БНХАУ-ын нийслэл Бээжин хотноо эхэлсэн Коммунист намын 18 дугаар их хурал өндөрлөлөө. Долоо хоногийн турш Хятадын түлхүүр асуудлыг хэлэлцсэн уг хурал улсынхаа ирээдүйн удирдагч нарыг сонгосноор өндөрлөж байгаа юм.

Хятадын зүүн хойд зүгийн нутгаар их хэмжээний цас орж, хүчтэй шуурчээ. Цаг агаарын аюултай үзэгдэл энэ бүс нутагт ойрын 50 жилд тохиолдоогүй байна. Гамшгийн улмаас цахилгааны утас тасарч Хэйлонжиан аймгийн хэдэн мянган айл өрх тоггүй болсон байна. Мөн тус аймгийн Хеганг хотын айлуудад усан хангамж очихгүй байгаа аж. Орон нутгийн иргэдийн ургац урсч, 50 см цас тогтсон тул хурдны замууд хаагджээ. Мөн Өвөр Монголд зам хаагдаж, сургууль болон хоёр онгоцны буудал үйл ажиллагаагаа зогсоосон байна. Цаг уурын мэдээгээр маргааш Хятадын зүүн хойд хэсэг, Өвөр Монголын зүүн хэсэг мөн Шижааны нутагт их хэмжээний цас орж, шуурна хэмээн мэдээлжээ.

Өчигдөр Их эзэн Чингис хааны мэндэлсний 850 жилийн ойг тохиолдуулан бүх нийтээрээ амарсан. Уг өдрийг монголчууд тэмдэглэх нэрийдлээр архи согтууруулах ундаа хэтрүүлэн хэрэглэж, гэмт хэрэг үйлджээ.

Өнгөрсөн долоо хоногт БНСУ-ын Иргэн харъяатын газраас Сөүл хотын “Geshinde” их сургуульд суралцдаг 20 гаруй монгол оюутныг баривчилсан талаар манай сайт мэдээлсэн. Харин уг сургуулийг хуурамч дипломтой оюутнуудыг сургасан гэсэн үндэслэлээр тус улсын цагдаагийн газраас шалгаж эхэлсэн байна.

АНУ-ын Ерөнхийлөгч Б.Обамагийн айлчлалын өмнө Мьянмар улс 452 хоригдлоо суллахаар төлөвлөж байгаа талаар Засгийн газар нь мэдээлснийг “Ройтерс” агентлаг уламжиллаа.

УИХ-ын гишүүн З.Баянсэлэнгэтэй ярилцлаа. -УИХ-ын гишүүн болсноос тань яриагаа эхлэе гэж бодлоо. УИХ-ын гишүүний тангаргаа өргөж байхад танд юу бодогдож байв?