-
2017 оны 11 сарын 15
Үс засуулбал: Өлзийтэй сайн
-
2017 оны 11 сарын 15
Улаанбаатарт 9 хэмийн хүйтэн байна
-
2017 оны 11 сарын 14
Нийслэлийн төсвийн хөрөнгөөр 2017 онд хэрэгжүүлэх хөрөнгө оруулалтын төлөвлөгөөний тодотголын төслийн тухай асуудлыг өнөөдөр нийслэлийн Засаг даргын Зөвлөлийн хурлаар хэлэлцэж, НИТХ-д өргөн барихаар боллоо.
Нийслэлийн иргэдийн Төлөөлөгчдийн Хурлын 2017 оны “Нийслэлийн 2017 оны төсөвт нэмэлт өөрчлөлт оруулах тухай” 10/13 дугаар тогтоолоор нийслэлийн төсвийн хөрөнгөөр энэ онд 162 тэрбум 42.5 сая төгрөгийн, нийслэлийн Замын сангийн хөрөнгөөр 35 тэрбум 808.4 сая төгрөгийн, нийслэлийн Орон нутгийн хөгжлийн сангийн хөрөнгөөр 8 тэрбум 371 сая төгрөгийн нийт 219 тэрбум 510.6 сая төгрөгийн хөрөнгө оруулалтын төсөл, арга хэмжээг хэрэгжүүлэхээр баталсан.
Нийслэлийн 2017 оны төсвийн орлогын хүлээгдэж буй гүйцэтгэлээр нийслэлийн төсвийн хөрөнгө оруулалтын эх үүсвэр 6 тэрбум 337.5, нийслэлийн Замын сангийн төлөвлөсөн орлого 2 тэрбум 685.5 сая төгрөгөөр тасрахаар байгаа тул нийслэлийн төсвийн хөрөнгөөр хэрэгжиж буй төсөл, арга хэмжээний худалдан авах ажиллагааны явц, барилга угсралтын ажлын гүйцэтгэл, санхүүжилтийн байдалд үндэслэн хөрөнгө оруулалтын төлөвлөгөөнд зарим зохицуулалтыг хийхээр төлөвлөсөн байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 11 сарын 14
Шүүхийн ерөнхий зөвлөл, Цагдаагийн ерөнхий газартай хамтран шүүх, шүүгчийн аюулгүй байдлыг хамгаалах чиглэлээр 2017 оны 11 дүгээр сарын 11-ний өдөр онлайн сургалт зохион байгууллаа.
Орон нутаг дахь шүүхийн Тамгын газрын дарга, зохион байгуулагчид болон цагдаагийн газар, хэлтсийн шүүх, шүүгчийн аюулгүй байдлыг хамгаалах чиг үүрэг бүхий 217 цагдаагийн алба хаагч тус сургалтанд хамрагдав.
Онлайн сургалт зохион байгууллаа
Гуравдугаар ээлжийн энэхүү сургалтаар сэтгэл зүйч С.Батболд ”Ажлаас халшрах хам шинж, стресс”, Шүүгчийн хараат бус байдлыг хамгаалах хэлтсийн дарга Б.Одонгэрэл ”Шүүх, шүүгчийн аюулгүй байдлын талаарх шинэ Эрүүгийн хууль, Зөрчлийн хуулийн зохицуулалт”, Нөлөөллийн мэдүүлэг, ХАСХОМ хариуцсан референт А.Өсөхбаяр ”Шүүн таслах ажиллагаанд учрах аливаа нөлөөллөөс урьдчилан сэргийлэх нь”, ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны Олон нийтийн аюулгүй байдлыг хангах газрын ахлах мэргэжилтэн, Цагдаагийн дэд хурандаа И.Даваажамьян ”Шүүх, шүүгчийн аюулгүй байдлыг хангах журмын хэрэгжилт, цаашид анхаарах зүйл” сэдвээр тус тус хичээл заав.
Сургалтыг Шүүгчийн хараат бус байдлыг хамгаалах хэлтсээс ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албатай хамтран амжилттай зохион байгууллаа.
-
2017 оны 11 сарын 14
Албан үүргээ гүйцэтгэж байсан цагдаагийн албан хаагч руу салаавч гаргаж, танхайрсан Ц.Баярцогтод холбогдох зөрчлийн шүүх хуралдаан өнөөдөр 13:30 цагт Сүхбаатар дүүргийн Эрүүгийн хэргийг анхан шатны шүүхэд боллоо.
-
2017 оны 11 сарын 14
АТГ-ын Мөрдөн шалгах хэлтсийн мөрдөгч, комиссар А.Цэдэн-Иш “Монголын ахмадын чөлөөт холбоо”-ны
-
2017 оны 11 сарын 14
Ус цаг уур, орчны судалгаа мэдээллийн хүрээлэнгээс зудын эрсдлийг гаргажээ. Тус хүрээлэн ган зуншлага, цас зудтай холбоотой газрын ажиглалтын болон хиймэл дагуулын олон төрлийн мэдээг боловсруулан гаргадаг.
-
2017 оны 11 сарын 14
НИТХ-ын тэргүүлэгчдийн өнөөдрийн хурлаар Түрээсийн орон сууцыг хөгжүүлэх төсөл хэрэгжүүлэх тухай хэлэлцэж дэмжих тогтоол гаргалаа.
-
2017 оны 11 сарын 14
Монголын эдийн засгийн өсөлтөд нүүрсний экспортын зах зээл нөлөөлөх гол хүчин зүйлийн нэг байсаар байна. Манай улс урд хөрш руу 30 орчим сая тонн нүүрс экспортод гаргах зорилго тавьдаг бөгөөд энэ жилийн тухайд 24.5 сая тонн нүүрс гаргах төлөвлөгөөтэй. Гэтэл 4-р улирал талдаа орж байхад 20-иод тонн нүүрс гаргаад байна.
-
2017 оны 11 сарын 14
Монгол Улсын Засгийн газрын гишүүн, БСШУС-ын сайд Ц.Цогзолмаа Япон улсын ЖАЙКА-ийн Монгол дахь суурин төлөөлөгчийн газрын дарга Сато Мүцүми тэргүүтэй төлөөлөгчдийг хүлээн авч уулзлаа.
-
2017 оны 11 сарын 14
Голын мөс хангалттай зузаараагүй байгааг анхааруулав
-
2017 оны 11 сарын 14
Нийслэлийн төсвийн хөрөнгөөр Богдхан уулын дархан цаазат газарт Аялал жуулчлалын зориулалттай, нийт 264 авто машины зогсоол бүхий 2,05 км авто замыг барьж, ашиглалтад орууллаа.
Богд хан ууланд нийслэлийн иргэдийн аялах, амрах зориулалттай явган аяллын 3 чиглэл байгаагаас хамгийн том нь Зайсан-Дугуйцагаан-Баруун ширээтийн аяллын чиглэл юм. Амралтын өдрүүдээр тус чиглэлд 5000- 10 000 иргэн аялдаг бөгөөд түүнийг дагаж 300-450 авто машин Зайсангийн аманд түгжрэл үүсгэдэг байв.
Зориулалтын зам, тохижилт байхгүйгээс иргэд замгүй газраар зорчих, хог хаях, ил задгай бие засах зэргээр байгаль орчныг бохирдуулж, хавар, намрын хуурайшилт ихтэй үед гал түймэр гарах, түймэр унтраах машин техник орж гарах орц, гарцгүй болсон зэрэг зайлшгүй шалтгаануудын улмаас зориулалтын зам барих шийдвэрийг гаргасан юм.
Аяллын зориулалтын зам, авто машины зогсоолтой болсноор иргэдийн ая, тухтай амарч, зугаалах, агаар салхинд гарах эрх хангагдаж, амралтын өдрөөр Зайсангийн аманд үүсдэг түгжрэл арилж, тухайн бүсийн иргэдийн аюулгүй байдал, амьдрах орчин сайжирч, тоосжилт буурч байгаа юм.
1975 онд ашиглалтад орсоноос хойш өргөтгөл шинэчлэлийн ажил хийгдээгүй байсан тус замыг өргөтгөн шинэчлэх ажлыг “Наранбулаг-Хан” ХХК гэрээт хугацаандаа чанарын өндөр түвшинд гүйцэтгэлээ гэж Нийслэлийн Авто замын хөгжлийн газраас мэдээллээ.
-
2017 оны 11 сарын 14
Шүүх дэх эвлэрүүлэн зуучлагч, асран хамгаалагч тогтоох дүгнэлт гаргаж буй мэргэжилтнүүд (шинжээчид)-ийг чадавжуулах сургалт өнөөдөр эхэллээ.
-
2017 оны 11 сарын 14
Улаанбаатар хотын хамгийн тулгамдсан асуудлын нэг нь замын түгжрэл болоод удаж байна. Замын түгжрэлийн мэдрээгүй хүн Улаанбаатарт байхгүй гэж болно. Өнөөдөр нийслэл хотод 500 мянга гаруй тээврийн хэрэгсэл замын хөдөлгөөнд оролцож байна.
Их хотын иргэдийн хувьд замын хөдөлгөөнд оролцохдоо замаа төлөвлөж, явах маршрутаа зөв мэдээлэл дээр тулгуурлан сонгож зорчих нь түгжрэлд саатахгүй, цаг заваа хэмнэх том давуу талыг бий болгодог. Тэгвэл замын хөдөлгөөний мэдээллийг шуурхай авч, явах маршрутаа сонгон саадгүй зорчих боломжтой боллоо. Улаанбаатар хотын Замын хөдөлгөөний удирдлагын төвөөс замын ачааллыг бууруулах зорилгоор жолооч нарт замын хөдөлгөөний мэдээллийг цаг тухайд нь хүргэх үүднээс нэгэн шинэ технологийг нэвтрүүлжээ. Ингэснээр жолооч нар явах чиглэлийнхээ зай, туулах дундаж хугацааны тооцоолол, хөдөлгөөний ерөнхий байдал, уулзвар, гарцууд дахь түгжрэл, осол саадын мэдээлэл, зам засвар, замын саад, төлбөртэй зогсоолын талаар шууд мэдэх боломжтой болсон байна. Хүсвэл жолооч та өөрийн явж өнгөрөх уулзварынхаа камерын дүрсийг ч харж болно. Харин эдгээр мэдээллийг авахын тулд www.UBtraffic.mn вэбсайтаар болон өөрсдийн гар утас, таблетад UBtraffic.mn аппликейшныг Play store, App store-оос үнэ төлбөргүй татан авч суулган ашиглах боломжтой юм. Мөн тус төвөөс жолооч нарт зориулан илүү хялбар шийдэл, хэрэглээг бий болгосон дараа дараагийн аппликейшнуудыг тун удахгүй гаргахаар ажиллаж байгаа аж. Замын хөдөлгөөний урсгалын талаар нэгэнт бид мэдээлэлтэй болсон болохоор бусад хөдөлгөөнд оролцогчидоо хүндэтгэн ТА-БИ-ТА зарчмаар Замын хөдөлгөөний дүрмийг баримтлан, замын хөдөлгөөндөө соёлтой оролцох л үлдлээ гэж Улаанбаатар хотын Замын хөдөлгөөний удирдлагын төвөөс мэдээллээ.
-
2017 оны 11 сарын 14
НИТХ-ын Тэргүүлэгчдийн ээлжит хуралдаан НЗДТГ-ын А зааланд болж байна. Хуралдаанаар Түрээсийн орон сууцыг хөгжүүлэх төсөл хэрэгжүүлэх, Орон нутгийн үйлдвэрлэлийн түншлэл дэд хөтөлбөр батлах, Улаанбаатар хотын хог хаягдлын менежментийг сайжруулах дэд хөтөлбөр, Ой тэмдэглэх зөвшөөрөл олгох тухай зэрэг асуудлыг хэлэлцэж байгаа юм. Харин маргааш буюу 2017 оны арваннэгдүгээр сарын 15-ны өдөр болох НИТХ-ын ээлжит бус хуралдаанаар Хурлын зохион байгуулалтын асуудал болон Нийслэлийн Засаг даргын 2017 оны үндсэн чиглэлийн явц, нийслэлийн эдийн засаг, нийгмийг 2018 онд хөгжүүлэх үндсэн чиглэлийг хэлэлцэж батлах, Агаар, орчны бохирдлыг бууруулах чиглэлээр 5-9 дүгээр сард хэрэгжүүлсэн үйл ажиллагааны тусгай төлөвлөгөөний биелэлтийг хэлэлцэхээр болжээ. Өнөөдрийн хуралдаанаар НИТХ-ын ээлжит 12 дугаар хуралдааныг энэ сарын 24-ний өдөр хийхээр товлов гэж НИТХ-ын хэвлэлийн албанаас мэдээллээ.
-
2017 оны 11 сарын 14
Сонгинохайрхан дүүргийн 9 дүгээр хорооны иргэн Б-ын өвлийн сууцны цонхыг эвдэж “Samsung” /42/ инчийн LCD зурагт, гар утас зэрэг эд зүйлсийг Хан-Уул дүүргийн 3 дугаар хороонд оршин суух Б хулгайлсныг тус дүүрэг дэх цагдаагийн хоёрдугаар хэлтсийн алба хаагчид шуурхай илрүүлсэн байна.
Иймд иргэд та бүхэн орон байрны хулгайн гэмт хэргээс урьдчилан сэргийлж, урт, богино хугацаагаар гэр орноо эзэнгүй орхих тохиолдолд хажуу хөрш айл, жижүүртээ мэдэгдэх, байр, сууцаа эргэж тойрч байхыг Нийслэлийн цагдаагийн газраас зөвлөж байна.
-
2017 оны 11 сарын 14
“Лантуун дохио” төрийн бус байгууллага цагдаагийн хэлтэстэй хамтран 16 ширхэг хяналтын камер байршуулснаар тухайн орчинд гэмт хэрэг, зөрчил бүртгэгдээгүй байна.
Мөн Сонгинохайрхан дүүргийн 10 дугаар хорооны иргэн Г.Цэрэндолгор өөрийн хөрөнгөөр гудамжиндаа 7 ширхэг хяналтын камер байршуулснаар тухайн орчинд үйлдэгдсэн 3 гэмт хэргийг камерын бичлэгийн тусламжтай илрүүлсэн байна. Энэ талаарх мэдээллийг хүлээн авч үзнэ үү.
-
2017 оны 11 сарын 14
Авлигатай тэмцэх газрын Мөрдөн байцаах албаны дарга, ахлах комиссар Н.Дамдинсүрэнгээр ахлуулсан ажлын хэсэг 2017 оны 11 дүгээр сарын 13-ны өдрөөс Сэлэнгэ аймагт ажиллаж эхэллээ.
Тус ажлын хэсэг Сэлэнгэ аймгийн ИТХ-ын дарга Г.Бямбаа, аймгийн Засаг дарга Ш.Оргил, ИТХ-ын Ажлын албаны дарга Э.Оюунболд, Засаг даргын Тамгын газрын дарга Ө.Сувдаа, Санхүү, төрийн сангийн хэлтсийн дарга М.Нарантуяа, Хөрөнгө оруулалт, хөгжлийн бодлогын хэлтсийн дарга А.Эрдэнэгэрэл болон холбогдох агентлагийн удирдлагатай уулзаж, орон нутагт ажиллах ажлын удирдамж, чиглэлийг танилцууллаа.
Мөн Авлигатай тэмцэх үндэсний хөтөлбөрийг хэрэгжүүлэх хүрээнд орон нутагт авлигын эсрэг хууль тогтоомжийн хэрэгжилттэй газар дээр нь танилцах бөгөөд аймгийн ИТХ, Засаг даргын Тамгын газар, Засаг даргын эрхлэх асуудлын хүрээний зарим агентлагт ажиллана. Эдгээр байгууллагуудын албан тушаалтнуудын гаргасан тушаал шийдвэр, дагаж мөрдөж буй дүрэм, журам, төлбөр хураамж тогтоосон баримт бичиг, төсөв санхүү, худалдан авалтын үйл ажиллагаатай нарийвчлан танилцана.
Ажлын хэсэг 2017 оны 11 дүгээр сарын 15-ны өдрийг хүртэл хугацаанд Сэлэнгэ аймгийн төв болон Алтанбулаг, Сайхан, Шаамар, Сүхбаатар зэрэг суманд ажиллах юм.
-
2017 оны 11 сарын 14
БОАЖ-ын сайд Н.Цэрэнбат тусгай хамгаалалттай газар нутгийн хамгаалалтын захиргаадын дарга нартай уулзлаа. Уулзалтад БОАЖЯ-ны Төрийн нарийн бичгийн дарга Ц.Цэнгэл, Тусгай хамгаалалттай нутгийн удирдлагын газрын дарга Ч.Батсансар, Монгол Улсад үйл ажиллагаа явуулж буй тусгай хамгаалалттай газар нутгийн хамгаалалтын 33 захиргааны дарга оролцсон юм.
Уулзалтын эхэнд БОАЖ-ын сайд Н.Цэрэнбат шинэ Засгийн газар хууль дүрмийг хатуу чанга баримтлан ил тод, олон нийтэд нээлттэй ажиллана гэдгээ мэдэгдээд “Байгаль хамгаалагчдын тавьсан шаардлагыг биелүүлдэггүй хэрнээ олон нийтэд буруу, зөрүү мэдээлэл түгээдэг иргэдийн асуудлыг техник технологийн хүчээр шийдэх ёстой” хэмээсэн юм. Тодруулбал, байгаль хамгаалагч нарыг энгэрийн камераар хангаж, шаардлага биелүүлдэггүй, зөрчил гаргагчдыг баримтжуулж олон нийтийн цахим сүлжээгээр түгээхээс эхлээд томоохон хэмжээний зөрчлийг дроны тусламжтайгаар илрүүлдэг дэлхий нийтийн жишигтэй хөл нийлүүлэн алхах цаг болсныг онцолсон юм. Уулзалтын төгсгөлд тэрбээр “Мэдээж энэ бүхнийг эхлүүлэхэд цаг хугацаа, санхүүжилтын асуудал тулгамдах ч олон улсын төсөл хөтөлбөрүүдтэй хамтран байгаль хамгаалагч нарын хөдөлмөрийг хөнгөвчлөх эхлэлийг тавихын төлөө ажиллана, харин та бүхнийгээ дэмжинэ гэдэгт итгэлтэй байна” хэмээсэн.
Тусгай хамгаалалттай газар нутгийн хамгаалалтын захиргаадын дундаас Ханхөхийн тусгай хамгаалалттай газрын дарга газар нутгийн хэмжээг нь тэлэх асуудалд анхаарал хандуулж, энэ удаагийн УИХ-ын чуулганаар батлуулж өгөхийг хүссэн. Мөн Их богдын тусгай хамгаалалттай газрын дарга захиргааны байртай болгож өгөх санал тавьж байлаа. Уулзалтын дараа Н.Цэрэнбат сайд Тусгай хамгаалалттай нутгийн удирдлагын газрын дарга Ч.Батсансарт үүрэг гүйцэтгэгчээр ажиллаж байгаа захиргаадын дарга нарын асуудлыг цэгцлэхийг үүрэг болгосон юм.
-
2017 оны 11 сарын 14
БНСУ-ын Гёонги мужийн гамшгаас хамгаалах газраас зохион байгуулсан “Гамшгийн менежментийн системийн бүтэц, хөгжлийг хангах нь” сэдэвт айлчлалд Дархан-Уул аймгийн Онцгой байдлын газрын дарга, хурандаа Г.Батбаяраар ахлуулсан ажлын хэсэг 2017 оны 11 дүгээр сарын 08-11-ний өдрүүдэд оролцоод ирлээ.
Хоёр орны харилцан хамтын ажиллагааны хүрээнд Гёонги мужийн хотуудын аврах эрэн хайх газартай харилцаа тогтоож хамтран ажиллах талаар удирдлагууд санал солилцлоо. Мөн хоёр улсын хооронд гамшгаас хамгаалах салбарт хамтран ажиллах тухай хамтарсан санамж бичгийг шинэ шатанд гаргаж гэрээ болгох, Монгол Улсын Онцгой байдлын албаны боловсон хүчний болон техник, тоног төхөөрөмжийн чадавхийг дээшлүүлэх талаар санал бодлоо илэрхийлсэн юм.
Ажлын хэсэг Гёонги мужийн Сүвон хотын Гамшгийн Шуурхай удирдлагын төв, Аврах тусгай анги, Галын академи, Гамшгийн удирдлагын судалгааны болон иргэдийг гамшгаас хамгаалах төв зэрэг байгууллагуудын үйл ажиллагаатай танилцаж дэвшилтэт шинэ технологи, шинэ санааг өөрийн нутгийн хөрсөн дээр буулгаж хэрэгжүүлэх талаар туршлага судаллаа. Энэ үеэр БНСУ-ын Онцгой байдлын албаны баярын өдөр тохиосон нь онцлог үйл ажиллагаа байлаа. Уг арга хэмжээний үеэр ажлын хэсгийн бүрэлдэхүүнийг Гёонги мужийн захирагч хүлээн авч хүндэтгэл үзүүлсэн гэж Дархан –Уул аймгийн Онцгой байдлын газраас мэдээллээ
