохион байгуулахаар болжээ. Үзэсгэлэнд дотоодын нийт 102 ААН, бизнес эрхлэгчид оролцож байгаагаас хүнсний салбараас 37 аж ахуйн нэгж, Эрүүл мэндийн бүтээгдэхүүн үйлдвэрлэгч 9, ноос ноолуур арьс ширний бүтээгдэхүүн үйлдвэрлэгч 30, ном бичиг хэрэгсэл 3, үнэт эдлэл 3, барилгын салбараас 2, бусад бүтээгдэхүүн үйлдвэрлэгч 2, импортын бүтээгдэхүүн ба үйлчилгээгээр 16 аж ахуйн нэгж тус тус оролцохоор мэдүүлжээ. Улаанбаатарын түншэл-2016 үзэсгэлэнг зохион байгуулснаар ногоон эдийн засаг, Ногоон бизнесийг дэмжих , сүүлийн үеийн техник технологийг олон нийтэд танилцуулах, чанар стандартад нийцсэн, хэрэглэгчийн эрэлтэд тулгуурласан оновчтой, шинэ бүтээгдэхүүн үйлдвэрлэлт, үйлчилгээг экспортын боломжит бүтээгдэхүүний тоог нэмэгдүүлэх, олон улсын стандарт бүхий оновчтой импортыг нэвтрүүлэх боломж бүрдэнэ гэж зохион байгуулагчид үзэж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Засаг даргын Дэд бүтцийн хөгжлийн асуудал хариуцсан орлогч П.Баярхүү өнөөдөр Бүгд Найрамдах Унгар Улсын Гадаад хэрэг худалдааны яамны орлогч сайдын зөвлөх Балинт Томбор, БНУУ-аас Монгол Улсад суугаа онц бөгөөд бүрэн эрхт элчин сайд Мадари Акош нарыг хүлээн авч уулзлаа.

БНУУ, Монгол Улс хооронд байгуулсан хамтын ажиллагааны санамж бичгийн хүрээнд Унгар улсаас манай улсад 25 сая еврогийн хөнгөлттэй зээлийг олгохоор болсон бөгөөд энэхүү зээлийг Төв цэвэрлэх байгууламжийг шинэчлэх ба шинээр байгуулах, Автобус угсрах үйлдвэр барих, Смарт бизнес төв, Органик хүнсний бүтээгдэхүүн үйлдвэрлэл, Туулын шугуй, Ухаалаг авто зогсоол зэрэг төслүүдэд зарцуулах юм.

Уулзалтын үеэр Бүгд Найрамдах Унгар Улсын Гадаад хэрэг худалдааны яамны орлогч сайдын зөвлөх Балинт Томбор “Сүүлийн нэг жилийн хугацаанд манай хоёр улсын хоорондын харилцаа холбоо сэргэж шинэ шатанд хүрсэн. Өнгөрсөн оны арваннэгдүгээр сард Унгарын худалдааны танхимтай Унгарын Эксим банкаар дамжуулж 25 сая еврогийн хөнгөлттэй зээлийн санхүүжилт авах талаар санамж бичиг байгуулсан. Мөн Засгийн газар хоорондын гэрээнд гарын үсэг зурсан Биокомбинатын цэвэрлэх байгууламжийг шинэчлэх шинээр байгуулах болон бусад төслүүдийг сонирхож түргэн эхлүүлэх, барих саналтай байна.” гэдгийг хэллээ. Нийслэлийн Засаг даргын орлогч П.Баярхүү “Өнгөрсөн наймдугаар сард Улаанбаатар хотноо зохион байгуулсан Зүүн хойд Азийн хотын дарга нарын форумд Будафешт хотын Орлогч дарга ноён Габор Багди ирж оролцсонд талархаж байгаа. Уг айлчлалын үеэр Унгарын талын техник, тоног төхөөрөмжийн тусламжтайгаар Улаанбаатар хотын цэвэрлэх байгууламжийг шинэчлэх, шинээр байгуулахад Унгарын Уотерворкс компанитай ажиллахаар болсон. Мөн Будафешт хоттой хамтын ажиллагааны хүрээнд хэрэгжүүлэх 5 төслийг санхүүжүүлэхээр санамж бичигт тусгасан. Автобус угсрах үйлдвэр барих, Смарт бизнес төв, Органик хүнсний бүтээгдэхүүн үйлдвэрлэл, Туулын шугуй, Ухаалаг авто зогсоол зэрэг төслүүд багтсан. Хотын удирдлагуудын зүгээс эдгээр төслүүдийг үргэлжлүүлэх нэн даруй ажил хэрэг болгон, цаг алдалгүй хурдан шуурхай ажиллах болно” гэсэн юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хүн амын хүнс хангамжийг сайжруулах, үндэсний үйлдвэрлэгчид, тариаланчдын шилдэг бүтээгдэхүүнийг иргэдэд хүргэх зорилгоор ХХААХҮЯ-наас “Намрын ногоон өдрүүд” нэгдсэн арга хэмжээг 11 дэх жилдээ зохион байгуулахаар болжээ.

ХХААХҮЯ-ны Хүнсний үйлдвэрийн бодлогын хэрэгжилтийг зохицуулах газрын даргын үүргийг түр орлон гүйцэтгэгч Т.Гантогтох хэлэхдээ “Эрүүл хүнс-Эрүүл Монгол хүн” уриатай энэхүү нэгдсэн арга хэмжээг энэ сарын 14-20-нд Мишээл экспо төвд болох юм. Арга хэмжээний хүрээнд өнгөрсөн сарын 20-ноос ирэх сарын 20 хүртэл хугацаанд “Алтан намар” өргөтгөсөн худалдааг зохион байгуулж байгаа бөгөөд энэ сарын 14-20-нд “Эрүүл Монгол хүнс-2016” үзэсгэлэн худалдааг энэ сарын 14-20-нд зохион байгуулна. Мөн “Алтан намар” өргөтгөсөн худалдааны хүрээнд нийслэлийн хэмжээнд 430 цэгт төмс, хүнсний ногоо борлуулж байна. Энэ сарын 16-нд “Эх орны эрүүл сүү”, 17-нд “Ногоон хүнс-эрүүл амьдрал”, “Дэлхийд танигдсан Монгол амт”, 18-нд “Эрүүл хүнс-таны сонголт”, “Органик хөдөө аж ахуйг дэмжих” өдөрлөгийг зохион байгуулна хэмээв.

Монгол Улсын Ерөнхийлөгчийн дэргэдэх Иргэний танхимд өнөөдөр Монгол Улсын Ерөнхийлөгчийн Тамгын газар, Швейцарийн хөгжлийн агентлагаас хамтран хэрэгжүүлж буй “Иргэдийн оролцоо” төслөөс зарласан “Нутгийн хөгжилд иргэдийн оролцоо” уралдааны шагнал гардуулах үйл ажиллагаа болов.

“Нутгийн хөгжилд иргэдийн оролцоо” уралдааныг нийт аймаг, сум, нийслэлийн дүүрэг, хороо, иргэд, иргэдийн бүлэг, зөвлөл, иргэний нийгмийн байгууллага гэсэн 5 түвшинд зарлан явуулсан байна. Шагнал гардуулах үйл ажилагаанд Монгол Улсын Ерөнхийлөгчийн Тамгын газрын дарга Ц.Баярсайхан, дэд дарга Б.Нэргүй нар оролцлоо.

Үйл ажиллагааг нээж Ерөнхийлөгчийн Тамгын газрын дарга Ц.Баярсайхан хэлэхдээ “Та бүхний энэ өдрийн амар амгаланг айлтгая.

Монгол Улсын Ерөнхийлөгчийн Тамгын газар, Швейцарийн хөгжлийн агентлагийн хамтран хэрэгжүүлж буй “Иргэдийн оролцоо” төслөөс зохион байгуулсан “Нутгийн хөгжилд иргэний оролцоо” уралдааны шагналтнууд өнөөдөр энд цуглараад байна.

Монгол Улсын Ерөнхийлөгч сонгогдсон цагаасаа төвлөрлийг сааруулах, орон нутгийн удирдлагыг бэхжүүлэх, түүн дотор иргэдийн шууд оролцоог дэмжих асуудалд ихээхэн анхаарал хандуулж ирсэн.

Ардчилсан нийгмийн нэг гол зарчим бол хамтын шийдвэр байдаг. “Иргэдийн оролцоо” төслийн гол зорилго бол шийдвэр гаргах үйл явц дахь иргэдийн оролцоог нэмэгдүүлэх, иргэдийн оролцооны эрх зүйн орчныг улам боловсронгүй болгох явдал юм. Ингэснээр улс, орон нутгийн түвшинд гарч буй аливаа шийдвэрүүд иргэдийн хэрэгцээ шаардлагад нийцэн гарахад илүү дөхөмтэй болох юм.

“Нутгийн хөгжилд иргэний оролцоо” уралдааныг нийт аймаг, сумын болон нийслэлийн дүүрэг, хороодын түвшинд нутгийн өөрөө удирдах ёсны байгууллагаас болон төрийн удирдлагыг хэрэгжүүлэгч байгууллагаас иргэдийн саналыг үндэслэн харгалзсан, эсхүл бусад байдлаар шийдвэр гаргахдаа иргэд оролцох бодитой нөхцөлийг хангасан, иргэдийн санаачилгыг дэмжин хэрэгжүүлсэн сайн туршлагыг урамшуулан адил түвшний байгууллага хоорондоо харилцан туршлага солилцож суралцах, олон нийтэд түгээн дэлгэрүүлэх, таниулах, мөн иргэд, иргэдийн бүлэг, зөвлөл, иргэний нийгмийн байгууллагууд өөрсдийн санаачилгаар асуудлаа хамтран шийдвэрлэж, нийтийн ашиг сонирхлын асуудлыг холбогдох байгууллагаар шийдвэрлүүлсэн сайн туршлагыг урамшуулах зорилготойгоор зохион байгуулсан билээ.

Уралдааныг аймаг, дүүрэг, сум, хороо, иргэд, иргэдийн бүлэг, зөвлөл, иргэний нийгмийн байгууллагууд гэсэн 5 түвшинд зохион байгуулсан байна. Уралдаанд маш олон сум, хороо, иргэд, иргэний нийгмийн байгууллагууд маш идэвхтэй оролцсоныг энэ дашрамд дурдах нь зүйтэй. Нэн ялангуяа Хөвсгөл аймгийнхан маш идэвхтэй оролцсоныг энд онцлон дурдаж байна.

Ингээд “Нутгийн хөгжилд иргэний оролцоо” уралдааны шагнал гардуулах ёслолын үйл ажиллагааг нээснийг мэдэгдье. Баярлалаа” гэлээ.

Сумдын хэмжээнд зарласан уралдаанд Хэнтий аймгийн Батширээт сумын ИТХ тэргүүлж, Дорнод аймгийн Хэрлэн сумын ИТХ, Хөвсгөл аймгийн Эрдэнэбулган сумын ИТХ, Хөвсгөл аймгийн Төмөрбулаг сумын ИТХ, Хөвсгөл аймгийн Бүрэнтогтох сумын ИТХ, Төв аймгийн Зуунмод сумын ИТХ удаах байруудыг эзэлжээ.

Нийслэлийн хороодын түвшинд зохион байгуулсан уралдаанд Чингэлтэй дүүргийн 16 дугаар хороо тэргүүн байр эзэлж, Хан-Уул дүүргийн 7 дугаар хороо, Баянзүрх дүүргийн 20 дугаар хороо, Чингэлтэй дүүргийн 9 дүгээр хороо, Багануур дүүргийн 1 дүгээр хороо дараагийн байруудад орсон байна.

Иргэд, иргэний нийгмийн байгууллагын түвшинд Өвөрхангай аймгийн Уянга сумын иргэний зөвлөл тэргүүн байр эзэлж, “Байгальд ээлтэй хөршүүд” ТББ, Сэлэнгэ аймгийн Сайхан сумын иргэн Батбаяр, Хэнтий аймгийн иргэний нийгмийн байгууллагуудын сүлжээ, Төв аймгийн Борнуур сумын иргэн Баасанжав, Хөвсгөл аймгийн иргэний нийгмийн байгууллагуудын сүлжээ шагналт байруудад оржээ.

Тусгай шагналыг Хэнтий аймгийн ИТХ, Хөвсгөл аймгийн ИТХ, Багахангай дүүргийн ИТХ, Баянзүрх дүүргийн Хөгжлийн төв тус тус хүртлээ.

<iframe width=”560” height=”315” src=”https://www.youtube.com/embed/5TgAbolf9GQ” frameborder=”0” allowfullscreen></iframe>

Нийтийн тээврээр хөнгөлттэй зорчих оюутны смарт картын захиалгыг энэ сарын 8-ны өдрийг дуустал сунгажээ.

Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсийн даргаар С.Батбаатарыг томилжээ.

Сум, дүүргийн ИТХ-ын сонгууль ирэх аравдугаар сарын 19-ний өдөр болно. Үүнтэй холбогдуулан шилжилт хөдөлгөөнийг аравдугаар сарын 20 хүртэл түр зогсоогоод байна.

Монгол Улсын Cонгуулийн тухай хуулийн 66.1 дэх хэсэгт иргэдийн засаг захиргааны нэг нэгжээс өөр нэгжид шилжин суурьших хөдөлгөөнийг санал авах өдрөөс 60 хоногийн өмнө түр зогсоож, санал авах өдрийн дараах өдөр сэргээнэ гэж заасан байдаг.

ХУД-ийн Усан спорт сургалтын төвийн албан хаагчид сургалтанд хамрагдлаа